PAOLO BALLESTEROS, PINAPANTASYA SI PIOLO PASCUAL

SUPER GANDA ANG production number ng mga bading sa grand presscon ng I Heart You Pare nina Regine Velasquez at Dingdong Dantes. Agaw-eksena si Paolo Ballesteros na naka-drag costume, mapagkakamalan mo siyang tunay na babae! Panay ang pose sa mga photographers na akala mo’y beauty queen sa kanyang seductive pictorial. Pati kilos at galaw, matatanso ka kung hindi mo kilala ang nasa likod ng kasuotan ‘yun.

Pakiramdam nga namin, feel na feel ni Paolo ang role niya as ‘Vodka’ sa nasabing romantic-comedy series. Wala siyang pakialam kung pagdudahan ang kanyang pagkalalake. Hindi ba’t matagal nang nababalitang nagkukubli raw sa dilim ang TV host/actor?

“Very challenging ang role, kaya agad kong tinanggap ang offer. Ang problema lang, hirap ako sa pagsusuot ng costume, pero it’s fun and I do really enjoy working with the whole cast. Sabihin na nila ang gusto nilang sabihin, wala naman akong dapat aminin,” sey niya.

Tuloy, bigla namin binanggit kay Paolo si Bebe Gandanghari, willing ba siyang makipagsabayan dito?

“Okey lang. Ready ba siya?” naghahamon na sabi nito.

Tinanong namin ang aktor kung sino ang gusto niyang maka-love scene if ever mabigyan siya ng solo gay film?

Walang kagatol-gatol na binanggit ni Paolo ang pangalan ni Piolo Pascual.

Maging si Regine ay very much insecure sa angking ganda ni Paolo. Daig pa raw nito ang babae kung kumilos at magsalita.

“Nakakainis ang ganda niya, ‘di ba? Kung puwede nga lang patayin agad ang character niya!” natatawang sabi ng Asia’s Songbird.

WALANG MAPAGSIDLAN NG tuwa sina John Estrada, Randy Santiago, Mariel Rodriguez at Toni Gonzaga dahil ilang tulog na lang, mag-uumpisa na ang Happy, Yipee, Yehey!, ang pinakabagong Kapamilya noontime show na tiyak magbibigay ng  walang katapusang kasiyahan tuwing tanghali. Ang engrandeng launching ay gaganapin sa February 12, Sabado sa Ynares Sports Arena, Pasig City.

Tiniyak nina John, Randy, Mariel at Toni na purong saya’t walang halong away ang kanilang ibibigay sa mga Pilipino araw-araw. Nanumbalik na uli ang magandang samahan nina Toni at Mariel.

Matatandaang sina John at Randy ay hosts ng Magandang Tanghali Bayan, habang si Mariel ay host ng dati ding noontime offering ng ABS-CBN. Pitong taon na ang nakakaraan ng maging co-host naman si Toni ng isang pang-tanghaling programa sa kabilang istasyon.

Mga bagong palaro, limpak-limpak na papremyo ang naghihintay para sa mga contestants na masuwerteng manalo sa nasabing noontime show. Idagdag pa sa barkada ang patok na choreographer na si Joy Cancio na magpapasikat ng mga bagong galaw at sayaw.

AYAW Paawat!
by Eddie Littlefield

Previous articleWHAT ELSE IS NEW? DRESSING ROOM NI WILLIE REVILLAME, ‘OA’ SA SECURITY!
Next articleJasmine Curtis, diring-diring makipaglaplapan kay Luis Manzano!

No posts to display