Si Lawmaker at si Juan

Sa kasagsagan nitong ginagawang imbestigasyon ng mga lawmakers tungkol sa mga nagaganap na korapsyon sa ating pamahalaan partikular na sa AFP, nagkuwento sa akin ang aking barbero.

Nasalubong daw ni Juan ang isang lawmaker sa isang mall at nagkaroon ng palitan nang tanungan at sagutan sa pagitan ng dalawa.

Juan: Sir, marami ba talagang korap sa AFP?

Lawmaker: Aba marami, at biruin mo nabunyag ang milyun-milyon nilang mga nakurakot.

Juan: ‘Di po ba ang isa sa mga nagbunyag ng ko-rapsyon ay may kasong korapsyon na hinaharap din ngayon?

Lawmaker: Oo, pero state witness na siya.

Juan: Ano po ang ibig sabihin ng state witness?

Lawmaker: Siya ang testigo ng estado at tablado na ang kanyang kaso.

Juan: Kung ako po pala ay mangungurakot at pagkatapos ay mag-i-state witness para ibunyag ang mga kasamahan kong nangurakot, absuwelto na ako?

Lawmaker: Oo siyempre. Bayani ka pa, o ‘di ba?

Juan: Mawalang galang na po, kapag isa sa mga kasamahan ninyo ang nangurakot eh, sino po ang mag-iimbestiga sa kanya in aid of legislation?

Lawmaker: Wala, alangan ba namang imbestigahan namin ang kapwa namin eh, baka magtuturo iyon. Eh ‘di sabog!

Juan: ‘Di po ba may mga pork barrel kayo? Balita namin kumikita kayo riyan.

Lawmaker: Eh, kung kayo nga na mga bumoto sa amin ay naiintindihan namin kapag rumaraket, dapat intindihin n’yo rin kami.

Juan: Sir, bakit magagara ang mga SUV ng mga lawmakers at nakatira pa sa mga mansyon?

Lawmaker: Ah eh, pinahiram lang ang mga iyon ng mga kaibigang negosyante.

Juan: Eh, bakit naman po sila magpapahiram? Wala bang mga kapalit ang mga pinahihiram nila?

Lawmaker: Ah eh, kapag nagkaroon naman sila ng problema maaasahan din naman nila ang aming tulong para lumago pa ang kanilang mga negosyo at para marami pa silang maipahiram sa amin.

Juan: Bakit po pagdating ng eleksyon, gumagastos kayo ng limpak-limpak na salapi para ligawan kaming mga botante? Saan po nanggagaling ang mga perang iyon? Binibigyan n’yo kami ng mga bigas, sardinas, kape at asukal. Eh ‘di siyempre babawiin n’yo po iyong mga gastos na iyon kapag kayo ay nailuklok na. At baka hundred times pa nga siguro.

Lawmaker: Bakit hindi n’yo tinatanong iyan kapag binibigyan namin kayo sa panahon ng eleksyon? At bakit n’yo tinatanggap ang mga bigay namin at binoboto pa rin kami? Kaya huwag na kayong magreklamo.

Juan: Puwede po ba na ipagbawal na ang live cove-rage ng mga TV network sa inyong mga ginagawang Se-nate or Congressional hearing? Para maiwasan na rin ang ginagawang pasiklaban, payabangan at insultuhan na ginagawa ng mga kasamahan ninyo sa mga taong inyong iniimbestigahan.

Lawmaker: Aba hindi puwede. Sa totoo lang, tatamarin ang aking mga kasamahan kapag ginawa iyan. Baka nga wala pang um-attend sa amin.

Juan: Okay, hindi ko na po kayo aabalahin pa, huling tanong na lamang po. Sino iyang kasama ninyong seksing artistahing babae? ‘Di po ba pangatlo iyan sa mga chicks n’yo na ibinabahay n’yo ngayon?

Lawmaker: Ikaw na ang maging lawmaker.

Ang WANTED SA RADYO ay mapakikinggan sa bago na nitong tahanan sa 92.3 NewsFM, Radyo Singko, 2:00-4:00 pm, Monday to Friday.

Shooting Range
Raffy Tulfo

loading...

Leave a Reply

Your email address will not be published.