Natigil na pensyon sa SSS

Dear Atty. Acosta,

MAY TANONG AKO sa inyo tungkol sa naging SSS pension ng mga kapatid ko na natigil na rin po noong umabot na sila sa edad na 21 noong 2006. Nag-file po ang nanay ko ng petisyon na maipagpatuloy sa kanya ang pension ng mga kapatid ko dahil kasal naman po siya sa tatay ko kahit nahiwalay sila mula noong mga bata pa kami at nagkaroon ng bagong kinakasama ang nanay ko. Tama po ba ang SSS sa pag-deny nila sa petisyon ng nanay ko gayong kasal naman po siya sa tatay ko? Isa pa po, namatay naman na po ang kinakasama ng nanay ko noong 1999 pa na mas nauna pa po sa tatay ko na namatay noong 2000. May basehan po ba ang SSS sa pag-deny sa petisyon ng nanay ko dahilan sa nagkaroon siya ng kinakasama noon?

Leony

 

Dear Leony,

BATAY SA SINABI mong nagkaroon ng ibang kinakasama ang iyong ina, ang pagtanggi ng SSS na bigyan ng pension ang iyong ina sa kabila nang siya naman ang legal na asawa ng iyong ama ay tama at naayon sa batas. Ito ay sapagkat sila ay matagal nang hiwalay noong namatay ang iyong ama at mayroong kinasamang lalaki ang iyong ina habang nabubuhay pa ang iyong ama. Ang sinasaad ng batas patungkol sa kung sino ang may karapatang tumanggap ng benipisyo mula sa SSS ay nasusulat sa Section 8(k) ng R.A. 8282 o mas kilala bilang “Social Security Act of 1997”, ito ay ang mga sumusunod:

“Beneficiaries – The dependent spouse until he or she remarries, the dependent legitimate, legitimated or legally adopted, and illegitimate children, who shall be the primary beneficiaries, of the member: Provided, That the dependent illegitimate children shall be entitled to fifty percent (50%) of the share of the legitimate, legitimated or legally adopted children: Provided, further, That in the absence of the dependent legitimate, legitimated or legally adopted children, his/her dependent illegitimate children shall be entitled to one hundred percent (100%) of the benefits. In their absence, the dependent parents who shall be the secondary beneficiaries of the member. In the absence of all of the foregoing, any other person designated by the members of his/her secondary beneficiary.”

Ayon sa nasabing batas, ang asawang nabanggit ay dapat na naka-depende sa asawang miyembro para sa suporta, maging pinansyal man o ibang anyo ng suporta, upang mabuhay. Isa pa, bagama’t obligasyon ng mag-asawa ang magbigay ng suporta sa isa’t isa, hindi ito nangangahulugan o maaaring ipalagay na ang isa sa kanila ay naka-depende sa kanyang asawa upang mabigyan ng suporta dahil lamang sa sila ay kasal na. Kung ang isang miyembro ng SSS ay iniwan ng kanyang legal na asawa hanggang siya ay mamatay, ito ay nangangahulugan na hindi nakadepende sa kanya para sa suporta ang huli. Kung magkaganu’n, hindi kuwalipikado ang umalis na asawa para makatanggap ng benepisyo mula sa SSS sa sandaling mamatay na ang kanyang legal na asawa. Ito ang interpretasyon ng Supreme Court sa katagang “dependent spouse” na napapaloob sa nasabing batas sa kasong SSS vs Gloria delos Santos, G.R. No. 164790 na may petsang Agosto 29, 2008.

Ang iyong binanggit na ipagpapatuloy ng iyong ina ang pension na para sa mga kapatid mo na lagpas na sa edad na 21 ay hindi rin puwede sang-ayon sa batas. Ang nasabing pensyon ay personal sa taong tatanggap at hindi maaaring ipasa sa iba. Kung sumapit na sila sa edad na 21 taon pataas, sila ay hindi na kuwalipikado para makatanggap pa ng pension, maliban na lamang kung sila ay walang kakayanang maghanap-buhay dahil sila ay may kapansanan mula nang sila ay isilang o noong sila ay menor-de-edad pa. (Section 8(e)(2), RA 8282).

