Probelamdo sa Suporta at Kustodiya sa Anak

Dear Atty. Acosta,

 

MAY NAIS po ako ihingi ng advice sa inyo tungkol sa custody ng aking anak. Hiwalay na kami ng asawa ko, kasal po kami. Maaari po ba akong humingi ng sustento kahit walang agreement? Kasi po ang gusto niya bago po siya magbigay ng support sa anak namin ay may kasulatan pa. Ang sabi pa niya ay balak niyang kuhanin ang bata sa custody ko dahil wala raw po akong kakayahan na ibigay lahat ng basic needs ng bata dahil sa wala akong trabaho. Pero nagpupursige po akong makahanap ng trabaho. Sa aspetong custody po, may tendency po bang mapunta sa kanya ang anak namin, dahil lang daw wala akong trabaho? 2 years old pa lang po ang bata. ‘Yun daw po ang gagawin niya pag-uwi niya next year galing abroad. Gagawa raw siya ng court hearing sa korte para sa custody ng bata. Ano po ba ang maaari kong gawin? Ganu’n din po sa hinihingi kong sustento na ayaw niyang ibigay. Natatakot po ako sa kalalabasan ng kanyang gagawin.

 

Mrs. Virgie

 

Dear Mrs. Virgie,

 

MALIWANAG NA ipinag-uutos ng batas na obligasyon ng isang magulang ang magbigay ng suporta sa kanyang anak. Ang suportang ito ay tumutukoy sa kanyang pangangailangan upang mabuhay katulad ng pagkain, damit, gamot, edukasyon at iba pa. Ito ang sinasaad ng Artikulo 194 at 195 ng Family Code of the Philippines.

Ang pagbibigay ng suporta ay maaaring hingiin sa oras na ito ay kailanganin na ng taong may karapatang humingi ng suporta. Subalit ito ay maaaring hindi ibigay sa huli hangga’t wala siyang pasabi na kailangan na niya ng suporta (Article 203, Family Code of the Philippines).

Kung magkaganu’n, ang obligasyon ng iyong asawa na magbigay ng suporta sa kanyang anak ay kailangan niyang gawin mayroon man o walang kasulatan patungkol dito. Hindi niya maaaring iwasan ang obligasyong ito dahil lamang sa kawalan ng kasunduan o kasulatan sa pagbibigay ng sustento. Ito ay hindi niya maaaring tanggihan o bale-walain sapagkat mahigpit itong ipinag-uutos ng batas. Kung siya ay lalabag dito, maaari kang magsampa ng kaso upang siya ay obligahin ng korte para magbigay ng suporta o maparusahan ng pagkakulong.

Kaugnay naman sa iyong katanungan patungkol sa kustodiya o pagkupkop sa iyong anak, sinasabi ng batas na sa paghihiwalay ng mag-asawa, ang kanilang anak ay mapupunta sa isa sa kanila. Kung ang kanilang anak ay may edad na pitong (7) taon pataas, siya ay bibigyan ng pagkakataon upang pumili kung kanino niya gustong sumama. Subalit ang kapakanan o interes pa rin ng bata ang masusunod o magiging pangunahing konsiderasyon, kung sakali mang ang magulang na mapili niya ay walang kakayanan upang siya ay palakihin o alagaan. Kung siya naman ay may edad na hindi tataas o lalagpas sa pitong (7) taon, mananatili siyang nasa poder o kustodiya ng kanyang ina (Article 213, Family Code of the Philippines).

Samakatuwid, ayon sa nasabing batas, sa iyong poder mapupunta ang iyong anak. Subalit kung sa kabila nito, gusto pa rin ng iyong asawa na mapunta sa kanya ang bata, maaari siyang magsampa ng kaso sa korte. Ito ay para hilingin na mapunta sa kanya ang kustodiya ng bata. Subalit kailangan niyang patunayan na ikaw ay hindi karapat-dapat at walang kakayahang palakihin ang bata. Maaari niyang gawin ito sa pamamagitan ng pagpapakita na ikaw ay walang trabaho, imoral, palaging naglalasing, drug addict, nagmaltrato, nagpabaya o nag-abandona ng bata, may diperensya sa pag-iisip o may nakakahawang sakit, kung saan malaki ang magiging epekto nito sa pag-aaruga sa o paglaki ng bata (Pablo-Gualberto vs. Gualberto, GR No. 154994, June 28, 2005, 461 SCRA 450).

