Robin Padilla, ipinaubaya na kay Daniel Padilla ang bandila ng kasikatan ng angkan

1 Robin-PadillaHINDI MADAMOT si Robin Padilla pagdating sa pagdadala ng kasikatan. Kaya nga, dahil matagal na niyang naranasan ang mainit na popularity, wala siyang pag-aalinlangan na ipaubaya na hawak ngayon ni Daniel Padilla ang bandila ng kasikatan ng kanilang angkan. Mayabang lang talaga ang dating ni Binoe, sa kilos at pananalita.  Pero sa kaloob-looban, alam ng mga taong nagmamahal na nakapaligid sa kanya, na kahit naging action superstar siya, mababa talaga ang kanyang kalooban.

Sumunod din talaga si Robin sa yapak ng yumaong Action King na si Fernando Poe, Jr. dahil ang maganda niyang intensiyon para sa movie industry ay maibalik ang sigla ng action films. Kaya nga nga mayroon siyang pelikulang Sa Ngalan Ng Ama, Ina, At Mga Anak mula sa Star Cinema. Nagtagal ang kasikatan ni Binoe, dahil sa abot ng kanyang makakaya, ang dami-dami niyang gustong tulungan na mga manggagawa sa showbiz. Mapagmahal din siya sa kanyang mga fans.

Hindi nagkakamali si Robin na kilalanin ang kasikatan ngayon ng kanyang pamangkin na si Daniel, dahil kung nasaan na ngayon ang kasikatan ng kapareha ni Kathryn Bernardo sa teleseryeng Got To Believe ng ABS-CBN, alam na ng bagets actor ang kanyang responsibilidad bilang artista para makapagpasaya ng kanyang mga fans. Proud si Binoe sa sinasabi ni Daniel na happy na siya basta’t alam niyang nakapagpapasaya siya ng mga taong nanonood ng kanyang mga teleserye at pelikula.

ChorBA!
by Melchor Bautista

Previous articleAljur Abrenica, isa sa mga dahilan kung bakit ayaw nang tapusin ni Robin Padilla ang pelikula
Next articleMataray na aktres, sobrang hyper dahil sa droga?

No posts to display