Pinoy Boxers, Panalo Lahat sa Pinoy Pride XXIII

NANGUNA ANG mga boksingerong Pinoy na sumabak sa Pinoy Pride XXIII: Filipinos kontra Latinos matapos magwagi sa kani-kanilang laban sa Araneta Coliseum sa Quezon City.

Pinatumba ni Donnie “Ahas” Nietes si Sammy Guttierez ng Mehiko para sa WBO World Light-Flyweight Championship habang pianataob ni Milan “El Metodico” Melindo si Jose Alfredo Rodriguez ng Mexico sa WBO International Flyweight Championship.

Hindi rin nagpahuli sa WBO International Light-Welterweight Championship sina Jason “El Nino” Pagara at tinalo ang kalaban na si Vladimir Baez ng Dominican Republic habang nagwagi si AJ “Bazooka” Banal laban kay Lucian Gonzalez ng Puerto Rico.

Tinalo rin ni Jimrex “The Executioner” Jaca si Wellem Reyk ng Indonesia via knock out.

Samantala, pinalad naman si Merlito “Tiger” Sabillo na manalo kontra sa kalabang si Carlos “Chocorroncito” Buitrago ng Nicaragua matapos lumabas ang resultang split draw sa WBO World Minimumweight Championship upang ma-retain niya ang naturang titulo.

(PARAZZI REPORTORIAL TEAM)

loading...

Leave a Reply

Your email address will not be published.