Problema sa Utang

Dear Atty. Acosta,

MAY PROBLEMA po kasi ang tita ko dahil po sa utang. Nag-issue po siya ng tseke sa financer. Tuwing magre-release siya,  tseke po ang ibinibigay niya. 8 percent po interest monthly, 3 months to pay. Inabot po ng P550,000.00 ang utang ng tita ko pati na po interes. Pina-close po ng tita ko ang checking account niya para po hindi na siya ma-charge ng bank. Handa naman pong magbayad ang tita ko. Kung hindi po ba makakatupad ang tita ko na bayaran ang utang niya, makukulong po ba siya kahit po nakikipag-usap siya sa financer at hindi niya po tinatalikuran ang kanyang utang? Anu-ano po ba ang dapat gawin ng tita ko para po hindi umabot sa ganoong sitwasyon? Maraming salamat po.

Aileen

 

Dear Aileen,

KUNG HINDI tumupad ang tita mo sa pagbayad ng utang niya, ipapapalit na o ipi-prisinta na ang kanyang tseke sa bangko. Dito malalaman na at matatatakan ng “closed account” ang tseke.

Ang pagpapatigil o pagpapasara ng “checking account” ng iyong tita ay magiging dahilan ng pagtalbog nito sa oras na ito ay ipapalit o ipa-encash sa bangko. Dahil dito, maaaring ireklamo sa paglabag sa Batas Pambansa Bilang 22 (BP22) ang iyong tita. Ipinagbabawal ng batas na ito ang pag-iisyu ng talbog na tseke. Ito rin ay nagtatakda ng karampatang kaparusahan na pagkakulong at/o multa ng sinumang lalabag dito.

Subali’t kung ang nasabing tseke ay ipina-encash o ipinapalit sa bangko pagkaraan ng 90 araw, mula sa petsa ng pagka-isyu nito, ang nasabing transaksyon ay hindi na saklaw ng nasabing batas. Kung magkaganu’n, hindi na mapaparusahan ang taong nag-isyu ng tseke sa sandaling ito ay tumalbog, kung ito ay hindi pinasuklian sa bangko sa loob ng nasabing panahon. Ngunit hindi naman ito nangangahulugan na wala na siyang obligasyong bayaran ang halaga na nakalagay sa nasabing tseke.

Kung ganito ang sitwasyon ng iyong tita, maaari pa rin siyang masampahan ng kaso, subalit ito ay kasong sibil na lamang para maobliga siyang bayaran ang kanyang utang. Kung siya naman ay nagbabayad na, maaaring maging walang saysay ang paghahain ng kasong sibil sa korte sapagkat siya ay nagbabayad naman na.

Kaugnay nito, mas makakabuti pa ring ipagpatuloy na lamang ng iyong tita ang pagbabayad niya ng kanyang utang upang hindi na humantong pa sa korte ang paniningil sa kanya.

Atorni First
By Atty. Persida Acosta

loading...

4 thoughts on “Problema sa Utang

  1. Kato nayan po wala silng lisensya para mag pautang marami na po silang taong ginipet walarin pong taong mag lakas loob na magreklaamo kc po tinatakot po nila yung asawa ko po pinag bantaan din po nya na wag lang daw po sila mag kikita sa daan baka ano daw magawa nya kaya po gaion hnden po nakaka byahe yung asawa ko ng trycel my anak po kamu 3 po my sakit pa po yung isa ni lalagnat po gaion ano po ba dapat kong gawin parangawa mona po tulogan nio po ako gusto kona po matapos to para maka byahe nabyung asawa ko itong tao na nirereklamo ko po bordmember po sya nag BAYAN PALENGKE TODA

