FINALLY, NATUPAD na nga ang pangarap ni Christian Bautista na magkaroon ng isang TV serye. At dito nga sa bago niyang mother network, ang GMA-7, binigyan siya ng lead role via newest morning series na With A Smile, kung saan kasama niya ang hunk actor na si Mikael Daez at ang sexy and beautiful na si Andrea Torres.
Sa presscon nga ay masayang-masaya si Christian na para bang complete na siya bilang singer-actor.
At sinabi naman niyang hindi totoong may away sila ni Mark Bautista. magkaibigan daw sila kaya walang insikyuran na nangyayari sa kanilang dalawa.
Magkasama pa rin sila sa isang Sunday show na sila ang mga leader sa bawat team.
Apat silang team leader ng Sunday show kasama sina Jolina Magdangal at Jennylyn Mercado.
Sa mga nangyayaring bago sa career ni Christian, sana nga ay matagumpayan ang lahat.
Siya rin ang ang umawit ng themesong ng With A Smile na ‘Ngiti’ na inawit ni Ronnie Liang, at ng Maghihintay Pa Rin.
May nang-iintriga ngang may may kalidad daw ang pagkanta ni Christian kaysa kay Ronnie.
BLIND ITEM: Isang kilalang direktor ang bida ngayon sa ating blind item. Kaya hulaan n’yo kung sino itong direktor na na-detain diumano sa ibang bansa dahil nga sa kasong human trafficking.
Yes, na-experience nga Raw ni direk na makulong sa nangyaring pagkabuko at pagkahuli sa kanyang mga kasama sa ibang bansa ng Immigration.
Namali-mali raw ang sagot ng kanyang mga kasama sa Immigration officers kaya siya ang naputukan.
O, knows n’yo na ba kung sino siya?
Basta ang clue, mahusay at meron na rin siyang mga awards na natanggap. ‘Yun na !
MASAYA ANG pagharap sa press ng mga bida sa movie na Four Sisters and a Wedding ng Star Cinema. Hindi mo makikitang may nagdededmahan o kaya naman ay plastikan to the max. Naging maganda nga ang samahan ng casts.
Ang ipinagtataka nga lang nga marami na kung maganda ang samahan nila ay bakit may naapi sa billing. At ‘yun nga ay ang billing ni Shaina Magdayao.
Pero sabi naman ng mga bida ay artista lang sila at walang pakialam kung anuman ang gusto ng producer.
Naturingan ngang 2 years old pa lang si Shaina ay nasa Star Cinema na siya, kung seniority nga ang usapan, siya ang dapat na mauna ang name sa apat. Hindi po ba?
Hindi kaya promo-promo o gimmick ang isyung naaapi sa billing? Para mapag-usapan si Shaina?
Pero sa daming name ng lalaking nali-link kay Shaina, palagi naman siyang nasa news.
True ba na si Direk Lino Cayetano ang nanliligaw sa kanya ngayon? Just asking lang po.
by Fernan de Guzman
Fer ‘Yan Ha?!
