Ryzza Mae Dizon, maraming nanlalait

MARAMING NAGMAMAHAL sa sikat na sikat ngayong child star na si Ryzza Mae Dizon, katulad na lamang ng kanyang mga kapamilya sa programang Eat Bulaga ng GMA-7 kung saan talaga siya nagsimula, ang nagbibigay ng suporta sa kanya. Na kung ano man ang kanyang mga pangarap noon na kanyang iniisip na mangyari at makuha ay matutupad na ngayong nasa showbiz na siya, dahil araw-araw naman siyang nagtatrabaho bilang bulilit star.

Dahil bata, napakatotoong tao ni Ryzza sa kanyang pagkukuwento tungkol sa mga dinaanang hirap ng kanilang buhay, at kung ano ang mga wala noon na nakukuha na niya ngayon. Masayang magkuwento si Ryzza sa mga magagandang nangyayari ngayon sa kanyang buhay. Pero alam pa rin niyang ikuwento ang mga kalungkutan dati ng kanilang pamilya.  Sa kanyang pagiging totoo, doon siya minahal ng masa, lalo na sa pinauso niyang sayaw na cha-cha, na habang sumasayaw, dapat ay nakanganga.

Hindi mananalo ang mga panlalait, na hindi naman daw maganda si Ryzza, pero bakit sumikat? Hindi na naaapektuhan ang child star sa mga ganyan. Ang mga taong nagmamahal sa kanya ang nasasaktan ang siyang nagtatanggol sa kanyang detractors. Hindi lang naman kasi magaganda’t mga guwapo ang may lugar dito sa showbiz. Pinapansin din ang talento. Naku, magsayaw na lang si Ryzza ng cha-cha para lalong mamatay sa inggit ang mga nanlalait sa kanya.

 

MARAHIL KUNG talagang mapapakasalan ni Senator Chiz Escudero si Heart Evangelista ay doon pa lang unti-unting maglubag ang kalooban ng mga magulang ng young actress na sobra ang pagtutol sa kanilang relasyon sa ngayon.  Malaking takot siyempre sa mga magulang ni Heart, na ang kanilang anak ay sobra-sobra kung magmahal. Sa ilang ulit nitong pakikipagrelasyon na nagtatagal, halos kasal na lang ang kulang, pero hindi pa nga nangyayari.

Kahit pa maigsi lang ang naging pakikipagrelasyon ni Heart, katulad ng sa kanila noon ni Daniel Matsunaga, alam ng mga magulang ng aktres na nagbuhos din talaga ang kanilang anak ng buong panahon nito at pagmamahal sa guwapong modelo. Matapang ang kalooban ni Heart kapag siya ay in love, dahil talagang kahit sa kanyang mga magulang ay laging ipinakikipaglaban ang kanyang kalayaan na magmahal, katulad ng nangyayari ngayon, kung papaano niya ipaglaban si Sen. Chiz.

Para ngang walang pakialam si Heart kapag siya ay nagmahal. Nakatutok lang ang kanyang paniniwala sa nagpapasaya at nagpapaligaya sa kanya. Ang pangamba sa ngayon ng kanyang Mommy’t Daddy ay narating na talaga ng kanilang anak ang edad para sa paglagay sa tahimik o ang magpakasal. Papaano nga naman kung magtagal ang relasyon nina Heart at Sen. Chiz kung sa dulo ng kuwento ay hindi rin siya mapakasalan at magkahiwalay din sila?  Sa pasukdol na salita, ayaw ng kanyang mga magulang na si Heart, kapag nabigo ay muling babalik sa kanila na parang isa nang laspag.

 ChorBA!
by Melchor Bautista

loading...

24 thoughts on “Ryzza Mae Dizon, maraming nanlalait

  1. Ryzza ikaw ang superstar namin.. mga nanlalait sayo wag pagsinin sabi nga nila pag mabunga ang puno maraming mambabato dyan.. at mga bobo lang ang pumapatol sa batang bibo. matalino at payaman ng payaman na tulad mo… mga taga dos yang mga yan at abot hanggang langit inggit sayo… MORE SUCCESS RYZZA!!!

