Mariel Rodriguez, baliw sa pag-ibig?!

OLA CHIKKA! NAIPALABAS na nga ang taped interview ni Mariel Rodriguez noong Sabado sa E-Live patungkol sa biglaang paglisan niya ng bansa. Martes nang lumipad papuntang India si Mariel kung saan sinabi niyang magbabakasyon lamang siya at walang tiyak na petsa kung kailan siya magbabalik.

Kaya naman kaliwa’t kanang intriga ang naglabasan at agad naman itong nilinaw ng kanyang manager na si Boy Abunda at kinumpirmang hindi pumunta dun ang host-actress upang magpakasal at hindi ito buntis. Ang tanging sinabi na lamang ni Mariel ay abangan ang one-on-one niyang interview sa E-Live.

Ilang araw ring naghintay ang mga echoserang chismosa ng bansa at hinintay nga ang E-Live upang mabigyang-linaw ang pag-alis ni Mariel. Ngunit mukhang nabigo ang mga ito dahil wala namang bago sa mga sinabi niya.

Kasama nga niya ang kanyang boyfriend na si Robin Padilla sa India pero bakit kailangan pa niyang patagaling sabihin eh, it’s not a big deal naman dahil alam na naman ng madlang pipol ‘yun.

Ano siya nagpapa-controversial? Hindi rin daw siya buntis at hindi rin magpapakasal gaya ng sinabi ng kanyang manager. Naroon lamang daw siya upang magbakasyon at magpakasaya. Ngayon lamang daw siya gumawa ng desisyon para sa sarili niya kaya wala siyang pinagsisisihan.

Mukha namang masayang-masaya si Mariel at mahal na mahal si Binoe, kaya nga walang kibot at agad lumipad sa India sa kabila ng mga intrigang alam niyang ibabato at makakasira sa kanya. Oh, pag-ibig nga naman!

Hayaan na lamang natin sila dahil kasiyahan na nila ‘yan at anuman ang consequences ng kanilang mga ginagawa ay sila na ang mamomoblema. Lahat naman ng tao nababaliw sa pag-ibig eh, kanya-kanyang oras lang ‘yan.

In the first place lahat naman tayo, may karapatang sumaya. Kung ‘yung ex-jowa nga niya, dedma na lang, dapat tayo rin. Pak!

MAWAWALA NA NGA nang tuluyan sa ere ng Dos itong Simply KC sa August 27, 2010 dahil una pa lamang daw ay isang season lang talaga ang nakaplanong takbo ng morning show, kaya hindi na dapat lagyan ng kung anu-anong isyu ito. Isa pa, masyado raw nakakain ang oras ng host nitong si KC Concepcion.

Ngunit iba naman ang sinasabing dahilan ng nakararami, dahil bagsak daw sa rating itong show ni KC at kahit gaano pa raw kaganda ang production, tila kulang pa rin daw sa appeal sa mga manonood.

Daig ko pa ang manghuhula dahil unang ere pa lang ng programa ay nasabi ko nang hindi magtatagal at kahit ni minsan ay hindi ko natapos ang buong show nila dahil wala talagang appeal.

Masyado pang bata si KC para mag-host ng ganu’ng programa, kaya hindi nakapagtatakang hindi ito magtagal. Sabihin mo mang isang season lang talaga ang morning show na ito, ngunit kung pumapalo sa rating ay ie-extend talaga ito ng management kahit umabot ng ilang seasons pa ‘yan. ‘Di ba?

BLIND ITEM: PITIK-BULAG! Mahulaan n’yo kaya itong male singer na kamakailan lamang ay naispatan sa isang spa sa Makati na may kakaibang dahilan kung bakit naroon?

Akala namin noong una, naroon lamang upang mag-relax dahil nga naman sa stress sa showbiz. Mag-isa siyang dumating doon at nagulat na lang kami ng sabihin ng jowa ng aming parazzi girl na nag-sight-seeing itong si male singer.

Tama!! Pinapanood ang mga ibon na nagliliparan sa sauna area. Taray, ‘noh!

Nakakapag-refresh ka na, nag-e-enjoy ka pa! Winner talaga itong singer na ito! Sino siya? Mapapanood siya tuwing tanghali… Malamang! Ha-ha-ha!

Kung hindi n’yo pa rin mahulaan ay alamin sa aking programa sa DWSS 1494 kHz weekdays from 11:30-12 nn, kaya makigulo at maging una sa chikka, kasama ang aking mga parazzi girls na sina Lady Camille, Lady Ghaga and Lady Khianna. At patuloy pa rin po akong subaybayan sa DZRH TV tuwing Linggo mula 2:30-3:30 p.m. Thank you very much and God Bless us all!

Ooola Chika
E-mail: [email protected]
by Tita Swarding

Previous articleKris Aquino, nagpaganda nang husto sa paghaharap nila ni James Yap sa korte
Next articlePinoy Parazzi Vol. III Issue #154: August 23-24, 2010

No posts to display