Atorni First
By Atty. Persida Acosta

loading...

4 thoughts on “Probelamdo sa Suporta at Kustodiya sa Anak

  1. Dear atty Acosta,may asawa po ako pero almost 4 years na po kaming hiwalay simula po nag CANADA ako at may isang Anak na lalaki po kami at 7 years old na po siya ngayon at nasa pangangalaga po ng byenan ko,gusto ko po na kunin ko na yung anak ko sa kanya pero ang sabi niya po sa akin hinding hindi daw po niya ibibigay ang anak ko, wala pong siyang trabaho simula nung nagabroad ako kaya ako lang po ang sumusustento sa lahat ng panganagilangan ng anak ko,kahit po ang byenan ko at ayaw ibigay ang anak ko dahil daw po siya ang nagalaga nito simula baby palang,mapupunta po ba sa akin ang custody ng anak ko sana po at matulungan niyo ako sa problema Kong Ito,maraming salamat po.

  2. Dear Ms Acosta,
    Gusto ko lng po sanang mang tanong .May naka live in po ako 6 n taon nag karoon po kmi ng dalwang anak n lalaki Ang panganay ko po ay 9 n taon at 6 n taon ang bunso.Humiwalay po ako sa kinakasama ko kse irisponsable po sya .Kse po ayaw nya mag hanap ng maayos n trabaho khit inaaply n sya ng kapatid ko bilang janitor sa isang hotel.Ang trabho po nya ay mag service ng studyante ang kita po nya isang Araw swerte n kung maka 3 daan typos pag Minalas p at nasira tryckel halos wala ng kitain.Pag katpos po kse mag hatid s umaga ng studyante nakatigil n po sa bhay at nag hihintay ng hapon pra mag sundo uli nman.Pag sinasabi ko po na bakit ayaw mamasada sasabihin manipis n ang gulong bk daw ma flat,minsan nman sasabihin walang pasahero ng ganon oras sayang ang gasulina.May pag ka tamad po talaga.Ngayon po humiwalay n ako at napilitan mangibang bansa pra sa dalwa kung anak.Pero ng malapit n akong umalis kinausap ko muna ang dati kung ka live in n alagaan ang bata sa bahay nmin pero tumanggi po sya alagaan mga bata at ang gusto ay dalhin sa kanila.Sabi ko po mag hanap nlng sya ng trabho pra maka pag suporta sya.Hindi po ako pumayag kaya iniwan ko sa pangangalaga ng kpatid ko sa bahay nmin inaagaan.
    Ngayon po gusto nyang kunin ang mga bata matpos ang halos tatlong taong walang suporta.At sabi po ng kaptid ng ka live in ko sa nsa America aayusin daw po amg papel ng mga anak ko pra kung sakaling mapitisyon ang ka live in ko kukunin nila ang bata at isasama sa America .Kung di daw po ako papapiliin ang mga bata .kse na hustong idad n daw po.May karapatan po b ang k live in ko n makuha ang anak nmin, khit hindi sya nag suporta sa mga ito.
    Marami pong salamat..

  3. Dear atty acosta,

    Narinig ko po na nag tatalo ang aking ina at step father tungkol sa aking kapatid na 2 taong gulang. Nais pong dalhin ng aking step father ang bata pero di siya pinayagan ng aking ina. Kaya sinabi niya na kukunin niya daw ito kapag wala ang aking ina. Tanong ko po. Mayroon bang batas kung saan ma pupunta ang bata o may kaso po ba na ma isasampa sa sapilitang pagkuha ng bata?

  4. Dear atty acosta, good day po may tanong lang po ako tungkol po sa kuya ko may anak po sya na dalawa isang 10yrs old n babae at isang 5 years old na lalaki…matagal na po silang mga 4 years na rin po sila hiwalay sa dahilan nabuntis un asawa nya ng ibang lalaki non nasa abroad sya ngayon po gusto niya na kuhanin ang mga anak niya may pagasa po ba na makuha nya ang pangangalaga sa dalawang pamangkin ko at kasma po ba talaga na dapat sustentuhan din ang lola nya dahil daw sya ang nagaalaga sa mga bata maraming salamat po……….. melchor

Leave a Reply

Your email address will not be published.