TAKE TWO FOR the week ang Sexbomb dancer na si Aifha Medina.
Bukod sa pagkakasangkot sa gulo sa Boracay, kasama si Rochelle Pangilinan, last week naman napabalita ang pagpunta nina Aifha and another Sex Bomb sa isang KTV na hindi pang-general patronage – sige na nga sa Class Mates – na hindi pala alam ng manager nilang si Joy Cancio. Ang paliwanag nina Aifha, may sinamahan lang silang mga kaibigan doon para mag-enjoy and although nothing is wrong with this, mga celebrities na nga naman sila, so there are places na hindi rin sila dapat nakikita.
Tuloy, may nag-isip sa kanila na baka doon sila nagta-trabaho and this is not good for their image. Heard hindi nga ito alam ni Joy so mas lalong lumala ang sitwasyon. At least may pag-uusapan today sa presscon ng 22nd season ng Daisy Siete na entitled Kambalilong, ‘di ba? This will replace the current Tarzariray 21st season na magtatapos this Friday sa Drama-Rama Sa Hapon after Eat Bulaga.
Ang tanong na lang, magpapakita ba sina Rochelle Pangilinan at Aifha today para humarap sa mga press na magtatanong sa kanila?
Pinasasakit n’yo ang ulo ni Ms. Joy, ha?!
MASAYANG-MASAYA pa rin ang Drama-Rama Sa Hapon group especially the Sine-Novela block.
Segue pa rin sa Drama-Rama, early Holy Week ang ibinigay ng magka-back to back na Sine-Novela, ang Paano Ba Ang Mangarap? nina Jennylyn Mercado at Mark Herras, at ang Dapat Ka Bang Mahalin? nina Aljur Abrenica, Kris Bernal at Ara Mina sa Primetime Bida ng ABS. Paano ba naman, the Wednesday before Holy Week, nag-27.3 % ang Paano at nag-22.9 % naman ang Dapat, higher than any primetime soaps sa ABS that night. This is based on the official overnight ratings provided by AGB Nielsen.
Pang-hapong soaps lang ang Paano at Dapat, hindi matalo ng kahit anong panggabing soaps ng ABS so that’s an achievement. The fact na muntik pang mag-30 per cent ang isang afternoon soap, another feather in the cap na naman ito sa Drama-Rama Sa Hapon. Hindi ito fluke, ha? Kung ilang beses nang nagawa ito ng Sine-Novela in the past wherein its ratings are higher than any primetime soaps of ABS. Ang hinahabol na nga lang na achievement ngayon for Sine-Novela, ano ang unang makaka-abot sa 30’s ratings.
We bet it’s either of the current soaps.
Merese
by Dinno Erece
