Pagsingil sa Utang na ‘Di Nababayaran

Dear  Atty. Acosta,

ANO PO ba ang magandang paraan ng paniningil ng utang na matagal nang hindi binabayaran? Pakiramdam ko po ay binabale-wala na ng mga taong umutang sa akin ang kanilang obligasyon. Ayoko na sanang padaanin ito sa barangay dahil nauwi lamang sa wala ang nakaraan naming pag-uusap doon at puro pangako lamang ang nangyari. Sana ay mabigyan ninyo ng pansin ang aking sulat. Maraming salamat.

Ren

 

Dear Ren,

BATID NAMIN ang iyong pagnanais na makuhang muli ang perang ipinahiram mo sa mga taong mayroong pagkakautang sa iyo. Sadyang nakalulungkot ang malagay sa sitwasyon na hindi mo mabawi ang perang pinaghirapan at pinag-ipunan dahil lamang sa kapabayaan ng iba. Maliban ditto, mahirap ang buhay sa kasalukuyan kung kaya’t mahalaga ang bawat sentimo na ating maitatabi upang mayroon tayong mahuhugot sa panahon ng pinansyal na pangangailangan.

Sa iyong sitwasyon, mayroong nakalaang lunas ang ating batas. Sa ganitong legal na suliranin, maaari kang magsampa ng action for collection of sum of money sa hukuman ng lugar kung saan ka nakatira. Kailangan mong mapatunayan na mayroong hiniram na halaga sa iyo ang mga taong iyong nabanggit, ang inyong naging kasunduan at ang mga probisyon nito, ang paniningil na ginawa mo at ang hindi pagbabayad ng mga ito kahit pa dumating na ang takdang panahon ng pagbabayad. Kung ang halaga ng pagkakautang sa iyo ng bawat isa sa humiram ng pera sa iyo ay hindi hihigit sa halagang isang daang libong piso, maaari kang maghain ng kasong small claims laban sa kanila. Ito ay maaaring ihain sa Metropolitan Trial Courts, Municipal Trial Courts in Cities, Municipal Trial Courts o Municipal Circuit Trial Courts na matatagpuan sa lugar kung saan ka naninirahan. (A.M. No. 08-8-7-SC)

Katulad ng naunang nabanggit, mahalaga na gumawa ka ng aksyon upang singilin ang mga taong mayroong utang sa iyo bago mo ihain ang alinman sa nasabing reklamo. Maaari mo itong gawin sa pamamagitan ng pakikipag-usap nang personal sa kanila. Ngunit kung hindi sila tumalima sa iyong paniningil at patuloy nilang tinatalikuran ang kanilang obligasyon sa iyo, makabubuti na magpadala ka sa kanila ng sulat ng paniningil o demand letter. Mahalaga na isaad mo sa nasabing sulat ang kabuuang halaga ng kanilang pagkakautang sa iyo, kasama na ang interes kung ito ay inyong napagkasunduan. Ipahayag mo sa nasabing sulat na kung hindi sila tutupad sa inyong naging kasunduan, ang susunod na hakbang na iyong gagawin ay ang pagsasampa na ng kaso laban sa kanila. Nawa’y sa paraang ito ay magising ang kanilang diwa at gawin ang nararapat ukol sa kanilang pinansyal na responsibilidad sa iyo. Kung hindi man ay magagamit mo ang nasabing sulat bilang patunay ng iyong written demand laban sa kanila.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Atorni First
By Atty. Persida Acosta

loading...

7 thoughts on “Pagsingil sa Utang na ‘Di Nababayaran

  1. Dear atty. Acosta mag tatanung lang po ako may umotang kc sa akin ng pera at ang usapan namin 3mths to pay or 6gives at bawat kinsinas at katapusan sa twing sahud nya mag bibigay sya bilang hulog sa inutang nya. At bilang pambayad nya sinanla or ginarantiya nya ung payrol ATM nya sa akin kasi don pumapasok ung sahod nya at ang usapan namin na ako ung mag withdraw sa sahud nya at babawasan ko ung sahud nya para sa hulog or data nya sa utang nya sa akin at ung subra binegay ko sa kanya. Sa loob ng isang bowan naging ok ung usapan namin naka pag bigay or naka paghulog sya sa akin ng dalawang bisis kahit wala na nasunod ang halaga na ibigay nya sa akin ayon sa pinag usapan namin sa kadahilanan na marami syang dahilan at pinag bigyan ko sya. At pag lipas ng isang bowan or sa pangatlo na sana nyang hulog pag enquer ko sa ATM nya naka block na kaya agad ko syang tinawagan kung bat ganun ang sabi lang nya babayaran naman daw nya ung utang nya sa akin at dumating sa araw na duedate na nya d parin sya nag babayad at sinabihan lang nya ako na renewhin nalang daw nya ung balance nya e 3mnths parin daw or ganun din kagaya sa usapan namin at sa twing kinsinas e tetext ko sya upang singilin kc wala na syang ginagarantya sa inutang nya sa akin ang sabi lang nya babayaran naman daw nya kaya natapus nanaman ulit ung 3mthns na pinaki usap nya kaso natapus ung 3mnth pero ung utang nya or balance nya hangang ngayon d parin tapus kasi d na sya nag babayad o nag huholog sa utang nya at lagi nalang nya akung pina pa asa sa wala..kaya anu po ang dapat kung gawin kung pwdy kuba syang kasohan sa ginawa nya sa akin o anu ang mga habang ang dapat kupang gawin kasi nag usap na kami ng personal at ganun parin pa asa sa wala at kina usap narin sya sa oficina nila kaso ganun parin pa asa sa wala Sana po matulongan nyo ako sa problima kung to salamat po.

