Rica Peralejo, pinagsisisihan ang pagpapaseksi noon!

SOBRANG SAYA ni Rica Peralejo ngayon dahil matapos siyang ikasal sa ministro niyang asawa two years ago, heto at tinalikuran na ng aktres ang mundo ng showbiz.

“Masaya at mas kontento ako ngayon as an ordinary plain housewife. Sa bahay lang ako at inaasikaso ko ang asawa ko. Mas ginusto ko ang ganitong buhay dahil mahal ko ang husband ko at ito naman talaga ang buhay na gusto ko, eversince,” sunud-sunod na sabi ni Rica Peralejo sa Pinoy Parazzi nang magkita kami sa NBC Tent.

Ayon pa rin kay Rica, pinagsisihan niya ang ginawa niyang pagpapaseksi noong kasagsagan ng kanyang career.

“Hindi naman nagsisisi talaga, ‘yung sa akin lang, kung maaari sana ay hindi ko na lang ginawa iyon dahil na-realize ko ngayon na hindi ‘yun ang gusto nu’ng nasa Itaas para sa akin. Kaya nga siguro that time, parang wala akong contentment unlike ngayon na mas masaya ang buhay ko.”

Sabi ni Rica, okay lang daw na mag-artista siya pero hanggang TV lang at hindi na raw siya tatanggap ng mga role na magpapakita ng kanyang katawan.

“Ayoko na, pamilyadong tao na ako. Hindi na bagay sa akin ‘yung mga ganun,” masayang pagwawakas ng aktres.

LANTARAN NA ang relasyong Rhian Ramos at KC Montero. Sa nakaraang event sa The Fort ay sabay na dumating ang dalawa, kung saan ay obvious na sila na.

“No, wala pa. Hindi pa kami dumarating sa puntong ligawan. Ganito lang muna kami, ‘yung happy kami sa isa’t isa,” pahayag ni Rhian na masayang nakausap namin noong mga oras na iyon.

Ayon kay Rhian, totoong naba-blind item sila ni KC at hindi raw niya itinatagong lumalabas sila ngayon ng dating boyfriend ni Geneva Cruz. Pero hindi raw ibig sabihin noon ay sila na.

“I don’t say na nanliligaw siya sa akin, parang pangit namang sabihin iyon. Basta ‘yung sa amin ngayon, mas   ingat na akong pumasok sa isang relationship,” na ang tinutukoy ng aktres ay ang past relationship niya kay DJ Mo Twister.

Madali raw nalagpasan ni Rhian ang issue nila ni Mo, dahil na rin sa sarili niyang kakayahan. “Kung magpapatalo ka sa ganu’ng sitwasyon, siguro walang mangyayari sa iyo.”

Kaya nga raw mas matured na ngayong mag-isip at magdesisyon si Rhian. “Ganu’n naman talaga iyon. Du’n sa mga mali natin tayo matututo, kung ano ang tama. At mali ang paniniwala ni Rhian na kaya siya blooming sa mga gabing iyon ay dahil may isang taong nagpapasaya sa kanya.

“Si KC na ba ang nagpapasaya sa iyo, Rhian?” Tanong namin na sinagot lang ng malulutong na halakhak ng aktres.

BY OCTOBER, aalis uli ng bansa si Sam Milby at magsisimula na siya para sa isang TV show sa Amerika na hindi pa tiyak kung anong programa. Sabi ni Sam sa loob daw ng tatlong buwan na pagkakawala niya sa showbiz ay sobrang na-miss niya ang mga kaibigan sa local cinema at pati na rin ang maraming movie press.

“Medyo matagal ako sa New York kaya siyempre marami akong na-miss kaya nga nu’ng dumating ako, feeling ko parang hindi ako umalis, ‘di ba?”

Sabi ni Sam, kumpirmadong magkakasama sila ni Judy Ann Santos sa ABS-CBN, dahil sisimulan na nila ang nasabing show two weeks from now.

“This is parang drama ganu’n at nang malaman kong si Miss Judy Ann ang makakasama ko eh, happy ako. Kasi, first time yata ito,” tuluy-tuloy pang sabi ni Sam sa amin habang panay ang ngiti.

Sa kabuuan ay sinabi ni Sam na hindi sila nagkita ni Anne Curtis sa Amerika, “I think, magkaiba ang destination namin ni Anne, kaya hindi kami nagkaroon ng chance na magkita. Parang sa London yata siya at New York naman ako, ‘di ba?”

Sa ngayon daw, may nagpapatibok ng puso ni Sam, iyon nga lang ay hindi niya puwedeng ligawan. “May boyfriend na siya, kaya hindi ko na puwedeng ligawan, pero type ko talaga siya,” pagwawakas ng binata habang panay ang punas ng sariling pawis sa pamamagitan ng sariling palad.

More Luck
by Morly Alinio

Previous articleEugene Domingo, nagsamantala kina Zanjoe Marudo at Dingdong Dantes!
Next articleEula Caballero at Ivan Dorschner, may something?!

No posts to display