NAPANOOD KO SA Tweetbiz na pinag-usapan nilang may katsugihan daw na tomboy si Snooky Serna. Nakakaloka naman iyan!
Nagsimula ‘yan nang magpa-interview si Snooky sa Paparazzi at ang dami niyang rebelasyon doon na isa na nga rito ang pagpatol niya sa tibo.
Hiwalay na raw sila ng non-showbiz boyfriend niya at ngayon ay loveless daw siya. Pero kuwento ni Mr. Fu ng Tweetbiz, nakita raw niya kamakailan lang si Snooky sa The Fort na may kasama ngang tibo at parang ang sweet daw nila.
Nagkabatian pa nga raw sila na parang hindi naman nagulat si Snooky. Ewan ko lang kung sinadya talaga nito para makita siya at mapag-usapan na naman.
Kaya ayan! Abangan n’yo sa Startalk dahil may interview sa kanya si Butch Francisco para linawin ang isyung katomboyan na iyan.
Lilinawin nito kung totoong may kilalang aktres na may pagkatomboy rin na nanligaw sa kanya at nagregalo pa nga raw ng alahas sa kanya.
Naloka nga ako nang nalaman ko kung sino itong aktres na ito dahil halos kasabayan pa niya noon.
Tingnan n’yo na lang bukas sa Startalk kung ano na naman ang mga sasabihin nitong Snooky na ‘to!
PINAG-UUSAPAN NANG BABALIK na raw sa Wowowee si Willie Revillame bukas pero ang tingin ko hindi pa.
Ang dinig ko, paalis ito patungong Macau kasama ang iba pa niyang kilalang kaibigan na ayoko namang sabihin kung sino ‘no!
Alam ko private plane sila patungong Macau at hindi ko na alam kung sino ang mga kasama niya.
Kailangan naman daw niya munang magbakasyon muna dahil siyempre depressed pa iyan sa nakaraang eleksiyon.
Pero sinasabihan ko namang tuloy ang buhay. Huwag patatalo, at ituloy ang kung ano mang nasimulan niya.
Kung gusto pa nitong makatulong sa mga nangangailangan, tuloy pa rin ‘yun.
Anak-anakan ko naman si Jobert Sucaldito, at alam kong madali namang makausap iyan. Kaya palagay ko, maaayos naman sila.
NAKU! PAGBIGYAN KO nga pala ang pakiusap ni Jobert dahil meron na naman siyang pinrodyus na concert, ang A Night with Richard Poon, tampok siyempre ang bestfriend niyang si Richard Poon with his 15-piece orchestra. Special guest din dito si Aiza Seguerra na gaganapin sa Zirkoh Morato bukas ng gabi.
Siyempre major sponsor niya rito ang Mama Fely dela Cruz ko ng People’s General Insurance, Corp. at ang Globe Asiatique Realty Hol-dings, Inc. ‘Yun na!
Mga Mata ni Lolita
by Lolit Solis
