Walang Middle Name sa Birth Certificate

Dear Atty. Acosta,

ANG PROBLEMA ko po ay tungkol sa impormasyon sa aking birth certificate. Hindi ako lehitimong anak at wala akong middle name sa tala ng a-king kapanganakan mula sa city hall at sa NSO. Subalit sa lahat ng mga dokumento ko ay ginagamit ko ang middle name ng aking ina. Ano po ba ang dapat kong gawin upang maipatala ang middle name ng aking ina sa aking birth certificate?

Rey

 

Dear Rey,

HINDI MALIWANAG sa iyong sulat kung ano ang apelyidong nakasaad sa iyong birth certificate. Ayon sa ating batas maaaring gamitin ng hindi lehitimong anak ang apelyido ng kanyang ina at mananatili siya sa pangangalaga nito. Subalit maaari ring gamitin ng anak ang apelyido ng kanyang ama kung siya ay kinikilala nito bilang kanyang tunay na anak. Ito ay alinsunod sa Republic Act No. 9255 na nagsasabing, “Illegitimate children shall use the surname and shall be under the parental authority of their mother, and shall be entitled to support in conformity with this Code. However, illegitimate children may use the surname of their father if their filiation has been expressly recognized by the father through the record of birth appearing in the civil register, or when an admission in a public document or private handwritten instrument is made by the father. x x x”

Sa iyong sitwasyon, hindi tama na gamitin mo ang middle name ng iyong ina. Kung ang apelyido na nakasaad sa iyong birth certificate ay ang apelyido ng iyong ama, ang magsisilbing middle name mo ay ang apelyido ng iyong ina. Hindi mo maaaring gamitin ang middle name ng iyong ina sapagka’t hindi naman kayo pareho ng magulang. Kung inyong mapapansin, ang kalalabasan nito ay tila kayo ay magkapatid kung iyong gagamitin ang kanyang middle name, kung kaya’t hindi ito maaaring gawin. Ngunit kung nais mong magkaroon ng tala na magpapakita na ang apelyido ng iyong ina bilang iyong middle name, kailangan mong magtungo sa Local Civil Registrar ng siyudad o probinsya kung saan nakatala ang iyong kapanganakan, at hilingin ang pagdagdag ng apelyido ng iyong ina bilang iyong middle name.

Sa kabilang banda, kung ang apelyido na nakalagay sa iyong tala ng kapanganakan ay ang apelyido ng iyong ina, ang kailangan lamang lumabas bilang iyong pangalan ay ang iyong given first name at surname ng iyong ina. Ito ay alinsunod sa desisyon ng Korte Suprema na nagsasabing ang pangalan ng isang tao na hindi lehitimong anak at hindi kinikilala ng kanyang ama ay ang kanya lamang given name at ang surname ng kanyang ina, at wala siyang gagamiting middle name.  (Philippines vs. Capote, 514 SCRA 76)

Sana ay nabigyan namin ng linaw ang iyong katanungan. Ang payong aming

ibinigay ay base lamang sa mga impormasyon na iyong inilahad at maaaring magbago kung mababawasan o ma-daragdagan ang mga detalye ng iyong salaysay.

 

Malugod namin kayong inaanyayahan na manuod ng mediation on air “Public Atorni:Asunto o Areglo” sa TV 5 mula Lunes hanggang Biyernes sa ganap na alas-2 ng hapon.

 

 

Atorni First
By Atty. Persida Acosta

7 thoughts on “Walang Middle Name sa Birth Certificate

  1. Hi po ako po si Brenda De Guia, tanong ko lang po kung ok lang po na walang middle name sa birth certificate, kasi po ang pangalan po ng mama ko ay Zusie Jane De Guia ang papa ko naman po ay Henry Cruz pero po ang nsa birth certificate ko ay Brenda Deguai lang wala pong middle name ano po ang dapat kong gawin? email nyo lang po ako sa brokenxsoul_08@yahoo.com salamat po sana po matulungan nyo ko gusto ko po ksing kumuha ng SSS

  2. Dear atty.,

    hello po.. tawagin nio nalang po akong den..
    tanong ko lang po kung paano ayusin ung birth certificate ko..Hindi po kasi kasal ang mga magulang ko. Since nung bata po ako ginagamit ko na po ung middle name ng mama ko pati sa marriage certificate ko un na ang gamit ko.. pero ngaun ko lang po nalaman na wala akong middle name.. sa passport ko po wala akong middle name, dapat po naka alis na ako ng june papuntang saudi kaso hindi po natuloy dahil sa wala akong middle name.. paano po kaya ang pwede kong gawin..?? 27 y/o na po ako pwede ko bang gamitin ung last name ng papa ko? or kailangan pa po ng approval niya?
    at paano po ang mangyayari if ever na pwede ko gamitin yung last name ng papa ko? paano po ang asawa at mga anag ko??
    Sana po matulungan niyo ako.. Salamat po!
    GODBLESS!!

