Mga Dokumentong Dapat Mabasa Muna ng OFW

MADALAS MAPABALITA ang tinatawag na “contract substitution” o ang pagbago sa kontrata kaiba sa orihinal nito. Halimbawa, sa kontrata rito, ang dapat sahurin ng isang OFW ay $600 pero pagdating sa abroad ay nagiging $300. Para makasiguro, dumiretso ako sa POEA para i-check kung lisensiyado ang ahensiya na pinag-aplayan ko. Okey naman kaya’t binalikan ko ang ahensiya para isagawa ang mga dokumento. Ano naman po ba ang mga papeles na hawak ng ahensiya na maaari kong hilinging mabasa? — Leody ng Tuao, Cagayan

 

MAYROONG MASTER Employment Contract na maaari mong pagbasehan para hilingin ang rekord mo tungkol sa mga katungkulan o job description mo. Tungkulin ng ahensiya na bigyan ka ng kopya ng kontrata. Ito ang pinaka-importanteng dokumento.

Para naman sa mga marino o seafarer, kailangan ang mga sumusunod: (1) pangalan, katungkulan at suweldo ng marino; (2) tatlong kopya ng kontrata; (3) information sheet; (4) Seafarer’s Identification and Record Book; (5) Registration Certificate ng marino; at iba pang dokumento na maaaring hingin ng POEA.

Ang processing fee ay binabayaran sa POEA pagkatapos ng rehistro.

Ang manggagawa na na-recruit ng isang ahensiya ay dapat paalisin sa loob ng 60 araw matapos itong mabigyan ng overseas employment certificate. Ganito ang dapat mangyari sa land-based, o sea-based man ang worker.

 

LIBRENG PAYO! I-TEXT N’YO AT SASAGUTIN KO! PM <space> saklolaw <space> ang inyong katanungan at i-send sa 2948 (for Globe, Smart and Sun users). E-mail: omecandazo@yahoo.com. 

 

Ayuda sa OFW
By Ome Candazo

loading...

Leave a Reply

Your email address will not be published.