Marian Rivera’s topless scenes in epicserye Amaya, to watch out for

ANG HUBAD NA katawan ni Marian Rivera ang dapat abangan sa pagpapalabas ng Amaya ang pinakamalaki, pinakamagastos na epicserye ng Kapuso Network. Noong una raw, atubiling mag-topless si Marian sa kanyang primetime soap, pero nang masabi rito kung bakit niya kailangang mag-topless, kaaagad namang ginawa ito ng prized possession ng GMA-7.

Kung ilang beses daw na makikitang topless si Marian sa Amaya kaya naman marami ang nagsasabi na sa pagpayag na ito ng dalaga, baka mapapayag na rin itong mag-pose via cover ng FHM nang daring at sexy.

Makakasama ni Marian sa Amaya ang award-winning actor na si Sid Lucero at Mikael Daez bilang mga leadingmen nito at sina Rochelle Pangilinan, Mia Pangyarihan, Glaiza de Castro, Bayang Barrios, at iba pa.

LIMANG KALALAKIHAN ANG nakatakdang ipakilala ng TV5 via remake at pagsasatelebisyon ng blockbuster Movie noong dekada ’80, ang Bagets, na mapapanood na sa May 15. Sila ay sina Aki Torio na miyembro ng sikat na P-Pop group na XLR8, Rico dela Paz, Josh Padilla na anak ng mang-aawit na sumikat noong 80s na si Gino Padilla, AJ Muhlach, isa ring miyembro ng XLR8 at nakababatang kapatid ni Aga Muhlach at Johan Lourens.

Samantala, bumubuo naman ng Bagets Girls sina Nadine Lustre na miyembro ng Pop-Girls, Eula Caballero ang grand winner ng artista search ng TV5, ang Star Factor, Meg Imperial at Shy na isa ring miyembro ng Pop-Girls.

NAGING ISANG MALAKING tagumpay ang CD launching ng tinaguriang Canada’s Little Girl with a Big Voice/ YTV’s Karaoke Star Jr. Finalist na si Geena Geneza, entitled “Geena Geneza: A Life Story” under Ecclesiastes Entertainment na pag-aari ng international singer/ actor/ producer na si Ramil Omosura.

Ginanap ang nasabing album launch sa Bonsor Recreation Complex, Vancouver, Canada at naging espesyal na panauhin niya ang kanyang kaibigan at isa ring international recording artist na si Ethel Amistad.

Samantala, nakatakdang magkaroon ng isang CD album release/ concert si Geena sa June 25, 2011, 6pm sa John Oliver Auditorium, Vancouver, Canada kung saan magiging espesyal nitong panauhin sina Vancouver, Canada’s Teen Sweetheart Ethel Amistad, Making The Band, Ikah and The Pop Vocalistas.

AMINADO ANG YOUNG actor at isa sa leadingman ng Blusang Itim na si Carl Guevarra na malaki ang takot niya kay Robin Padilla, kaya naman ‘di nito alam kung liligawan ang magandang anak ng Philippine Bad Boy na si Kylie Padilla.

Pero ng sabihin ni Kylie sa presscon ng serye na ‘wag matakot si Carl  kay Robin, nabuhayan ang binata at sinabing bahala na raw kung ano ang kahinatnan ng pagsasama nila ni Kylie sa serye,  kung  hahantong ba sila sa ligawan o mananatiling magkaibigan na lang. Dahil sa presscon at pictorial pa lang daw sila nagkakasama ng dalaga at hindi pa masyadong nagkakakilala.

Pero very honest naman si Carl sa pagsasabing maganda at mabait si Kylie, kaya hindi malabong magkagusto sa kanya ang mga lalaki.

John’s Point
by John Fontanilla

Previous articleAfter their Twitter break-up: Rhian Ramos will sue Mo Twister?!
Next articleMelai Cantiveros does the ‘Patanggal Po’

No posts to display