Umiiwas sa Vicki Belo-Hayden Kho issue? Nancy Castiglione, no show sa isang event!

MARAMING PRESS at miyembro ng media ang nag-antay at nag-antabay sa pagda-ting ni Nancy Castiglione sa launch ng isang accessories, kung saan in-assure pa naman ng PR ng event na darating siya talaga kasama ang isa pang kontrobersyal na personalidad na si Grace Lee.

Dumating ang huli at nagpaunlak naman ng isang mahabang panayam sa mga media na nandu’n. Pero si Nancy, no show talaga hanggang sa matapos na ang event at nakapagligpit na ang production ng mga gamit.

Marami nga ang nagsasabing right timing na sana ito para kay Nancy na malinawan ang lahat ng mga isyung nag-uugnay sa kanya kay Hayden Kho, pero bakit kaya mas pinili niyang indiyanin ang miyembro ng press na nag-antay sa kanya? Well she has her reasons siguro why she didn’t come at siya lang ang nakaaalam nu’n.

Sabi naman, magpapatawag daw ng presscon ang kanyang manager ngayong araw (Wednesday), ‘di lang namin masabi kung natuloy ito as of this writing. Pero sana, magpaunlak na si Nancy ng mahabaang panayam sa media para naman malinawan na ang lahat ng isyung kinasasangkutan niya.

HAPPY KAMI at nominado si Governor ER Ejercito sa pagka-best actor sa nalalapit na Star Awards for Movies ngayong March 14. Matatandaang hindi nakuha ni Gov. ER ang tropeo sa pagka-best actor noong nakaraang Metro Manila Film Festival. Marami kasi ang pumuri sa kanyang acting sa The Manila Kingpin: Asiong Salonga Story na naging surprise hit noong festival.

Goodluck kay Gov. ER at wish namin, siya ang magwagi ng Best Actor Trophy! Wish lang namin ‘yun!

TUWING MAKAKAUSAP namin si Janice de Belen, lagi naming pinupuri ang kanyang propesyunalismo pagdating sa trabaho. Imagine, apat na sabay sabay na work ang kanyang ginagawa sa ngayon aside from being a single parent.

Aside from Budoy, ginagawa rin niya ang The Healing kasama si Go-vernor Vilma Santos at Kim Chiu. Tapos sa kanyang mga libreng araw, nagti-taping din siya ng Spoon, ang kanyang daily cooking talkshow sa Net 25, kung saan hindi lang ito studio-based kundi may mga location tapings din sila. Lumalabas din siya para mag-interview ng mga personalidad para naman sa weekly show nilang SIR o Showbiz Inside Report.

Sabi nga niya sa amin, hindi naman araw-araw dumarating sa ‘yo ang mga ganitong oportunidad, kaya pinagbubuti niya ang kanyang craft para lalo pa siyang pagkakatiwalaan ng mga bigwigs ng istasyong kanyang pinag-lilingkuran.
Sure na ‘to
By Arniel Serato

Previous articleRocco Nacino, ‘di handang magladlad nang husto!
Next articleGrace Lee, tinawag na isip-bata si Angelicopter!

No posts to display