Tinotoo raw ang fight scene: Dennis Trillo, nagseselos sa ka-love triangle nila ni Jennlyn Mercado?

MEDYO HEAVY ANG pakiramdam ko ngayon dahil ‘yung ibang kandidato ko na tumakbo sa eleksiyon nu’ng kamakalawa, hindi naman pinalad. Pero kahit papa’no, natuwa naman ako dahil wagi ang mga alaga ko na tumakbo rin.

Si Christopher de Leon na tumakbong bokal sa Batangas ay wagi at siya ang number one. Kaya sabi nga ni Sandy, siya na ang senior board member.

Si Alfred Vargas naman na tumakbong konsehal ng district 2 ng Quezon City ay panalo rin. As of yesterday morning, number 2 siya kaya mahirap nang malaglag ‘yan, ‘no?!

Ang dinig ko, hindi pinalad si Ara Mina sa district 2, pero pasok daw sa magic 6 sina Precious Hipolito at Roderick Paulate.

Pati si Robert Ortega na muling tumakbong konsehal ng district 4 ng Maynila ay nakapasok din sa magic 6 kaya okay na rin ang pakiramdam ko.

Siyempre ang pinaka-happy ako, kay Sen. Bong Revilla na nanatiling number one sa Senado at sinusundan naman ni Sen. Jinggoy Estrada na love ko rin.

Ang masaya pa, na-grand slam talaga ng pamilya ni Sen. Bong ang pagkapanalo dahil wagi rin si Lani Mercado bilang congresswoman ng lone district ng Bacoor at pati si Strike Revilla ay Mayor pa rin ng Bacoor.

Pati si Gov. Junjun Ynares ay wagi pa rin siyempre sa Rizal kaya masayang selebrasyon ito sa pamilya Revilla.

So far, leading pa rin si Lucy Torres-Gomez sa Ormoc kaya ‘pag nagkataon, ang ganda-ganda na ng mga tanawin sa congress dahil ang daming magaganda. Nandiyan si Lani, si Lucy at pati si Madame Imelda Marcos na reyna rin ng kagandahan. Kaya ang ganda-ganda nilang tingnan sa kongreso.

Sabi naman ni Lani si akin, kung sakaling palarin siya, lie-low muna siya sa showbiz dahil gusto ‘nyang mag-concentrate sa kanyang trabaho para sa mga taga-Bacoor.

Marami pa naman sa mga taga-showbiz ang wagi pero may mga ilan pa ring hindi pinalad kaya nakalulungkot din.

Pero mas bilib kami kay Sen. Manny Villar na kaagad tinanggap ang pagkatalo at binati nito si Sen. Noynoy Aquino bilang bagong pangulo ng bansa.

Nagpahayag ito ng suporta sa bagong rehimen ni Sen. Noynoy kaya pinuri ito ng lahat kahit masakit pa rin sa kanya ang mga batikos na natanggap niya.

Nakakaloka naman kasi, ‘di ba? Sa lahat na mga presidentiable, siya ang pinakabugbog-sarado ng mga paninira kaya tama rin naman ang sinabi niyang darating ang araw na mabibigyan siya ng pagkakataong mapatunayang mali ang mga ibinibintang sa kanya.

Hay naku! Ipagdasal na lang natin na sana magandang pagbabago na nga ito sa ating bansa at matupad ang mga ipinangako ng mga nagwagi sa nakaraang eleksiyon.

PARANG GUSTO KO na yatang maniwalang matindi raw ang pagseselos ni Dennis Trillo kay Rocco Nacino na kasama nila ni Jennylyn Mercado sa Gumapang Ka sa Lusak.

Noon pa man kasi, very vocal na si Rocco sa pagsabing crush niya si Jennylyn na ikinatuwa naman nitong huli.

Kaya hindi malayong magselos si Dennis dahil siyempre nakikita niya ang closeness ng dalawa sa set.

Ipinakita nga sa Showbiz Central ‘yung fight scene nina Dennis at Rocco na parang tinotohanan daw ni Dennis ang pambubugbog kay Rocco.

Pero siyempre, para lang naman sa Sinenovela nila ‘yun at tingin naman ni Rocco ginampanan lang ni Dennis nang mabuti ang eksenang pinagawa sa kanila. Pero tingnan na lang natin dahil mukhang may selosan talagang nangyayari.

Mga Mata ni Lolita
by Lolit Solis

Previous articlePokwang, pinasisibak sa Wowowee?!
Next articleMahilig lang sa kids: Sam Milby, false alarm ang pagkakaroon ng baby?!

No posts to display