  2. Dear atty.
    Ano po pwde ko gaein action? Ung kapit bhay ko po ngkautang po sya sa tindhan ko na maygit 16taw. Po mg 4months na po singil naku nang singil pero wla prin pi hangga ngayon pinaasa lng po ako. May pampagawa po sya ng bhay nila pero pambayad skin wla. Dko na po alam paano sya maccngil sa utang nia

  3. Gud morning po atty.acosta..gusto ko lng po snang itanong kung ano po bang pwede kong gawin para d isang taong may utang po s nanay ko pero instead n magbayad e dalawang beses n po kming sinusugod at inaaway ng dahil s utang nyang natira p nung 2013…actually sinangla nia po yung house nila at my kasunduan n pag d nia nabayaran ng dec.2013 ay kusang loob po clang aalis s bahay na pirmado p po nilang mg-asawa. peros kabaitan po ng aking nanay hindi po cla pinaalis tpos ngaun po kung anu-ano png masasakit n salita ang cnsabi nia s aming lahat..maraming salamat po atty. sana po matulungan nio po kmi

  4. Atty.

    Papaano po kung higit sa isang dang libo ang kanilang pagkaka-utang? Kailangan ko pa po bang umupa ng abogado para ma-isampa ang kaso sa MTC?

  5. Atty magtatanong na dn po ako tungkol nmn sa aking case
    Ung sister-in-law po ng ka-ofcmate ko e nagpapautang, so ang ginawa po nmin e kumukuha kmi ng pera sa knila tpos binibigay ko nmn po sa friend ko na pinauutang dn nya aftr several months, d ko na po makontak ung friend ko wla po ako listahan ng mga pinahiram nya kc tiwala nmn ako sa knya, wala dn po kming kasulatan ng ka ofcmate ko, npagod npo ako sa kakahabol sa kaibigan ko kya pra mtapos nlng po e inako ko na lhat, nakiusap ako na kung pde 5k a month na paymt, dahil umabot npo sa 350k ung total na pnabbayaran skin kya lng ayaw po nla kelangan dw bayaran ko in 24mos plus 2.5% interst per month, mag issue dw ako ng cheque, ang net ng sweldo nmin mag asawa ay 29k lng, may 2 akong anak na nag aaral, nagtutuition preho, nung una pmayag nlng ako pra wlang gulo kaai tinaqag pa kong sinungaling ng asawa ng ka-ofcmate ko, tpos aftr 1 day, gusto nmn ggawa ng contract which is ok lng, kya lng gusto pa may i-collateral ko ung kotse nmin, hinihingan ako ng id na may specimen signatures pa, pati asawa ko dn daw papirmahin, na hndi nmn ksali sa transaction nmin. willing npo ako nung una e pro prang may mali e, d nmn ako ung gumamit ng pera nagkataon na ako ung may kilala dun sa tumakbo, kya out of kahihiyan inako ko na pro napag isip-isip ko lng po e kelangan ko po ba pipilitin ung sarili ko mgbyad ng naaayon sa gusto nla o pde ko po ba i-insist ung 5k na kaya ko lng ibayad at kung pde dn sna e wala nang intetest dhil d nko mtatapos nun? Hindi ko na po kc tlga mhagilap ung friend ko na nagpahiram ng pera e

  6. dear atty. acosta,
    mayrron pong utang sa nanay ko ang mother ng kasalukuyang mayor ng aming bayan, mga 17 taon na po ang nakararaan…ang tanong ko po ay ganito: kung sakali po bang mamatay ang nanay namin, may karapatan po ba kami bilang anak na siningilin ang utang ni mrs. tecson?

  7. Dear Atty. acosta Gud day Poh! ang asawa ko po ay OFW at naisipan po nmin na magloan ng sasakyan at ginawa po nmin school service ang problema ko po ay may mga magulang n di nagbabayad 4 months npo. ang nakukuha ko sa school service ay tamang tama lang po na pangbayad ng sasakyan pangsahod sa driver at sa asst. at pang krudo po!
    pinagbigyan ko na nga po sila ng ilang buwan! ano po ba ang dapat kong gawin/

Leave a Reply

Your email address will not be published.