Proseso sa pagpapawalang-bisa ng marriage contract

Dear Atty. Acosta,

GUSTO KO PONG malaman kung ano po ba ang proseso sa pagpapawalang-bisa ng marriage contract? Nabasa ko po sa article ninyo na walang bisa ang kasal kapag walang marriage license, ganoon po kasi ang nangyari sa akin. Saan po ba pupunta? Marami pong salamat sa inyo.

Angie

 

Dear Angie,

KUNG NAIS NINYONG ipadeklarang walang bisa ang inyong kasal, ang una ninyong kailangang gawin ay kumuha ng abogado upang matulungan po kayo sa pagsasampa ng inyong petisyon sa hukuman. Tanging ang hukuman lamang ang maaaring magdeklarang walang bisa ang isang kasal.

Ayon sa ating batas, maaaring magsampa ng petisyon upang ipadeklarang walang bisa ang isang kasal sa Family Court ng lugar kung saan naninirahan ang “petitioner” o ang “respondent” nang anim (6) na buwan bago isampa ang nasabing petisyon. Kung ang “respondent” naman ay pansamantalang naninirahan sa Pilipinas, maaaring isampa ang nasabing petisyon laban dito sa lugar kung saan siya matatagpuan sa Pilipinas. Ang desisyon ng pagpili kung saang lugar ilalagak ang ganitong petisyon ay ibinibigay ng batas sa “petitioner”. (Sec. 4, A.M. No. 02-11-10-SC, Rule on Declaration of Absolute Nullity of Void Marriages and Annulment of Voidable Marriages)

Kapag naisampa na sa kaukulang hukuman ang inyong petisyon, magpapadala na ng “summons” o patawag ang hukuman sa inyong asawa upang sagutin niya ang mga alegasyon na nakapaloob sa inyong petisyon. Kapag hindi sumagot sa takdang panahon ang inyong asawa, uutusan ng hukuman ang “public prosecutor” upang magsagawa ng im-bestigasyon kung may sabwatan sa pagitan ninyong mag-asawa at magbigay ng ulat ukol dito. Kung napag-alaman ng na may sabwatan sa pagitan ng mga partido, ito ay ipagbibigay alam niya sa hukuman. Ipag-uutos naman ng hukuman sa mga partido na magsumite ng kanilang komento ukol sa nasabing ulat. Kapag nakumbinsi ang hukuman na may sabwatang nangyayari, kagyat na ididismis ng hukuman ang petisyon. (Section 8 and 9, A.M. No. 02-11-10-SC, Rule on Declaration of Absolute Nullity of Void Marriages and Annulment of Voidable Marriages)

Kung wala namang nakitang sabwatan ang prosecutor at ito ay inulat niya sa hukuman, ang susunod na hakbang sa proseso ay ang “pre-trial”. Pagkatapos ng “pre-trial”, diringgin na ang inyong petisyon at kayo ay kailangan nang magpresinta ng ebidensya upang patotohanan na talaga ngang wala kayong “marriage license” nang kayo ay ikinasal at ang inyong sitwasyon ay hindi nabibilang sa mga pagkaka-taong hindi kinakailangang kumuha ng “marriage license” ayon sa nasasaad sa Article 27 hanggang Article 34 ng Family Code.

Upang masimulan ang prosesong nabanggit, inuulit namin na kinakailangan ninyo ng serbisyo at representasyon ng isang abogado na kakatawan sa inyo sa harap ng husgado.

Atorni First
By Atty. Persida Acosta

loading...

9 thoughts on “Proseso sa pagpapawalang-bisa ng marriage contract

  1. Dear atorni,
    Ikinasal po aq nuon november 23 1996. Underage po ako noon at kumuha po aq ng fake documents para maging 18 po ang edad q. At naghiwalay po kami ng asawa q year 2006. Itatanong q lang po kung pwede po bang ipa annul ang kasal q.. Salamat po

    Rochelle

  2. Gusto ko lang po malaman paano pawalang bisa ang kasal namin ng asawa ko. Isa po akong ofw Na ang asawa ko ay sumama sa ibang lalaki. Gusto ko po kase pawalang bisa kasal namin. Kahit po anak o biyenan ko alam Na anak nila sumama sa ibang lalaki. Marami po akong magpatunay. Magkano po kaya magastos ko. Marami ng salamat po.

  3. Hello po Atty.Acosta,
    Ikinasal po ako 2009.tapos naghiwalay kami 2014.anu po dapat gawin para mapawalang bisa kasal namin?

  4. 2001june po noong iniwan kmi ng asawa q at nagsama po sila ng kumari namin.may dalawa na po cla anak at hanggang ngayon magkasama pa rin po sila.gusto q po sana magpa annull anu po ba dapat q gawin?magkano po ang gagastusin ko? salamat po.

  5. Dear,Atty Acosta

    Nais ko lamang itanong ang asawa ko po ay matanda na 50 yrs old na sya samantalang 27 yrs palang ako may tatlo kaming anak ng ka problema ako sa kanya.Maraming bagay na hindi kami ngkakaintindihan 4yrs.na po ako sa abroad balak ko sana makipag hiwalay sa kanya pwede naba ako magpawalang bisa ng kasal namin

    maraming salamat po…

  6. Ano po ang pwede kong isampang kaso sa dati kong asawa na sumama sa ibang babae at napag-alaman ko po sa NSO na may previous marriage po siya. Pwede po bang mapawalang bisa agad ang kasal namin sa simbahan dahil may una siyang kasal sa “Civil”? Gusto ko pong mabago ang apelyido ko sa pagkadalaga. 

  7. may other posibilidad po bang di mapawalag bisa ang kasal sakaling ayaw pumirma ng asawa nito? if thats the case may other option po bah para mapwalang bisa ito? ilan taon po ang proceso nito?

  8. paano po mapawalang-bisa ang kasal ko.ako ay isang battered wife at ang asawa ko po ay may ibang babae,mahirap lang po ako,,magkano po ang gagastusin sa prosesong ito.May paat na taong gulang akong anak,kanino sya mapupunta?Maraming Salamat po..

    lotlot

  9. Pingback: Proseso sa pagpapawalang-bisa ng marriage contract - ShowbizNews.ph

Leave a Reply

Your email address will not be published.