BLIND ITEM ni Chokoleit sa Twitter: Sino raw ang komedyana na nu’ng mag-audition para sa isang role ay tinanggihan, dahil ang rason ng audition master, “Babae po ang kailangan, hindi po bakla.”
Sino ang komedyanang ito?
Clue?
Napapanood siya sa Pilipinas Win Na Win at bonggang-bongga ang role niya sa “I Do.” Sana, mahulaan n’yo na ‘yan, kundi, makakarinig kayo sa amin ng, “Pokey mo!”
KUNG ANG ANIM na araw na sinyut nina Robin Padilla at Toni Gonzaga na worth P9 million ay itinuring nang “tapon,” iba naman sa kaso ng pelikula nina Aga Muhlach at Regine Velasquez sa Viva Films.
Sampung araw na lang pala ito at tapos na tapos na, pero heto’t magpapakasal na sina Regine at Ogie at itong si Aga ay kasalukuyang ginagawa ang movie with Angel Locsin.
Kaya mukhang aabutin nang siyam-siyam ang pelikulang ito ng Viva, dahil kani-kaniyang busy-bisihan ang nagaganap.
Baka binata’t dalaga na ang kambal nina Aga at Charlene Gonzales at may anak na sina Regine at Ogie Alcasid, hindi pa rin nakukumpleto ang filming ng kanilang tambalan.
Juice ko, magkano na rin ang “natutulog” na “puhunan” ng produ, ‘no?
Teka, kung hindi si Aga at hindi rin si Regine, sino’ng may kasalanan?
“MAMA, PANOORIN MO ang finished product ng Petrang Kabayo, ilang milyong piso ang ginastos ng Viva Films para sa special effects at ‘yung nagsasa-katawang-kabayo si Vice Ganda!”
‘Yan ang super manghang kuwento ng line producer na si Tita Hermie Go na parang isinisisi pa sa amin kumbakit gumastos nang milyun-milyon ang Viva sa special effects sa Hong Kong.
Kaya si Vice naman ay super-promote ng Petrang Kabayo. Mabuti na lang at hindi sa Sta. Ana Race Track gaganapin ang premiere night sa 10-10-10, kundi sa Cinema 10 ng Megamall lang.
Pero ang ambience ng premiere night, abangan ninyo at mangangamoy karerahan.
MAY NAGSABI SA amin, abangan at panoorin daw namin ang bagong show ni Willie Revillame sa Channel 5, dahil ilang milyon na agad ang ipamimigay, dahil ‘yun daw ang utos ni MVP tulad ng pamimigay nang bonggang-bonggang premyo sa PO5 na may kotse pa!
Gano’n?
Aba’y kaabang-abang nga.
But for all we know, kahit ang ABS-CBN ay gumagawa na rin ng bonggang-bonggang gimik para tapatan ang bagong show ni Willie.
At true ba ‘to na willing si Willie na bayaran na lang ang P486 million na damages na hinihingi ng ABS-CBN?
Talaga lang, ha?
Abangan natin ang mga latest update sa senaryong ito.
‘Wag n’yong kalilimutang makinig palagi sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn.
Oh My G!
by Ogie Diaz