Atorni First
By Atty. Persida Acosta

Related Post

loading...

7 thoughts on “Natigil na pensyon sa SSS

  1. Atty. Tanong ko po. Ang nanay ko ay balo na.nung kami ay 4 at 7 years old kaming mga anak niya. At tumatanggap sya ng pension para sa amin hanggang 21 years old. Pero sa totoo lang atty. Di kami kelanman nakinabang sa pensioin nayun dahil pagkatapos mamatay ng ama namin madami na siyang nakarelasyon at pinabayaan kami sa poder ng aming mga lolo at lola. Ikinasal pa nga siya sa isa sa mga naging boyfriend niya kaya lang na annuled dahil kasal na pala yung lalaki. 13 years old palang kami naghahanap buhay na kami sa construction at may sarili na siyang pamilya. Sa twing humihingi kami dati sa kanya ng pera, itinutuod po samin. Bakit hanggang ngayon atty. Nakakatanggap parin sila ng pension na dapat ay matapod na o maputol na po dahil lagpas na kmi ng 21 years old. At ang pension na nakukuha niya ay pinang gagastus niya sa kinakasama niya.
    Hindi ba dapat pag may kinakasama na dapat maputol na ang pension ng namayapa naming tatay?
    Atty. Patulong naman po anu ang dapat naming gawing aksyon. May sarili siyang pamilya at sinasabi niya kahit di naman kami humihingi na wala daw kaming karapatan sa pension nayun dahil lagpas na kami 21 years old.. Hindi ba’t obligadsyon ng kanyang baging oamilya o asawa siya? 30 years niya napo yun pinakinabangan ng mga nakarelasyon niya hinfi saming magkapatid. Please advice niyo naman po kami. Maraming salamat po. Godbless

  2. atty.ang problema ko po ay may hipag ako nasa lebanon hanggang ngayon nung june 21 ,2011 namatay husband nya kapatid ko un namatay,at may 2 anak 11 at 8  andito sa akin tumira ayaw nila sa lola nila sumama sa akin ngayon pag magchat sila ng ina nila sa lebanon may lalaki na lumambing sa kanilang ina at gusto akipag usap sa mga bata ako naman ayokong makialam sa buhay ng kanilang ina pinabayaan ko sila magchat ako nga kumuha ng burial ng kapatid ko kasi ayaw umuwi ng asawa at ako lahat nag asikaso sa libing ng kapatid ko paano bayan atty. pwd ba makafile ng pension itong mga batang ito ako rin nag papa aral sa kanila……at may iba akong tanong pag ang magpension na anak aabot ng 21 kailangan paba niyang bumalik sss para mag close ng account sa bangko at record sa sss?salamat atty.

  3. Atty, ang problema k po ay ang asawa ko na siyang beneficiary ko sa S.S.S. sa ngayon po ay  tumatanggap na ako ng pension. puwede ko po bang ilipat sa kinakasama ko ang aking pension dahil sa ngayon po ay siyang nagaasikaso sa akin dahil po sa ako ay may karamdaman na. ang asawa ko po nga pala ay sumama sa ibang lalaki noong maliliit pa ang aming mga anak. 30 years na po siyang nakikisama sa kayang lalaki may 3 anak na sila at may mga apo na rin.kasal nga po pala kami ng dati kong asawa. Atty payuhan naman po ninyo ako kung ano mabuti kong gawin dahil ang pension ko lang ang aming inaasahan ng kinakasama ko,at kung sakaling mamatay ako ay ayaw kong makinabang sa pinaghirapan ko ang kaliwete kong asawa. Salamat po sa magiging payo ninyo atty.

  4. atorni tungkol po sa sss tanung ko maka claim ba ang isang asawa na dati kasal sa iba pero pero hiwalay na. ngayon may kinaksama sya na kasama na nya for more than 10 tears pero di sila kasal at namatay ito at ang beneficiary nya ay yung lalaki may dalawa silang anak paano po ba ang gagawin dito

Leave a Reply

Your email address will not be published.