Robin Padilla at Mariel Rodriguez, ‘di na maitago ang relasyon

AMINADO SI JIRO Manio na malaki ang nagawa niyang kasalanan sa Dos.

“Sana po ay mapatawad nila ako at mabigyan pa nila ako ng isang chance,” pahayag ni Jiro na nagsabi rin sa amin na napaka-unfair ng mga balitang naglalabasan. “Hindi naman ako nag-callboy para ipambili ng gatas ng aking anak. May naipon naman ako kahit paano.”

Nasasaktan daw si Jiro sa tuwing sinasabing galing sa bakla ang gatas na dinedede ng kanyang two years old na anak. “Sana naman kung mang-iintriga sila, huwag na nilang idamay pa ang aking anak,” sabi ng batang aktor

Sinabi rin ni Jiro sa Pinoy Parazzi na kailan man, hindi siya naging adik sa droga, gaya nga ng pinalalabas sa ibang balita.

“Sa pagkakaalam ko, ang kasalanan ko lang ay maaga akong na-in love, pero hindi ako nag-drugs,” paglilinaw pa ng magaling na young actor.

HINDI NA MAITATAGO nina Robin Padilla at Mariel Rodriguez ang kanilang relasyon dahil sa maraming okasyon ay nakikitang sweet ang dalawa, bagay na hindi naman tinututulan ng anak ng aktor na si Queenie Padilla.

Ayon kay Queenie, mabait at maganda naman daw si Mariel at hindi raw siya tutol kung sakaling mauwi sa kasalan ang lahat.

“Maganda at mabait naman po si Tita Mariel at wala akong nakikitang masama sa ginagawa nila,” sey ng dalaga ni Binoe.

Samantala, base sa nakalap naming balita, hindi naman daw tutol si Liezel Sicangco kung totoong may relasyon na sina Mariel at Robin. Sa katunayan, nagagandahan din daw ang ina ni Queenie sa dating girlfriend ni Zanjoe Marudo.

ALSA-BALUTAN NA SI Willie Revillame. Hinakot nang lahat ng aktor ang kanyang gamit sa dating special room niya sa Dos. Ayon sa nakalap naming balita, masama raw hanggang ngayon ang loob ng aktor sa Channel 2, dahil pinagmistula siyang “tanga” ng mga ito.

Isa pa rin daw sa pinagsisihan ni Willie ay bakit nakipagkasundo itong after three months ay babalik siya sa Wowowee gayong wala na palang babalikang programa ang komedyante. Dahil sa huling impormasyon na aming nakakalap, ang time slot na mababakante ng Wowowee ay paghahatian nina Robin Padilla at Kris Aquino and Ted Failon.

Aminin man o hindi ni Willie, bigla siyang nalaos matapos na mawala siya ng kung ilang buwan sa Wowowee at sirkulasyon ng showbiz world. Totoong milyonaryo na si Willie at hindi na siya basta maghihirap, pero dapat din niyang tanggapin na hindi na siya ngayon masyadong “mainit” sa publiko.

May isang moral lesson kaming natutunan sa kuwento ni Willie. Ang isang talent ay hindi dapat magmalaki sa kanyang TV network dahil ang TV network, hindi ‘yan basta nalalaos. Tsuk!

More Luck
by Morly Alinio

Previous articlePagbalik ni Willie Revillame sa Wowowee, haka-haka lang!
Next articleLaban kay Mayweather, ‘di na tuloy: Manny Pacquiao, takot o tinatamad?

No posts to display