HINDI NAMAN NAGPAPAKA-PLASTIC si Rosanna Roces para sabihing malaki nga ang ipinagbago ng takbo ng kanyang kabuhayan ngayon, lalo na sa aspeto ng pananalapi. Kasi nga, madalang pa sa patak ng ulan ngayon kung siya ay magkaroon ng trabaho. Kung mayroon man siyang perang naiipon dati, nagastos na rin siyempre niya iyon dahil sa kanyang mga pangangai-langan. Kumbaga, nahinto na kasi ang dating maraming trabaho na dumarating sa kanya.
Palaban lang sa buhay si Osang, kaya ang mga paghihirap na kanyang dinaraanan nga-yon, pilit niyang kinakaya, at nalalampasan din naman. Kapag nahihirapan siya ay iniisip na lang niya, na naranasan din naman niya ang buhay na bonggang-bongga nu’ng sikat na sikat pa siya. May mga tao pa siyang kakontra sa showbiz, kaya nahihirapan pa rin talaga siya kung papaano muling makababawi ang kanyang career. ‘Yung tipong hindi na ulit para magreyna sa kasikatan, kundi magpatuloy lang ang kanyang career, dahil magaling na talaga siyang aktres.
Nauna lang kay Osang ang paghuhubad, pero noon pa man, gusto niyang maging aktres talaga. Isa sa matinding kaalitan na dapat sana’y makaayos na ni Rosanna ay si Manay Lolit Solis. Napakaraming kaibigan ni Manay sa showbiz na may mga koneksiyon, na kung bibigyan si Osang ng trabaho, hindi na lang itutuloy kung iirapan naman sila ni Manay at hindi na papansinin.
NITONG NAKARAANG SUNDAY, nag-guest kami sa Paparazzi ng TV5, at dahil kontro-bersiyal na nali-link ngayon ang direktor ng talkshow na si Direk GB Sampedro kay Ai-Ai delas Alas pagkatapos nilang mag-break ni Candy Pangilinan, gusto ng mga kasamahan sa panulat na mainterbyu at makita si Direk. Hindi nga kasi ito humaharap sa kamera para magpa-interview. Bago umere ang show, nasulyapan ko na si Direk, kaya alam ko nang siya iyon.
Nu’ng matapos ang show at papauwi na kami, hindi namumukhaan ng mga kasamahan kong press si Direk na lumalakad sa hallway ng TV5 dahil papauwi na ring kasabay namin. Nakatuwaan kong ibuking siya: “Hinahanap n’yo si Direk GB? Hayan siya, at kasabay n’yo naaa!” Ang ending, hindi na nakaiwas si Direk, dahil kinorner na siya ng mga kapatid sa panulat.
Matipid magsalita si Direk GB, pero diretso, guwapo siya na maganda ang katawan. Hindi raw sila nagkabalikan ni Candy. Pero sinigurado niyang maganda ang closeness nila ngayon ni Ai-Ai, dahil matagal na rin daw silang magka-kilala, lalo pa’t pareho naman silang mina-manage ng Backroom ni Kuya Boy Abunda. Obviously, excited si Direk GB na pag-usapan si Ai-Ai. Nangangamoy pag-ibig nga! Me gano’n, sa totoo lang!
IWASAN NA DAPAT ng singer na si Gerald Santos, na sa tuwing haharap siya sa press ay maungkat pa ang tungkol sa isyu nila ng sikat na composer at musical director. Diumano’y nag-atempt ang nasabing composer na molestiyahin siya noong nagsisimula pa lang ang kanyang singing career sa bakuran ng GMA-7 sa pamamagitan ng isang singing contest. Ito na kasi ang laging itinatanong sa kanya.
Mapagbibintangan na kasi si Gerald na nanggagamit kung ganyang lagi na lang siyang nagpapaliwanag at nagdedetalye kung papaano siya tinrato ng sikat na composer nang minsan imbitahan siya nito sa kanyang house at magkasarilinan sila. Pagtuunan na muna dapat ng pansin ni Gerald at ng kanyang talent manager, kung saan network siya mapupunta ngayong wala na siya sa bakuran ng Siyete.
Pagkatapos mawala ni Gerald sa GMA, napapanood naman siya sa TV5. Para sa kanyang mga tagahanga, puwede n’yo siyang mapanood dahil magkakaroon siya ng benefit at pre-Valentine concert sa February 5 sa Zirkoh, Morato entitled “Luv Haus” para sa mga batang may kanser na nasa pangangalaga ng The CHILDHAUS na ngayon ay pinaaalis na sa kanilang tirahan sa bakuran ng PCSO.
ChorBA!
by Melchor Bautista
