BLIND ITEM: NAALIW kami sa kuwentong ito. Kasi, merong manager-talent, para lang silang magkapatid. Pero noon pa ay may nangyari na sa kanila.
‘Eto ngayon, naniningil ng komisyon ang manager sa talent. Umabot na sa P150 thousand. Sabi nu’ng talent na aktor, “’Wag mo na lang kunin. Kung gusto mo, ___pain mo na lang uli ako para quits na tayo!
“Sige na, kailangang-kailangan ko ng pera, eh. Hindi ka naman naghihirap, eh. Ako, kailangan ko. Ang dami kong babayaran.”
Alam n’yo ba kung anong reaksiyon ng baklang manager?
“O, sige na nga. Madali naman akong kausap, eh. Kailan?”
“’Pag me time. Busy ngayon, eh!”
Hahahaha! Juice ko, hindi ko kinaya ang kuwentong ito. Nakakatawa!
‘Wag na kayong manghingi ng clue, ha? Hahaha!
KAHIT KELAN TALAGA, nakakatawa ‘tong si Mariel Rodriguez. ‘Yun bang kahit inookray na siya ay keri lang, tinatawanan na lang niya.
Tulad na lang ng kuwento niya sa amin kahapon sa dressing room ng Wowowee.
“Naku, ‘eto na, tinawagan ko si Tito Boy (Abunda, her manager). Sabi ko, ‘Tito Boy, ba’t hindi ako tinatawagan ni Kris (Aquino) for the campaign of Noynoy?
“Puwede ako. I have seven songs that I can sing. So, ito namang si Tito Boy, tumawag kay Kris, ‘Kris, why don’t you get Mariel for the campaign sortie of Noynoy? She has seven songs to perform?’
“’Eto na. Alam mo ba, tinawagan ako ni Tito Boy and told me, ‘Mariel, I told Kris to get you, but she told me, Boy, please tell Mariel to just wear a sexy outfit and not sing?’
“Hahahaha! Nakakalokah! Ba’t ba ayaw ng mga tao na kumanta ako, eh, okay naman ang voice ko? Pitong kanta na ang alam kong kantahin, sana man lang, pagbigyan ako!
“Kaya sa campaign mo, mare,” sey sa amin ni Mariel, dahil alam niyang tatakbo kaming Konsehal sa District 3 ng Quezon City, “Kakanta ako, ha?”
“Juice ko, mare, by all means, go!”
And what is nice about Mariel, walang bayad. Basta pakantahin lang daw namin siya. Hahaha! Oo naman. Hindi man bumilib sa boses niya ang mga constituents namin ay tiyak namang maaaliw sa tibay ng kanyang loob.
ANG AMING ANAK-ANAKANG si AJ Perez ay nangangailangan na naman ng inyong suporta. Simple lang ang kanyang hinihiling, baka type n’yo nang pagbigyan.
Meron kasing online voting ang Skin White. Bumisita lang kayo sa www.brandnewme.ph, magpa-register kayo at i-click n’yo lang ang AJ Perez at may one point na agad ang aming anak-anakan.
Sa mga “fans” namin (kung meron man), palambing naman ng isa n’yong boto para kay AJ, o?
‘Wag n’yong kakalimutang makinig palagi sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn. Kasama siyempre pa sina Ms. F., Fwend Rommel Placente at Daddy Eric. ‘Yan ay kung type n’yo lang mag-enjoy. Kasi nga, nakakatawa naman talaga ang programang ‘yan, in fairness.
Oh My G!
by Ogie Diaz
