Maricar Reyes, gustong pakasalan ni Richard Poon!

NGAYONG OUT IN the open naman ang Big Band Crooner na si Richard Poon sa pagsasabi ng pagmamahal niya sa nililigawang si Maricar Reyes, maging out in the open na rin kaya ang kinagigiliwan sa role niya sa Imortal na si Maricar?

Nang humarap recently si Richard sa entertainment press (para sa nalalapit niyang concert sa November 12 sa PICC Plenary Hall kasama ang 25-piece orchestra), ang nasabing isyu ang hinimay ng press sa binata.

Kinuha ni Richard si Maricar para lumabas sa MTV ng kanyang ni-revive na kantang You and I pero bago ‘yun, nasumpungan na nito si Maricar sa I Love Betty La Fea and he was readily smitten by her charms. Akala nga raw niya nu’ng una, Taiwanese superstar ito. Pero nag-dialogue in Tagalog si Maricar. At hindi na niya nakalimutan ang mukha nito.

The universe conspired. Nangyari na magkasama nga sila. At ang nagsimula sa pagpapalitan ng mga text messages eh, humantong na sa minsan-minsan nilang paglabas-labas.

Sinabi rin ni Richard na kung sakaling sagutin siya ni Maricar, hindi malayong ito na ang babaeng pakasalan niya.

Eh, saan ka naman daw nakakita ng babaeng ang sarap kausapin about anything and everything under the sun.

At sinabi naman daw sa kanya ni Maricar na Richard’s the person who can get through her walls. Pareho nga raw silang private people. And all Richard wanted to do is to protect her and be there for her.

Kung walang trabaho si Maricar on November 12, for sure, special guest ito ni Richard para manood sa kanyang “The Crooner” concert. Pero ang sasama kay Richard onstage sa gabi’ng ‘yon eh, sina Sam Milby, Pokwang at si Ms. Lea Salonga.

Natutuwa si Richard na kahit nu’ng simula, ang feeling niya eh, parang sa matandang generation lang siya nagke-cater. This time, marami na rin daw nakaka-appreciate ng mga old standards sa mga inaawit niya.

The biggest compliment he received?

“The comments I get from the fans who buy my albums and who watch the shows I do. And ‘yung isang hindi ko makalimutan na comment was ‘You made me love the songs I used to hate!’ Iba’ng dating nu’n.”

Ang tanong namin kay Richard eh, kung mahihikayat kaya niya si Maricar na makipag-tsikahan na finally sa entertainment press?

Challenge namin ‘yun sa kanya!

HAYDEN KHO FINALLY admitted na he and Vicki Belo are very much together now.

At sa mga salita ni Hayden, sinasabi nitong dinaraanan na niya ang maraming pagbabago sa mga sandaling ito. Kaya kung sa langit o impiyerno siya pupunta if ever, alam daw niya na sa langit pa rin ang tungo niya.

Kung maga-grant nga ang wish niya, sana nga sa pagsapit ng Pasko magkaroon ng katuparan ang pagnanais nito to make amends with the everyone he has wronged. Alam daw niya na hindi ito ganoon kadali. At baka nga wala nang pagkakataong maisaayos pa ang lahat ng naapektuhan sa nangyari sa kanya.

Kung noon, punumpuno raw siya ng galit sa bumiktima sa kanya sa nasabing pangyayari, ngayon daw eh, he’s taking full responsibility sa anumang pinagdaanan niya.

Isang stigma na mahirap ngang mabura ang inihatid sa kanya ng sex video scandal na itinapon sa kanya. And what Hayden would want to say is, “Life throws you lemons, so do something about it.”

Sa mga pahayag ni Hayden, simply put – nahanap na rin nito ang babaeng gusto niyang makasama na sa mahabang panahon na si Dra. Vicki nga. Ayaw man o gusto ng mga anak nito, particularly Direk Quark Henares.

The Pillar
by Pilar Mateo

Previous articleAngel’s hot dance
Next articleWillie Revillame, binulabog na ang TV Patrol?!

No posts to display