Zanjoe Marudo, ipinagpalit si Mariel Rodriguez sa TV executive?!

KAHIT NA NAGSAMA sina Zanjoe Marudo at Mariel Rodriguez sa Z Cup ni Zanjoe, kung saan naging host pa o nagbigay ng awards si Mariel, dama ng mga dumalo sa nasabing event ang coldness ng dalawa sa isa’t isa.

Pinabulaanan ni Mariel na si Robin Padilla ang dahilan ng kanilang paghihiwalay dahil nauna nga naman ang break-up nila sa pagpasok ni Robin sa Wowowee.

Napansin din sa nasabing event ang ‘di man lang daw pag-aayos ni Mariel at para nga raw itong walang kagana-gana sa pagsagot sa mga tanong sa kanya ng press. Hopeless na nga raw ba ang pagbabalikan ng dalawa?

Teka, bakit ba inili-link si Zanjoe ngayon sa isang TV executive? At may mga haka-haka na kapag daw nagbida na si Zanjoe sa mga darating na bagong soap sa ABS-CBN eh, alam n’yo na…

Ito ba ang naging kaagaw ni Mariel sa pagmamahal ni Zanjoe? Ayaw ko sanang maniwala, eh. Cuddly raw and huggable? Hindi ko ma-gets, ha?

IMBYERNA ANG ILANG photographers na sumama sa Lago del Rey Aquafest sa Cam Sur na hatid nina Governor L-Ray Villafuerte at ng Len Plus, Inc. ni Marilen Nuñez.

Nope! Hindi kay Gob o kay Ms. Marilen sila imbyerna kundi sa isa rin sa invited na participants na si Raymond Gutierrez!

Mula raw kasi nang dumating sa Lago del Rey si Raymond, panay na ang pigil nito sa photographers na kunan siya ng pictures. Bawat porma na lang daw ng photographers na may kukunan sila, gaya ng mga friends ni Raymond na sina Liz Uy, Isabelle Daza, ang boyfriend nito at mga kasama nilang foreigners, like Ben Wintel at iba pa, lagi raw silang hinaharang ni Raymond.

Eh, sabi nga ng marami sa mga photographers na ito, ilang taon na nilang kinokober ang halos lahat ng events ng Len Plus, Inc. kung saan ‘sangkaterbang celebrities ang dumadalo, pero never pa raw silang hinarangan o pinigilan sa dapat nilang mga kunan.

Kaya ikinaloka nila ang pagmamando sa kanila ni Raymond, na para naman daw hindi na rin kabilang sa media, dahil nga sa nagre-report na rin ito ng mga showbiz happenings.

O, huwag sa akin magalit, ha? Ini-report ko lang ang ibinubusa ng mga photographers like Boy Borja. Kaya nga raw, never na niyang kinunan doon si Raymond. Dahil according din kay Boy, parang ang feeling daw nito eh, siya ang laging kukunan.

Basta kami, hinintay na lang namin kung kelan kami babatiin ni Raymond sa nasabing event. Bumati naman noong hapon ng first day ng games. ‘Hello guys!’ say nito nang dumaan sa harap namin. Eh, ‘di smile din kami.

SA ISANG BANDA, ang magandang balita naman kay Raymond sa nasabi ring event eh, ang pagbabati naman nila ng nakahidwaan din niya last year, ang reporter na si Ginger Conejero.

Na-cover kasi ni Ginger ang naging controversial na kissing scene nina Raymond at Carla Humphries noon sa katuwaan sa party in the said event. Na siyempre, hindi nagustuhan ni Raymond.

Pero this time, they shared the same stage nang sila ang maatasang mag-host sa awarding ceremony sa last night ng nasabing Aquafest.

Naitawid naman ng dalawa ang gabi nang may kasiyahan at hindi nahaluan ng maaanghang na mga salita. Kumbaga, very maingat nga ang dalawa sa pag-handle sa isa’t isa. At lalo pa itong nasubukan nang after the awarding ceremonies eh, naghulugan na sa pool ang lahat. At hindi nakaligtas si Ginger sa katuwaan ng grupo.

Kaya kaliwa’t kanan ang pag-klik ng mga cameras sa nasabing mga pangyayari.

Ewan lang kung nakunan si Raymond sa nasabing kasiyahan.

The Pillar
by Pilar Mateo

Previous articleJohn Lloyd Cruz, malalim na ang relasyon kay Shaina Magdayao!
Next articleSarah Geronimo, ginagawang robot ng magulang?!

No posts to display