  2. May problaema po kami ng asawa ko dahil po sa pagagautang po nmin iginarantay po nmin yung body number ng trycel sa halagag 5000 kaya lang po hnde po sa amin yun heniram lang po ng asawa ko sa papa nya yung body number trycel para po ekabet sa trycel po ang problema po hnde po alam nag mama ko na ginawa po nmin kolateral sa utang yung body number ng trycel nya gaion po bininta po nag mama kang problema po yung tao nakabile my hawak na mga document na ka to nayan na sya yunh naka bili gaion po yung pinag kakautagan namin sinabi ko sa kannya na hnde po kami ang tunay na myare ng body number alam naman po nya pero ang gusto po ng tao na pinag kakautagan namin ibalik daw po yung pera ng nakabili sya daw ang mag babayad broblema po ulit kc ayaw nman din po nmin na ganon po ang magyare kc nakakahiya po sa nakabli ang sabi ko na lang bbayran nmin yung utang na 5000 ayaw nman po nya pomayang ang gusto daw ng asawa nya kong mag babayad daw po kagusto daw nag asawa nya bayaran daw po nmin ng 20k

  3. May problaema po kami ng asawa ko dahil po sa pagagautang po nmin iginarantay po nmin yung body number ng trycel sa halagag 5000 kaya lang po hnde po sa amin yun heniram lang po ng asawa ko sa papa nya yung body number trycel para po ekabet sa trycel po nmin ang broblema yung body number ng trycel beninta na po ng mama nag asawa ko sa iba pero po wala po kaming pinag hahawakan na papel para po ka tonayan na sa amin po yung body number ang problema ko po gusto ko po sana bayaran yung utang nmin na 5000 po para po tang galin na po yung body number ng trycel nya po kc binabyahe po nya gion po yung tao nanpinag bintahan mo nag mama ko priblema po nya kc po sila hawak po nila yung mga papel na sya po ang my karapatan gumamamit nag body number nakiosap nman po ako sa tao na babayaran ko po sila sa utang na pinag kasondoan sa body number ang broble ma po ayaw po nag taong pinag sanlaan na bayaran ko po ang sabi po nya ang sabi daw ng asawa ng pinag kakautagan nmin kong babayaran daw po nmin yung utang nmin bayaran daw po nmin ng 20k dahel sa ginawa daw po na pirwisyo na ginawa po nmin ginawan daw po nmin sya ng broblema sa TODA bali bordmember po sya ng TODA marami na po sya tao ginanito hnde lang po sya kaya ireklama kc po tinatakot po nya pate po asawa ko sinabihan po nya nag sasapakin daw nya pang nakita nya wala po silang lisensia na pa tunay na nag papa utang po sila

  4. Dear Atty. Acosta,

    May kaibigan po ako na iginarantiya ko ng utang. Nagbigay sya ng kopya ng ID nya, Meralco Bill, kasulatan ng pagsasalin sa pangalan ng asawa nya sa pagpapatuloy ng bayad ng bahay (acquired unit) at ATM card. Nung mga unang buwan ay maayos na pumapasok sa atm nya ang pera kaya naging maayos ang pagbabayad. Noong July ay na delay ito ng 15 days at pakatapos nun, hanggang ngaun ay di na muli nagkalaman ang atm na kung saan ayon sa kanya ay doon pinapadala ng ahensya ng seaman na asawa nya ang kanilang buwanang alote. Ang pagkakautang ay nagkakahalaga ng 20 mil at dahil tumutubo ito ng 20% kada buwan ay umabot na ng 32,000. Noong Sept. 17 ay iniharap ko sya sa may ari para magkausap. Nangako sya na magbabayad ng pakalipas ng 2 araw at makakakuha daw sya ng pera ngunit hanggang sa ara n ito ay hindi na sya nagpakita. Ang nakaka lungkot po, sa akin lahat kinaltas ng nagpapautang ang sanay paunang bayad nya para sa tubo.

    May karapatan po ba ako na mag reklamo kahit sa baranggay lang? makailang bes ko na sinikap syang kausapin pero sadya nya di sinasagot texts at tawag ko. May karapatan po ba ako na humugot ng gamit sa kanya bilang collateral na magbabayad sya? Gulong gulo po ako sa ngaun dahil inaasahan kong pambayad ng amortization ng bahay namin ang pera na iyon.

    Ikagagalak ko po ang inyong pagbibigay linaw sa problema ko na ito.

    Rochelle

Leave a Reply

Your email address will not be published.