Pamemeke ng Dokumento

Dear Atty. Acosta,

SUMULAT AKO sa inyo dahil nababasa ko ang inyong column sa Pinoy Parazzi at naisip ko na maaaring kayo po ang makasagot sa mga katanungan ko, at kayo na rin ang makapagsabi sa akin kung ano ang kahihinatnan ng kaso laban sa akin at kung talaga bang dapat akong isama sa mga sinampahan ng kaso.

May kapirasong lote na iniwan sa akin ang aking lola na isang matandang dalaga. Kapatid po siya ng lola ko sa ina. Ang loteng ito ay parte ng isang malaking lote na dating pagmamay-ari ng aking mga lola. Naisangla po ng lola ko sa ina ang parte niya sa lote at hindi na ito natubos, kung kaya’t naging buo na ang pagmamay-ari ng kanyang napagsanglaan. May parte ng lupa na napatituluhan na ng mag-asawang naging may-ari nito at may ilang parte ang hindi pa napapatituluhan, kasama na po ang parteng iniwan sa akin ng aking lola.

Isang araw ay niyaya ako ng anak ng may-ari ng lote na patituluhan ang parteng wala pang titulo at isabay ko na raw ang pagpapatitulo ng aking parte. Dahil sa nais kong magkaroon ng titulo ay pumayag ako na magbayad ng halagang P26,000.00. Sila na raw ang maglalakad ng aking mga papeles. Pumirma lamang ako sa segregation of property at sa isang deed of sale, bilang saksi. Mula po nang mapatituluhan ko ang lote ko ay nagbabayad ako ng amilyar.

Nalaman ko na lamang na nagsampa ng kasong falsification ang panganay na anak ng mag-asawang may-ari ng lupa laban sa kanyang mga kapatid. Isinama ako sa mga kinasuhan dahil saksi raw ako sa deed of sale at sa tingin niya ay nakipagkuntsabahan ako sa kanyang mga kapatid. Pati ang pinsang-buo nila na kasama kong naging saksi sa nasabing deed of sale ay isinama nila sa mga kinasuhan. Na-dismiss po ang kaso ngunit ito ay inapela at kasalukuyang dinidinig sa hukuman.

Myrna V.

 

Dear Myrna,

SAPAGKAT ANG kasong falsification laban sa inyo ay kasalukuyan nang dinidinig sa hukuman, makabubuti na kami ay hindi mag-ukol ng puna sa estado ng iyong kaso. Ito ay upang magbigay ng respeto sa hukuman na mayroong hawak ng inyong kaso. Nananalig kami na masusing pag-aaralan ng hukuman ang inyong kaso at mabibigyan ng hustisya ang nararapat mabigyan nito. Ngunit upang mabigyan ka at ang ating mga tagasubaybay ng kaalaman tungkol sa krimeng falsification, aming tatalakayin kung ano ang nakasaad sa ating batas.

Mayroong limang klase ng falsification at ito ay ang mga sumusunod: (1) falsification of legislative documents; (2) falsification of a document by a public officer, employee or notary public, (3) falsification of a public or official, or commercial document by a private individual, (4) falsification of a private document by any person, and (5) falsification of wireless, telegraph or telephone message. (page 199, The Revised Penal Code, Book Two by Luis B. Reyes)

Dahil sa hindi mo nabanggit sa iyong liham kung ano mismo ang kasong isinampa sa inyo, amin na lamang ipapalagay na ito ay falsification sa ilalim ng probisyon ng Artikulo 172 ng Revised Penal Code o ang falsification by private individuals and use of falsified documents. Ayon sa unang talata ng Artikulo 172, ang pagpapalsipika ay maaaring magawa ng isang pribadong indibidwal sa mga sumusunod na paraan: “1. Counterfeiting or imitating any handwriting, signature or rubric; 2. Causing it to appear that persons have participated in any act or proceeding when they did not in fact so participate; 3. Attributing to persons who have participated in an act or proceeding statements other than those in fact made by them; 4. Making untruthful statements in a narration of facts; 5. Altering true dates; 6. Making any alteration or intercalation in a genuine document which changes its meaning; 7. Issuing in an authenticated form a document purporting to be a copy of an original document when no such original exists, or including in such a copy a statement contrary to, or different from, that of the genuine original; or 8. Intercalating any instrument or note relative to the issuance thereof in a protocol, registry, or official book.” (Article 171, in relation to Article 172, Revised Penal Code) Sa parehong talata ng Artikulo 172 ay sinasabing may pananagutan ang sinumang magpapalsipika kung ito ay ginawa sa paraang nabanggit at ito ay naging sanhi ng pinsala o damage sa ibang tao, pati na rin ang paggamit ng palsipikadong dokumento.

Malinaw sa nasabing probisyon na ang krimeng ito ay ginagawa upang ibahin ang nilalaman na isang dokumeto o papeles, o kaya ay palabasin na may partisipasyon ang isang taong wala namang kinalaman dito, gayun din ang paggamit ng palsipikadong mga dokumento. Ang sino mang mapatunayang lumabag sa mga probisyong ito ay mayroong pananagutan sa ating batas. Ngunit kinakailangang mapatunayan muna ang akusasyon laban sa isang akusado bago siya maparusahan.

