SINUSULAT ITO AY huling taping na ng May Bukas Pa sa Subic. Kahit si Albert Martinez ay nasa Kung Tayo’y Magkakalayo na, nandu’n siya para sa kanyang huling eksena kung saan magkikita na sina Mayor Enrique at si Santino.
Sina Maja Salvador at Rayver Cruz naman ay harutan nang harutan habang si Santino naman ay bitbit ang kanyang dalawang kapatid na lalaki (siya ang panganay sa tatlong magkakapatid).
Kami naman ni Arlene Muhlach ay parang hindi na magkikita, dahil lungkot na lungkot kami kasama pati mga kargador namin at tatlong tsismosas.
“Habang wala pang kasunod na teleserye, concentrate muna uli ako sa trabaho ko sa duty free,” sabi ni Arlene.
“Sir Ogie, sana magkaroon naman kaming tatlo ng kasunod na show,” sey naman ng isa sa mga tsismosa, si Kimberly.
Juice ko, isang taon din ang inilagi sa ere ng May Bukas Pa at dito sa show na ito namin naramdaman na walang bida, walang paistar at walang paimportante.
Lahat, pantay pantay. Kahit sina Albert, Tonton Gutierrez at Ms. Dina Bonnevie, walang kaere-ere sa katawan.
At higit sa lahat, prangkahan na: kabuhayan showcase ang inihatid sa aking pamilya ng May Bukas Pa. At ano pa nga ba? ang pagiging proud na maging bahagi ng isang number one primetime show!
Salamat sa inyo, mga kapamilya. Meanwhile, panoorin n’yo mamaya ang huling yugto ng May Bukas Pa, para mas mahalin n’yo si Santino at ang buong cast.
Oh My G!
by Ogie Diaz
