Hindi man pinalad na masungkit ang Starstruck Ultimate Female Survivor title, kitang-kita pa rin ang potensiyal ng pride ng Cebu na si Diva Montelaba sa showbiz lalo na sa larangan ng pagpapaseksi. Kung dati ay kinahumalingan ang alindong nina Katrina Halili at Iwa Moto, masasabi nating isang morenang ala-Juliana Palermo ang aura ang susunod na panlaban ng bagong Starstruck group.
Marunong sumayaw, kumanta at umarte si Diva kaya divang-diva talaga ang kanyang dating, ‘di ba?! Mabigyan lang siya ng matinding break, paniguradong sisikat din ito. Kasalukuyan siyang napapanood na gumigiling sa Party Pilipinas at ngayon nga’y may tsikang nagkakadebelopan na sila ng Starstruck Male Winner na si Steven Silva. Ano kaya ang nakita ng binata kay Diva at tila nainlab ito? Siguro ang nakita natin ay nakita na rin niya – ang versatility. Naks!
Parazzi Chikka
Parazzi News Service