  3. Dear Atty. Acosta,
    atty.gusto ko pong humingi ng tulong tungkol sa impormasyon sa aking birth certificate. Hindi ako lehitimong anak at wala akong middle name sa tala ng aking kapanganakan mula sa city hall at sa NSO.kc po ang gamit kung apelyedo ay apelyedo ng nanay ko..paano po ang gagawin ko para magkarun ng middle name. nag aapply kasi po ako sa saudi bawal raw po yung walang middle name sa saudi kaya sana po matulungan nyo po ako at mapayuhan.MARAMING SALAMAT PO
    ERIC

  4. tanung ko lang po anu po ang dapat gawin kase po ang pangalan po na ginagamit ng kapatid ko   ay mary joy simula pag kabata , pero nung kumuha po sya ng nso ay wala po ung joy , anu po dapat gawin at magkanu po kaya ang aabutin ng bayad nito ? 

  5. Dear Atty.Acosta,
                       magandang araw po sa inyo.ang isasanguni ko po sana sa inyo e tungkol po sa mr.ko.lahat po ng papeles namin meron po syang middle name..sa marriage contract po namin tsk birthcertificate ng mga bata..kaya lng po ng nagaaply sya abroad.ng kinuha nya yung bc nya sa NSO e wla po pla syang middle nme.pano po kya ang dapat naming gawin.hindi rin daw pwede sa abroad kung walang middle name,,ano po ang dapat naming gawin Atty.Acosta??..wala po syang tatay hindi po sya kinilala ng kanyang ama.pano po ang gagawin namin pra magkaron sya ng middle name..maraming maraming salamat po sa inyo,,,,

  6. Dear Atty.Acosta,

                        Ang liham kong ito ay patungkol rin po sa problema sa Birth Certificate ko. Nag apply po ako ng passport at nakitaan ng problema  sa Middle Name ko,  wala pong Middle Name kung hindi middle initial lang na B.  ang nakalagay.

    Ako po ay di  lehitimong anak sa pagkat di kasal ang magulang ko di rin po ako kinilala ng aking ama kaya ang apelyido ng aking ina ang ginagamit ko at yun din naman ang nakalagay sa birth certificate ko. 1989 po ako ipinanganak at alam ko po may civil code something that covers all those illegitimate children where they can only bear their mothers surname.

    According to the DFA processor,I must have a Middle Name kaya na reject po yung application ko. I was also asked to file for a supplemental report of Middle Name  that I have to go and fix it on Local Civil Registrar.Kasi lumalabas daw po na magkapatid kami ng mother ko.

    Nasusunod pa po ba ito?(Philippines vs. Capote, 514 SCRA 76)

    Parehong B. ang Middle Name ko at ng Mother ko sa Birth Cer. ko. kaya naguguluhan po ako kung ano ba talaga ang dapat ayusin.kung ang magkaroon ng Middle name na susundin rin sa Middle Maiden name ng Mother ko o aalisin nalang yung Middle Initial na B. at hayaan nalang na blanko sa birth certificate ko at magkaroon ng Middle Name ang mother ko sa B.C ko instead of initials lang. alinsunod sa mga batas na sumasakop sa concerns ng B,C ko. 

    Sana po mabigyan nyo ako ng payo..kailangan ko po ma process ang passport ko soon.

                                                                                              Sid
                                                                        

  7. ang problema ko po,tungkol po sa aking middle name,simula ng pinganak po ako lolo at lola kna po ang ginagamit kong apelyido at middle name po ng lola ko,kc po simula nung pinganak po ako dko na po nakita ang tatay ko,iniwan po kmi ng nanay ko,ang pinanghahawakan ko lang po yung apidavit of law,ngayon po nag pa late registration po ako,ang pumirma po sa birt certificate ko yung nanay ko po,lumabas po na wala po akong middle name sa nso,kc po nag apply po ako sa ibang bansa e kailangan daw po ng middle name,pano ang gagawin ko para po magkaroon ng middle name,sana po matulungan nyo po ako.sana po dto nyo po ako replyan sa malynmalinay@yahoo.com,salamat po