THE WARRIOR IS (no longer) a child: For boxing aficionados, malamang na kagiliwan nila ang bagong palabas sa CS9 tuwing Sabado (7-8 p.m.), ang Warriors Celebrity Amateur Boxing Series. Sa liga ng mga celebrities, kabilang sa mga sasampa sa ring sina Chad Peralta, Emilio Garcia, Juddah Paolo, Michael Flores, Rob Sy, Christopher Roxas at Rico Barreira.
Sa panayam with former dancer Michael, mukhang ang lahat ng hinanakit at tampo nito sa showbiz eh, ibubuhos niya sa makaka-match niya sa ring sa nasabing palabas. Naintindihan namin ang himutok ni Michael sa kanyang trabaho. Lalo pa at aminado naman siya na marami ng mga bagong pumalit sa puwestong dati na niyang in-enjoy. Ang hiling nga lang nito, sana lang daw eh, maging patas ang laban. Naiinis siya kapag may project na dumarating sa kanya at sa iba pa napupunta. At sa totoo lang daw, kaya rin niya tinanggap ang hamon ng Warriors eh, dahil kailangan niyang kumita ng pera. May pamilya na siyang inaalagaan.
MOTHER KNOWS BEST: Samantala, isa dapat sa mga lalaban sa boxing sa Warriors, ang mahusay na aktor na si Ryan Eigenmann. Pero ang butihing ina nito na si Gina Alajar pala ang tumanggi sa pagsalang sana sa nasabing match ng kanyang binata.
Kahit na ipinagpaalam ito ng direktor na si Richard Arellano, hindi naman nakumbinse ng powers niya na mapapayag si Gina para tanggapin ni Ryan ang match, kahit pa nagawa na ang teaser nito na kasama siya.
Naintindihan naman daw ‘yun ni Direk Richard, pati na ng kanilang producer dahil hindi nga naman biro-biro ang kahit pa sabihing mano-manong labanan eh, ‘di lang sakit ng katawan ang puwede mong matamo kundi maaari rin itong maging basagan ng mukha.
At dahil nasa kabilang bakod naman ngayon ang isa pang anak ni Gina, na si Geoff sa pagbibidahan nitong teleserye, hindi na rin nakarating ang aktor sa press conference ng pelikula niya sa Star Cinema, kasama sina Jake Cuenca, Maja Salvador at Shaina Magdayaw, ang Villa Estrella.
Ang tanong ngayon eh, kung magko-cooperate ba si Geoff sa promo ng pelikula kung saan isa siya sa mga bida? Ano raw ang desisyon dito ng kanilang butihing ina?
THE REAL DEAL: Sam Milby clarifies sa set ng Only You na he never said that KC Concepcion is his crush. What he said daw was isa si KC sa pinakamaganda in showbiz. And that was said two or three months ago.
Who he admires now is ang masasabing nagiging ‘crush ng bayan’ na si Sarah Geronimo. Kasi nga raw, you could see how pure the lady is. Pure ang puso. So mabait na, so talented pa. At kahit na raw she’s up there na, grounded pa rin ang dalaga. Pero, wala naman daw siyang balak na makabilang sa mga manliligaw nito!
The Pillar
by Pilar Mateo
