Problemado sa Isinanglang Bahay at Lupa

Dear Atty. Acosta,

 

NANGUTANG PO kami ng aking asawa sa kanyang kaibigan. Sinangla po namin ang aming bahay at lupa subalit ito ay berbal lamang. Lumipas ang isang taon, hindi po namin nakumpleto ang bayad sa aming utang pati na rin ang napag-usapang tubo nito. Dahil dito, pilit na kaming sinisingil sa aming utang. Dahil din sa nag-aalala kami na mapupunta ang aming bahay sa kaibigan ng aking asawa, napilitan akong magtanong sa bangko kung paano makahihiram ng pera. Isa sa mga kondisyon ng bangko upang kami ay makahiram ng pera ay ang titulo ng lupa. Pinakuha ako ng kopya ng titulo ng lupa sa Registry of Deeds at nalaman ko na nagpatatak pala ang kaibigan ng asawa ko ng isang adverse claim na nagsasabing nakasangla sa kanya ang nasabing lupa simula pa noong kami ay magkasundo sa utang. Ang sabi ng bangko, kailangan daw munang matanggal ang nasabing adverse claim bago pa sila makapagpahiram ng pera sa amin. Ano po ba ang aming gagawin? P’wede na po bang tanggalin iyon kahit di pa kami bayad sa utang?

 

Joselito

 

Dear Joselito,

 

ANG PAGPAPATATAK ng isang “adverse claim” sa titulo ng inyong lupa ay isinagawa ng kaibigan ng iyong asawa upang maprotektahan ang kanyang interes sa nasabing ari-arian. Ang isang adverse claim ay nagsisilbing babala o paalala sa lahat na ang isang tao ay mayroong interes o karapatan sa nasabing lupa.

Ang isang adverse claim ay may bisa lamang sa loob ng tatlumpung (30) araw mula nang ito ay iparehistro. Pagkatapos ng nasabing panahon, maaari nang ipatanggal o ipakansela ng may-ari ng lupa o sino mang may interes dito ang nasabing adverse claim. Ito ay sang-ayon sa Section 70, Presidential Decree No. 1529 na nagsasabi ng mga sumusunod:

“Sec. 70. Adverse claim. – xxx

xxx The adverse claim shall be effective for a period of thirty days from the date of registration. After the lapse of said period, the annotation of adverse claim may be cancelled upon filing of a verified petition therefor by the party in interest: Provided, however, that after cancellation, no second adverse claim based on the same ground shall be registered by the same claimant. xxx”

Maliwanag na kailangan pang maghain ng isang petisyon sa korte para sa pagpapakansela ng isang adverse claim. Dahil dito, kailangan ninyo ng serbisyo ng isang abogado para tumulong sa inyo sa paggawa ng petisyon at magrepresenta sa inyo sa korte.

Atorni First
By Atty. Persida Acosta

loading...

7 thoughts on “Problemado sa Isinanglang Bahay at Lupa

  1. Dear Atty. Acosta,

    Magandang araw po…gusto ko lamang pong magtanong kung ano ano ang pwede kong idemand sa asawa ko bilang suporta sa mga anak ko. Una po, nagtatrabaho po sa abroad ang aking asawa at malaki po ang kanyang sweldo dun, pero may malaking utang din po siya sa bangko sa bansang yun kung saan siya nagtatrabaho at automatic po na ikinakaltas yun ng bangko sa kanyang sweldo bwan bwan. Tatlo po ang anak niya sa akin edad 22, 18 at 11…hiwalay na po kami ng asawa ko dahil may iba na din po siyang babae na iniuuwian pag umuuwi siya ng Pilipinas…ano po ba ang mga pwede kong idemand sa kanya bilang suporta sa mga anak ko?

  2. Daer attorney Acosta,
    May mga katanungan lang po sana mabigyan mo ako ng kasagutan.Ang ex gf ng asawa ko mula pa noon laging nagmemesage sa asawa ko. Para walang gulo sa tuwing gumawa cya ng account sa fb binablock ko nalang. Ngunit determined talaga cyang makipag communicate sa asawa ko hanggang gumawa uli cya lately ng ibang account at naging friend sila ng asawa ko lagi silang nag tatawagan. Hinde ko alam kong nagkikita sila may asawa at mga anak na rin ang babaing ito. Since 2011 hanggang ngayon di ako kumibo. Sa galit ko binastos ko cya sa fb. Nag post ako ng masasamang salita laban sa kanya.
    Ngunit nagsisis rin ako sa ginawa ko kasi hinde ako sanay manakit nga tao. Nagapology post di ako.Pero galit galit pa rin cya sa akin kasi sinira ko daw reputasyon nya. Paano naman ang damdamin ko attorney na sinaktan nya ng lubos hihintayin ko paba na maging matinde na ang kanilang comunication?
    Ano ang dapat kung gawin kung mag file cya ng demamda sa akin. Hinde nya alam ano tunay ko na pangalan at tunay na address.Kasi nanadito ako sa Malaysia ay sya ay nasa hongkong.
    Tulungan at payuhan mo ako attorney.
    Maraming salamat po.
    Please reply.