Atorni First
By Atty. Persida Acosta

Related Post

loading...

6 thoughts on “Pamemeke ng Dokumento

  1. Atty acosta ako po ay isang taga hanga nyo kahit sa t.v ko palang po kayo nakikita hinahanagaan ko po kayo sana po matulungn nyo po ako mam.ganito po kase iyon atty. Ako po ay gumamit ng papeles ng kapatid ko po kase gusto ko po silang matulungn ng hindi po nila alam dahil wala na po kami magulang alam ko po hindi po reason un pero napakahirap po ng buhay sa pinas kaya mas minabuti ko po na umalis bila katulong sa ibang bansa kase po nd pa po sapat ang edad ko ung una po nag aply po aq sa agency sabi skin nd pa daw ako pwede kaya ginamit ko ang papers ng kapatid ko kaya po nakaalis po aq sa saudi nakauwe din po aq mga 1buwan at 1week lang po aq dun dahil napaka selosa ng amo kong babae kaya po sinbi ko sa agency ko kaya umuwe po aq tapos po yung umuwe po ako .nag aply po uli aq pa qatar kaya po naka alis po ako ng sept 2014 tas umuwe ako oct 2016 tapos gusto ko na po ayysin ang real name ko kya po ung jan po nitong 2017 yun n nga po nadetect po aq sa dfa po tas po tinanong po ako kung sino ba talga ako kung si monica marucot o si amalia marucot sabi ko po monica po tlga sir sbi po ni sir ivan ng dfa bkit ko daw po un nagawa sabi ko po sir para po makatulong po ako sa pamilya ko pag labag daw po yun pero wala pa daw pong nakukulong sa ganun tas po pingrequirments po kmi ng kapatid ko po mga feb 28,2017 po nagpasa na po kmi ng requirment ng atty explanation,nso,ung unang birtg cert po,voter registeration record,nbi,1 valid id,form 1 37,e1,un lang po ang requirment po namin tapos sabi sa amin tawag nalang daw po to fallow up mga 3times po ako natawag kada linggo kaso ni isa po wala pong sa tawag ko po kaya po yung july 4 po nag punta po ako sabi po sakin ni sir ivan nasa nbi na po tinurn over na daw po nila dun kya yung nbi n daw po ang tatawag sakin kya po ng antay po aq ng 2months po sept 6 2017 ngsimba po ako kase po frst wed ng buwan sa baclaran po para po mgmisa at manalangin na maayos na po ang pasport ko ng nbi after ko po mgsimba ngpunta po ako sa dfa nkausap ko po uli si sir ivan sabi po uli nasa nbi na daw po tas po binigyn po ako ng contact ng nbi tapos po may nkalagay na case anti fraud-division kya po mas lalo po ako natakot sana po matulungn nyo po ako atty acosta ngmamakaawa po ako wala nmn po akong ginawang masama ngtrabaho po ako pra po sa pmilya nd nmn po ako nkagawa ng kaso po sa pangangatulong ko po sana po ptawarin po ako sa mamemeke ko po ko ng papeles para s trabho at pmlya po salmat po sana po mag feedback po kya mam atty salamat po……..

  2. mam gud day po itanong ko lang po yung problem po namin s lupan first po kasi namatay po yung mother ko ilang days po nakalipas pinabarangay ako nung tao na bumili ng parte ko ang sa akin po kasi ipinangalang ng mother ko ng mag pa subdivide po ng lupa sya pero di pa po ako nagsign ng waiver after po nun nakita ko s waiver ang name ko na me sign na hindi ko naman po ginagamit since bale ang sign po n ginamit eh name at apelyido nung una kong asawa pero ang sign po na ginagamit ko eversince yung signature ko talagang sinusunod ko yung nasa government id ko nag karoon ng bentahan n ako ang nakasign at surname ng dati kong asawa nung nasa brgy po kami nung sinasabing nakabili ng lupa eh kanila n daw at tinuturo ako ang nakapirma kaya hinamon nila ako n isasampa nila ng kaso kaya sinabi ko po sa kanila n sige gawin nila at haharapin ko ang inaakusa nila so after nun di n sila nag apila after 9yearetong 2017 pumunta yung lalaki at sinasabing sa kanya ang lupa at titignan nya tapos po nun nag sabi po ako doon sa matanda n e problema s lupa na binili nila para angkinin nila nag ask po kami na ibabalik namin ang pera ang kaso wala po kami 500000 ganun halaga n sinasabi ng una ng babae nung pinatawag ako ng brgy nung patay ang mother ko now po pinipilit ng lalaki n kanila daw po yung parte ng lupa ko na naipangalang s akin ng mother ko at sinabi hindi daw pwede idadaan nya daw s legal law kaya sinabi ko ok at sinabihan kami ng ate n kahit kami walang karapatan now po pumunta kami ng denr para suriin ang lupa na nasa waiver po ng mother ko so nakita ko po n akin talaga under my name pero me sign n di ko naman talaga sign ang akin po concern panu po yun s mga waiver at marami po kaming nakitang hindi maganda doon s waiver n ako mismo ang nkasign pati ang ang pagtranfer na hindi naman po talaga ako ng sign bentahan maski singko hindi naman po ako ang tumanggap at yung mga reicept n ginawang monthly pero di umabot s ganun kalaki na nakasaad 375000 mga 211000tho lahat po yun nakita namin s mga nakatagong papeles ng mother ko anu po ba ang hakbang n pwede naming gawin ng sister ko kasi po parang ang lumabas n ginamit ng nakabili ng lupa ang kahinaan ng mother ko anu po ba ang pwede naming gawin aksyon s nangyari

