Mon Confiado, bading na may topak!

MARAMING HINDI NANINIWALANG walang malalim na namamagitan ngayon kina Sam Milby at Anne Curtis. Pero, may nakapagsabi sa amin na mayroon na raw ibang boyfriend si Anne na hindi taga-showbiz. Lahat ng ka-showbiz-ang chika tungkol sa lovelife niya ay walang katotohanan.

Maaaring nagdududa pa rin ang marami sa ugnayan nina Sam at Anne ngayon sa dahilang iba ang mga ikinikilos nila at sinasabi. Mayroong kakaibang body language. Sila ‘yung tipong napaka-sexy ng projection among their contemporaries, without really trying. Ito ang nakikita naming magic ng kanilang tambalang susubukan ng Star Cinema sa pelikulang Babe, I Love You.

Inamin nina Sam at Anne na away-bati ang relasyon nila, maski ngayon. Naroroon pa rin ang ilang tampuhan, na ang kaibahan nga lang, mabilis na itong napa-patch up. Masasabi ngang nag-transcend na sa ibang level ang kanilang ugnayan, kaya puwedeng paniwalaan na ‘yung sinasabing wala na talaga sila. Pero naroroon pa rin ang caring, na mas maganda ang dating dahil napapahalagahan nila ang pagkakaibigan nila more than the struggles of staying in love with each other.

Magkasama sa isang proyekto sina Sam at Anne hindi para pasakayin ang fans sa kanilang mga kaeklatan na spice lang naman ng gustong mapaglaruan ng media at press sa kanila. More than anything, marami pa rin talaga ang nagkakagusto sa kanilang kumbinasyon, at ngayon ito masusubukan kahit nga sinasabi ng dalawa na hindi naman talaga sila nagkabalikan.

MARAMING tatalbugan si Mon Confiado sa gay portrayal niya sa mala-”Psycho” na indie film na Pilantik na idinirek ni Argel Joseph. Naroroon ang softness ng pagiging bading, pero ang puwersa ng isang may topak ay taglay ng persona ng kanyang acting style na ipinamalas doon.

Masasabing ito na ang panahong unti-unting napapansin ang attempts at efforts ng character actor. Sa pagdiriwang niya kamakailan ng kanyang kaarawan, nai-preview sa press ang Pilantik sa kanyang business establishment na 22nd Street sa Marcos Highway, Antipolo. Roon ay napag-usapan talaga ang malaking inasenso ng estado ni Mon bilang aktor.

Nagsimula rin ito nang tanggapin niya ang lead role sa Estasyon na idinirek ni Cesar Apolinario, na siyang nagdidirek ng Indak ng Rehas, tungkol sa YouTube sensation na dancing prison inmates sa Cebu. May English title itong “Dance of the Steel Bars” kung saan makakasama ni Mon ang Hollywood actor na si Patrick Bergin (nakatambal ni Julia Roberts sa Sleeping with the Enemy).

Sa Cinemalaya movies na Sigwa at Two Funerals, parehong may markadong roles si Mon.

Calm Ever
Archie de Calma

Previous articleGuesswhodoes: Bangs Garcia does the ‘Egyptian Princess’
Next articleParazzi Chikka: Jericho Rosales, nagpa-praktis nang maging reporter

No posts to display