Maka-papel lang kay Manny Pacquiao Lito Camo, nandadamay ng ibang tao!

NAKU, ‘DAY! MAY panibagong kaaway na naman ba ako?

Kasi naman, bakit ako ang dinadamay diyan sa paglalabas ng mga litrato ng binyag ng sinasabing anak daw ni Manny Pacquiao sa ibang babae.

Napanood n’yo naman siguro sa Showbiz Central ‘yung interview du’n sa babaeng naanakan daw ni Manny at pinabinyagan nu’ng September 17.

Pinabulaanan nu’ng babaeng ‘yun, na Kay Ordoñez ang name, ang balitang si Manny ang ama. Ninong lang daw si Manny sa binyagang ‘yun dahil dating assistant daw ng ating Pambansang Kamao ang tatay nu’ng bata.

Nagulat na lang ako nang tinawagan ako ni Redgie Magno at tinanong kung totoong may hawak daw ako ng birth certificate nu’ng bata at sa akin daw nanggaling ‘yung mga litratong lumabas sa diyaryo.

Ang nagsumbong daw kay Manny na sa akin ‘yung mga ‘yun, itong si Lito Camo na isa yata sa nakikisipsip kay Manny.

Nakakaloka! Paano naman ako magkaroon nu’n? At bakit ako naman ang itinuturo ni Lito? Gaano siya ka-sure na sa akin nga ‘yun?

Nililigaw lang ba niya ang isyu dahil nandu’n siya sa binyagan? Baka mamaya siya pa ang pagbintangan na nagkalat ng litrato, ako ang tinuturo ngayon.

Nalaman ko na lang bandang huli na sinasabi raw nitong Lito na inutusan daw ako ni Willie Revillame na siraan si Manny dahil magkatapat sila ng programa, ang Wil Time Bigtime at ang Manny, Many Prizes ni Pacman.

Ganu’n kababaw? Bakit ko naman gagawin ‘yun? Bakit naman ako magpapagamit kay Willie kung sakali? Ang sa akin lang naman makaharbat, tapos na!

Kung totoong ako nga ang may hawak nu’ng mga litratong ‘yun at ang birth certificate ng bata, bakit ko pa idadaan sa diyaryo.

Eh, ‘di binenta ko na lang kay Manny o kay Jinkee para makaharbat na ako ng Hermes bag!

Pero hindi ko gagawin ‘yun kasi mabait sa akin ang mag-asawa at wala akong galit kay Manny.

Bakit ko naman gagawin ‘yun?

Itong si Lito, nandadamay ng ibang tao para lang maka-papel kay Manny, ha!

Tingin ko diyan, naiingit sa closeness ng mga alaga kong sina Paolo Contis at Benjie Paras kay Manny kaya ako ang tinira dahil ako nga ang manager.

Ano ang pakialam ko sa gulong iyan?

Idinamay pa nito si Willie na hindi man lang niya naisip na may utang na loob din siya sa TV host na ito.

Nakakadiri, ha! Bakit nadamay na naman ako sa intrigang iyan?

Siguro hintayin na lang natin ang statement ni Manny kaugnay rito at abangan na lang natin si Jinkee kung totoong hindi na raw siya tutuloy sa Amerika para sumuporta sa asawa niya.

Bakit ba tuwing may laban si Manny, lagi na lang may lumalabas na ganu’ng intriga?

Sana maging masaya na lang tayo at heto nga makikipaglaban na naman para sa ating bansa.

Hay, naku!

Mga Mata ni Lolita
by Lolit Solis

Previous articleJohn Lloyd Cruz, may kakaibang gagawin sa pelikula nila ni Angel Locsin?
Next articleNora Aunor, napaluha sa natanggap na award!

No posts to display