  3. Good morning po. Tnong ko lng po kung Ano po ba dapat gawin para mademanda KO Yong taong kumuha ng savings nmin sa lending na walang pirma nmin? 5 po kming grupo cya po leader nmin. Sbi po dun sa opisina pumirma na daw po kmi pero ang totoo wla po kming pinirmahan. Kinuntsaba niya yong maniningil ng lending sa amin. Lumpit na kmi sa brngy ayaw humarap sa amin. Tpos sbi ng tga brngy bibigyan na kmi certificate pero nagbago sila ng statement bigyan ko pa raw ng pagkakataon na mkipag usap eh ayaw nga po humarap sa amin. SNA po attorney mabigyan nio ako ng advise

  4. Magandang araw po,may itanong lang po ako ano po kaparusahan sa pamemeke po ng pirma? Bale ganito po yun may nabili po husband ko ng lupa 190square.m. more or less po,isang taon po bago kami ikasal bale nagbentahan po ng lupa single pa po sya at nasa abroad po sya araw po ng bentahan ng lupa,may hawak po ako deeds of sale na nakalagay po pangalan ng asawa ko na nabili nya lupa pero hindi nya pirma,ang pumirma po yung tao pong yon ay attorney in fact po nya,subalit yung attorney in fact po ay wala pong Special power of attorney(SPA)na kasama sa deeds of sale po,may kaso po ba yon? samantala po yung titulo po na saakin ay certified true copy lang po na patunay na nakapangalan po sa husband ko ang titulo
    ,subalit ang original po ng titulo po ay sinanla po sa bangko ng kanyang attorney in fact sya po ang may hawak,sinanla po titulo kasal na po kami ng asawa ko,may kaso po ba yon? At may karapatan po ba kami ng anak ko sa lupa ng asawa ko? Salamat po…

  5. Dear.atty acosta gusto ko po sanang mgtnung my lupa po kc lolo at lola ko 90square meter a n pmilya po nkatira s taas tita ko o bunso ank nila lolo at lola s gawing knan my srili bhy tito ko at s baba po nana ko at kbila pinto gwing kliwa pmilya tito ko nlng dhil pty n tito ko,kmamaty lng po nanay ko nito feb.18 206 hlos 30yrs po kmi tumira s silong kya ako nkatira ank nya dhil wla npo nanay ko,dhil ngaun po planu po kzn ko nsa amerika ipagiba bhy at playasin at ung pmilya s gwing kluwa bibigyn nya p din hws 1 dretso ung smin gagawin nila garahe,npg alaman po nmin s city hall n ndi n s lolo at lola ko nka nme titulo nbili n dw po ng byw nanay ko nung 1983 s hlga 1500 ng ndi nlalaman ng 7 nya ank,ngaun po binenta nya s ank nya ng aamerika s hlga 300tw,dhil 3 nlng po ntitira tito ko buhy sinabi po nila peke yng pirma ng mgulang nmin n yn,ndi gagawin ng mgulng nmin ibenta yn syo s hlga 1500 llo nt alam nila mdmi kmi,nmty lolo ko 1992 at pgklipad 1 taon 1993 inaya lolo ko tito ko n mgpagawa s atty. Ng last will nkasaad dun lht maiiwan nya ariarian oinamamahla nya ank nya,buhy p un 1 po s 3 tito kong gusto smphn kaso byaw nila,valid po b last will ng lola nmin,bat po inilihim s knila dw ng bayaw nila kng my benthn pla ganun,sana po pkisagot gusto po nmin lht samphn ng kaso byw nila at kzn nmin ng aamerika ngbenthn at bilihin ndi pinapaalam s lht

  6. Atty.isa po ako na tagahanga nyo dahil sa dami nyong natutulungan na naagrabiado dahil sa kahirapan…sumulat po ako sainyo para isanguni ang isang problema na hindi ko po kasi alam kung ano dapat gawin..may ari business po ako industrial supply and services.. kumukuha ako ng mga work sa mga company dito sa laguna ..may isa po akong tao na nahuli ko na yung isang contract ko sa isang company ay biglang dina ipinasama ang roofing installation ..ginawang building construction nalang ..kaya pala yung isang tao ko ay humanap ng ibang gagawa at nagpasama sa company ng mas mura ..inalis ko po sya sa company ko..gumawa na sya ng business nya at nangongontrata na din sya.. pero napag alaman ko company ko ang name na ginagamit nya at yung permit ko din gamit nya ano po ba pwede ikaso sa kanya..

Leave a Reply

Your email address will not be published.