Pilipinas, lost na lost na nga ba?!

OLA CHIKKA! HINDI ko na mawari kung ano na ang kahihinatnan ng noontime show na Pilipinas Win na Win! Dahil sa chikkang narinig ko na mga oldies na raw ang aagapay ng nasabing programa. Lilisanin na ni Kris Aquino ang programa at ang nakatkdang sumalo sa responsibilidad ay sina Rico J. Puno, Haji Alejandro, Rey Valera at Marco Sison.

Naku, ha? Mukhang hindi na naman maganda ang kalalabasan niyang plano na iyan dahil malamang mga oldies na rin ang manonood nila at ‘pag nagkataon, bagsak na naman ang rating ng programa.

Wala ba silang ibang naisip na maaaring mag-take over sa Pilipinas Win na Win at iyang apat ang napili ng management?
Hindi sa kontra ako at pinagdududahan ko ang kakayahan ng apat na lalaki. Ngunit para sa akin, mas maganda kung makamasa at may dating ang papalit na mga hosts para kagiliwan sila ng manonood, hindi lamang sa matatanda kundi pati mga bata.

Ang sa akin lang, sana humanap sila ng mas bagay sa programa na kayang mag-reach-out sa lahat ng klase ng manonood. Ang daming talentadong artists ng Dos kaya hindi dapat sila mag-panic. Dati nang sira ang image ni Willie Revillame bago pa man siyang magig host ng Wowowee, ngunit agad nalinis ang kanyang pangalan at nagustuhan na ng masa. Ang sinasabi ko lang, huwag silang agad-agad magdesisyon.

Si Kris Aquino ay napapabalitang babalikan ang Deal or No deal na itatapat ang timeslot sa programa ni Willie sa Kapamilya Network. Hmmm… uubra naman kaya siya? Kung sa noontime slot ng Dos, walang binatbat si Tetay, eh paano pa kaya ‘pag mismong programa na nila ang nagtapat?! Pak!

NAGMAMADALING UMUWI ANG Megastar na si Sharon Cuneta mula sa Europe dahil sa kumalat na chikkang pati ang anak niyang si KC Conception ay nadawit na sa mga taong sinisiraan nitong si Mariel Rodriguez.

Ayon sa chikka, sinasabi raw nitong si Mariel na ginagaya lang ng anak ng megastar ang kanyang pagho-host at kinukuwestiyon pa raw umano nitong si Mariel kung bakit mas naunang nagkaroon ng show si KC sa Dos, samantalang mas matagal at mas nauna naman siya rito.

Sa pagmamaldita ni Mariel, kung sinu-sino na ang nadadawit sa kaguluhan niya.

Hindi sa lahat ng oras, maidadaan mo sa tawa ang mga isyung ibinabato sa iyo maging ang pag-iyak-iyak mo sa madlang people, wa-epek na rin. Kaya kung ako sa iyo Mariel, dahil masaya ka naman ay manahimik ka na lamang kung ayaw mong ikaw ang laging nakikita, hindi ba?!

BLIND ITEM: PITIK-BULAG! Sino siya? Mahulaan n’yo kaya itong female-actress na hanggang ngayon ay napakarami pa ring fans kahit na chakabels as in pangit na ang kanyang programa ay todo-suporta pa rin ang mga fanatics n’ya?

Hindi ko feel ang takbo ng istorya maging ang casting ay hindi rin swak. Basta ang masasabi ko lang ay hindi siya pang-gabi, kung nasa bandang hapon siguro ang timeslot n’ya baka magustuhan ko pa.

Hindi n’yo mahulaan? Subaybayan na lamang sa aming programa sa DWSS 1494 kHz weekdays from 11:30-12 nn at makigulo at maging una sa chikka kasama aking mga parazzi girls na sina Lady Camille, Lady Ghaga and Lady Khianna. At patuloy pa rin po akong subaybayan sa DZRH TV tuwing Linggo, 2:30-3:30 p.m. Thank you very much and God Bless us all!

Ooola Chika
E-mail: [email protected]
by Tita Swarding

Previous articleListahan ng mga Poker Boys na Pa-Booking, Humahaba na!
Next articleArnel Ignacio, ipinipilit ang sarili kay Suzuki Sadatsugu?!

No posts to display