  2. Disappointed ako kay ryzza, akala ko totoo na magaling sya mag adlib at her young age pero one time naging guest nya si maxene magalona sa show nya, medyo nagkaproblema yata sa audio..narinig ko na may tao na nagsasalita at yun ang ginagaya ni ryzza.. Ung adlib na inadmire ko sa kanya nawala dahil fake pla.. May sinusundan lang pala syang boses :((((

  3. Ryzza is a very talented kid…hindi cia panget, cute at maganda ang bata…there is something in her na wala sa iba mga artista..sya ang stress reliever ng mga ofw, parang gamot sa mga nalulungkot……..kung baga pag napapanuod mo sya sa t.v. Nkakahawa ang ngiti ng aling maliit… Kaya parami ng parami ang mga tagahanga ni Ryzza…

  4. Sana mapangalagaan ng magulang ng batang ito ang lahat ng kanyang kinita habang sikat pa…hindi sa lahat ng panahon ay cute xa at bata, pagtumanda tanda na ito, mawawala na rin ang career nyan

  5. ang galing galing naman ni Ryzza…we love you Ryzza! para sa amin ikaw ang pinakamaganda! bawal ang sad dapat HAPPY!

  6. Kaya natutuwa ang iba dian sa pangit na bata na yan rh kase akala nila isang 4yr old na bibo lang!!! Ang totoo Kaya magaling mag adlib kase halos 10 yrs old na yan!!! KAya nabilib magisip at mukhang bibo!!! Pag dating ng 18 nian at ganyan parin ichura at height nian eh ewan na kang kung nakakatuwa parin

    • hindi mo kasi nasubay-bayan si ryzza kaya ganyan kang makapagsalita….hindi lahat ng kaedad niya kaya ang kanyang ginagawa…at alam ko, hindi mo rin kaya yun….puro panlait ka lang..atsaka feel mong manghula talaga ng future?!

      • 9 years old na yan si Ryzza, halos 10 na nga eh. Kalugar kasi namin ang batang yan. Ewan ko ba bakit sinasabi na 6-7 ang edad ni bagets.

    • inggit lang yan si monmon , baka gusto rin sumikat ? ang inggit talaga kahit saan makukuha , mamatay ka din sa inggit …

  7. sa madaling salita, INGGIT lang ang mga nanlalait kay Ryzza.  pero sana maging practical ang magulang niya sa pag-handle ng kanyang earnings, dapat may trust fund si Ryzza tulad ng ginawa ng tatay ni Nino Muhlach dati

  8. Oo nga naman bakit nyo nilalait ang kutong Lupa na yan.. Hanggang ngayon lang ang kasikatan nya, kayo na rin ang may sabi na pangeeeeet ang batang yan. Pag medyo nag dalaga yan pupulutin yan sa kankungan. Sinong produser ang susugal jan.. Lalo’t ngayon Crisis pa rin ang movie industries sa tin.

    • kutong lupa talaga?! ang sama mo naman…..sino ka ba para manlait?hindi ka na natakot sa panginoon sa mga pinagsasabi mo..

      • iba ang panlalait sa pagsasabi ng totoo… wag nlng gamitin ang salitang pangit “unattractive is better” kung kamuka ni ryzza ang magiging gf ng anak mo baka ikaw pa nga mismo mang lait… lahat ng tao unang nakikita ang itsura, kpag maganda ugali ayun ang pambawi… lakas mo gamitin ang dyos parang sobrang bait mong hinayupak ka…. ikaw wag ka mag malinis kase minsan sa buhay mo NANLAIT KA DIN! PLASTIK 

  9. Ewan ko ba sa mga taong walang magawa sa buhay, pati ang isang musmos pinapatulan. Oo nga’t hindi maganda c Ryza, hindi mestisa. Pero pagdating sa talento, napakarami at mukhang hindi nauubusan. Kaya nga malaki ang tiwala sa kanya ng TAPE Inc. binigyan pa ng sariling show. Dahil bilib sila sa kakayahan ng bata. May musmos na pangarap ang bata na gusto nyang matupad pra sa pamilya at deserving naman cya sa lahat ng blessings na dumarating. Please spare this kid sa panlalait. Mabuti pa nga cyasa murang ead kumikita na at nakakatulong sa pamilya.

Leave a Reply

Your email address will not be published.