  3. Daer attorney Acosta,
    May mga katanungan lang po sana mabigyan mo ako ng kasagutan.Ang ex gf ng asawa ko mula pa noon laging nagmemesage sa asawa ko. Para walang gulo sa tuwing gumawa cya ng account sa fb binablock ko nalang. Ngunit determined talaga cyang makipag communicate sa asawa ko hanggang gumawa uli cya lately ng ibang account at naging friend sila ng asawa ko lagi silang nag tatawagan. Hinde ko alam kong nagkikita sila may asawa at mga anak na rin ang babaing ito. Since 2011 hanggang ngayon di ako kumibo. Sa galit ko binastos ko cya sa fb. Nag post ako ng masasamang salita laban sa kanya.
    Ngunit nagsisis rin ako sa ginawa ko kasi hinde ako sanay manakit nga tao. Nagapology post di ako.Pero galit galit pa rin cya sa akin kasi sinira ko daw reputasyon nya. Paano naman ang damdamin ko attorney na sinaktan nya ng lubos hihintayin ko paba na maging matinde na ang kanilang comunication?
    Ano ang dapat kung gawin kung mag file cya ng demamda sa akin. Hinde nya alam ano tunay ko na pangalan at tunay na address.Kasi nanadito ako sa Malaysia ay sya ay nasa hongkong.
    Tulungan at payuhan mo ako attorney.
    Maraming salamat po.

  4. pwd ko po bang kasuhan ang boyfriend ko na niloko ako mag dadalwang taon nakami??.. hindi naman kami mag kasama sa bahay tinanung ko po siya kung may asawa siya oh wala ang sabi niya wala..sabi ko sakanya patunayan mung wala kang asawa pakilala moko sa nanay at at tatay mo…pinakilala niya ko sa nanay at tatay niya at mga kapatid at ang sabi wala siyang asawa..???tapos nung namatay ang tatay niya nalaman ko na may asawa siya…mahal na mahal ko siya at subra po ako nasaktan dahil sa nalaman ko???pero sabi niya sakin hindi daw sila kasal at ako daw ang mahal niya??gosto ko lang malaman kung puwdi ako lumaban sa boyfriend ko dahil niloko niya ng matagal

  5. Dear Atty. Acosta.

    Annulled na po ako sa aking asawa noon November 23,2015. MAy dalawa po kaming anak. Nagbibigay po sya ng sustento noong nasa Pinas pa kami,pero simula noong nakalipat na kami ng mga bata dito sa America huminto na rin po sya sa pagbibigay ng suporta. Atty. ,may habol pa po ba mga anak ko para makakuha ng financial support? Sana po ay mapayuhan nyo po ako tungkol dito.
    Maraming salamat po.

  6. Ako po ay nais magtanong kung ano ang magandang gawin my kapatid po ako na isinanla ang lupa ng aming ama noong nabubuhay pa ito na d nya alam hnggng ngyon ay hindi inillabas ang titulo ng lupa napag alaman nmin mgkkptd na isinanla ng amng kptd kasabwat ang knyng asawa hanggng ngyon ay di nila inilalabas ang titulo at napag alaman din n di nil ito binubuwisan mul ng taon 2009 nais po sana nmin magkakapatid na mabawi ang titulo ng aming magulng

  7. Dear Atty. Acosta, kailangan ko po ng tulong ninyo. May mga properties po ang aming pamilya, lupa at mga sasakyan, pagmamay-ari po ng lolo at lola ko na magulang ng aking ama. Patay na ho ang lolo at lola ko, yung lolo ko po mga anim na taon na, yung lola ko po magdadalawang taon na. Namatay po sila sa sakit, nang nasa ospital pa ho ang lola ko dahil sa cancer ginamit ho sya na walang kalaban laban ng kanyang panganay at pangalawang anak na tiyo ko kasabay ng kanilang mga asawa upang gamitin ang kamay ng lola ko upang i-thumbmark sa pagkadaming dokumento na nakaayon lamang sa kanilang kagustuhan. Ngayon po naka-deed of donation na po lahat ng properties sa limang magkakapatid kabilang na ang aking ama. Inatake po sa puso ang ama ko noong Nobyembre taong 2015 at namatay. Lahat ho ng papeles ay kinuha ng tiyuhin ko sa bahay na walang paalam at namalayan nlng po namin na iniuwi na sa tirahan nila di nalalayo saamin. Paikliin ko na po, may kabit po ang ama ko, may kaalaman din po sa law dahil nagaral sya neto. Legal na anak po ako ng aking ama. Ngayon po mula nang namatay sya lahat ng properties po ay kiniclaim ng kabit. mas malakas po ang loob nya sapagkat kinakampihan po sya ng mga tiyuhin ko at tiyahin. nakikitira nlng po ako sa isang tiyahin ko dahil pati bahay sinasabi nang kanya daw po. may mga kakilala po sila sa loob ng Registry of deeds, BIR, LTFRB at LTO. Kaya kinaya po nilang ilipat sa kabit ang mga properties. buhay pa po ang ina ko na asawa ng tatay ko. kasal po sila. May mga death threat po kami galing sa babae, ngunit dinadaan po sa facebook social media. May baril po sya. Natatakot po ako. Tulungan nyo po kami Atty. sa nararapat.

Leave a Reply

Your email address will not be published.