Ruffa Gutierrez, ayaw ma-involve sa isyu ni John Lloyd Cruz! – Ruben Marasigan

KITANG-KITA NAMIN KUNG paano seryosong nakatingin lang si Ruffa Gutierrez na nakatayo sa isang sulok ng studio habang ini-interview nang live ni Boy abunda si Kris Aquino sa The Buzz. Right after the show, kinunan namin siya ng reaksiyon tungkol dito.

“Kaya nga sinabi ko sa ‘yo, ayokong maging emotionally involved this year. Kasi marami na akong pinagdaanan sa buhay ko at ayoko nang lumuha!” ana’ng actress-TV host.

“Actually bilib ako kay Kris how controlled she was while talking about it. I saw a different more mature Kris – the way she handles the problem.

“And ako naman if the guy is worth it, I’ll fight for him. But if he’s not, goodbye.

“Kailangan lang naman talaga, maging strong tayo. Mag-focus sa work. Life is too short na dapat we should enjoy it. But I think we should also be careful. Kasi I can’t afford to fall again. I have to be much smarter.”

Recently, may lumabas na balitang finally raw talagang wala na sila ng naging rumored boyfriend niya last year na si John Lloyd Cruz.

“Bakit? Naging kami ba?” patanong na reaksiyon agad ni Ruffa.

‘Yung closeness, intimate friendship or whatever she may call it na namagitan sa kanila ni John Lloyd before? Nawala raw iyon lalo na ngayon at sinasabing may bago na raw special girl sa puso ng actor?

“We were friends. I mean, hindi naman mawawala iyon, eh. I think I have no right to stop from seeing whoever he wants to date, and whatever he wants to do in life. I shouldn’t even be part of that equation.

“I don’t see myself as a part of that equation. Uhm… I said it before and I’ll say it again, we’re just friends so dapat hindi na ako idinadamay sa mga issues not involving me.

“Siyempre you can’t help but ask kung ano ang reaksiyon ko. But there’s no reaction. Wala akong reaction whatsoever.  Because, ‘yon nga, I don’t need to react!”

Eh, kasi nga na-link siya dati kay John Lloyd kaya nahihingan siya ng reaksiyon, ‘di ba?

“All I’m gonna say is I’m single. And that’s it!”

Happy ba siya kay John Lloyd na may bago na raw ngang girl sa buhay nito?

“I don’t need to give a reaction. He’s not my brother. He’s not my husband.”

But they’re close friends, sabi nga niya, ‘di ba?

“Yeah. But… ayokong makialam sa buhay ng iba. Basta, I don’t wanna be involved in things that don’t involve me.”

May point siya in saying that. But then, may balita rin kasing last Christmas daw ay nakita sila ni John Lloyd na nag-uusap sa bahay ni Willie Revillame?

“Alam mo, sa magkaibigan, natural lang naman na mag-uusap. ‘Di ba? Whether you’re gay, a guy, or a girl. So, dapat hindi na binibigyan ng kulay iyon. So there’s nothing to say. Kasi kung anong status namin last year as friends, we’re the same.

“So… hindi naman ako puwedeng maging broken-hearted sa isang taong hindi naman kayang abutin ang puso ko in that way. ‘Di ba?”

Parang closure ba iyong naging pag-uusap nilang ‘yon ni John Lloyd?

“Of course not! We’re fine. I mean we’re still friends. Walang problema at all. So, huwag mo na akong tanungin tungkol sa kanya. It’s 2010. Let’s move on. Let’s move forward… you know. Basta, there’s nothing to end because wala naman talaga.”

Pero tungkol ba talaga saan ‘yong naging pag-uusap nila ni John Lloyd na ‘yon?

“Ask him na lang. I’m a girl. I don’t want to be commenting on those things. Ayoko namang sabihin na madaldal ako, ‘di ba?

“Basta we were there sa bahay ni Willie because it’s a Christmas party. Wala namang masama ro’n. I mean, that’s it.  That’s all I can say. You know, marami naman kami roon.”

Pero ang intriguing nga raw sa mga naroon, biglang seryoso at masinsinan raw silang nag-uusap ni John Lloyd nang silang dalawa lang sa isang sulok malapit sa pool doon sa bahay nga ni Willie.

“Ano ba ‘yon…? May mga paparazzi ba sa mga dingding ng bahay ni Willie? Ha-ha-ha! Basta… basta… all I can say now is, it’s 2010, let’s put that issue to rest.

“Friends pa rin naman kami. Close pa rin naman. Yeah. Wala namang problema. Siguro ‘yong ibang tao lang ang nagbibigay ng kulay.”

Ayaw niyang magkaroon ng emotional investment o involvement ngayon. Eh, paano ang mga suitors niya?

“Eh, ‘di maghintay sila ng Year of the Rabbit. Kasi according to my feng shui stars, do’n pa lang daw ako puwedeng mag-entertain ng lovelife dahil kung ngayon, baka my heart will just be broken and torn apart.

“Next year na naman ang Year of the Rabbit, eh. Buti nga hindi kagaya ni Sarah Geronimo na five years bago puwedeng magka-lovelife! Ha-ha-ha!

“And I wanna focus nga muna in my self, in my life, and in my work. ‘Yang pag-ibig na ‘yan… Diyos ko! Nakakasakit lang iyan ng ulo!”

Gano’n?

Rubbing Elbows
by Ruben Marasigan

Previous articleKlaudia Koronel, masama ang loob sa napangasawa?! – Ogie Diaz
Next articleKris Aquino, gusto nang ipapatay ang karakter sa bagong soap?! – Pilar Mateo

No posts to display