Maja Salvador, pilit na inilalaglag!

MASUWERTE PA RIN talaga si Maja Salvador, dahil ilang kontrobersiya na ang kanyang dinaanan at nalampasan niya iyon nang bonggang-bongga. Kung tutuusin, muntik na ring gumewang ang kanyang kasikatan, dahil nakasisira sa kanyang image bilang wholesome na movie actress ang mga ibinatong intriga sa kanya, noon hanggang ngayon. Na-lampasan niya ang umano’y pagiging maldita niya. Nasa loob daw ang kulo ni Maja at put-on lang ang kanyang kabaitan.

Napatunayan naming sa personal ay mabait at hindi maldita si Maja. Nasundan naman iyan ng pagta-taray ng kamag-anak ng kanyang tatay na si Deborah Sun, na siyempre pa’y hindi pa niya lubos na nakikilala, pero Tita niya sa totoong buhay. Nasusupladahan daw at napaplastikan si Deborah kay Maja. Kaya nagplano si Maja na magkaharap at pormal silang maipakilala at magkausap ng magaling na character actress. Tama lang na magpakumbaba si Maja, dahil tsikadora sa showbiz si Deborah, na maraming kaibigan at talagang walang preno ang bibig kapag gustong magtaray.

Nitong huli, biktima si Maja ng mga paninira, na diumano’y sinusulot niya si Direk Paul Soriano kay Toni Gonzaga. Si Soriano kasi ang director ni Maja sa pelikulang Thelma kaya nagkasama sila sa pro-ject. Guwapo si Direk, at may lumabas na tsismis, na ipinagkakalat daw ni Maja na nagpaparamdam ng ligaw sa kanya si Direk Paul. Mabuti na lang, hindi nagpaapekto si Toni sa nasabing tsismis, at walang komprontahan na nangyari sa kanila ni Maja. Para tuloy mayroong pakawala para ilaglag si Maja, dahil lagi na lang siyang sinisiraan, huh!

 

NAPAKAHABA NA TALAGA ng hair ni Angelica Panganiban dahil uma-bot na ng five years ang relationship nila ni Derek Ramsay. Kaya talagang hindi pupuwedeng kuwestiyunin kung bakit laging nakahanda si Angelica na ipaglaban ang kanilang relasyon sa tuwing mayroong mga nagtatangkang mapaghiwalay silang dalawa. May kakaibang tapang si Angelica na lumaban, dahil binibigyan siya ni Derek ng karapatan.

Kahit kailan, hindi iniwan ni Derek si Angelica sa laban. Nangyayari na hindi nagsasalita si Derek kapag mayroong delikadong isyu, bagkus ay si Angelica lang ang nagsasalita. Kasi nga, alam niya ang kanyang ipinaglalaban. Kung nagkaroon man ng konting gusot tungkol sa naunang  pagpapa-kasal ni Derek sa ibang babae, si Derek at ang katapatan ng actor sa kanya ang matibay na pinanghahawakan ng magandang aktres para maging matibay pa rin ang kanilang relasyon.

Kakaibang babae si Angelica para kay Derek. Wala pa raw babaeng nag-alaga sa kanya katulad kung papaano siya sobrang inalagaan ni Angelica sa maraming pagkakataon ng kanyang buhay magmula nang maging mag-on sila.  Pakiramdam daw ng guwapong aktor, napakasuwerte niyang lalaki dahil ang katulad ni Angelica ang babaeng dumating sa kanyang lovelife ngayon.

Sobrang masaya rin si Derek tungkol sa balitang isang batang babae na dinadakila ngayon, ang nagwi-wish na makita nang perso-nal si Angelica. Ito ‘yung bata na sa kasagsagan ng malakas na bagyo sa isang malayong probinsiya, sa halip na bitbitin ang kung anu-anong mga gamit sa bahay, nang lumusong daw sa baha, ay ang watawat ng Pilipinas ang sinagip at dala-dala. Kaya pati raw si Pangulong Noynoy Aquino ay humanga sa pagiging makabayan ng nasabing bata.

 

ChorBA!
by Melchor Bautista

loading...

13 thoughts on “Maja Salvador, pilit na inilalaglag!

  1. ewan ko sa mga tao. Mabilis mag Judge. Di ako nagtataka kung bakit itinagi ni Maja at Matteo ang relasyon nila. Kahit naman anong gawin ng mga artista laging may nigatibong tanggap mula sa madla.

  2. Sana iwanan na ni Toni Gonzaga si Paul Soriano. Paul does not respect Toni. Why does he allow himself to be linked to Maja Salvador ? Look at their pictures, why does he act sweet towards Maja as if he is the LEADING MAN in the movie? And he does not give Jason Abalos , that same exposure, when he is the true leading man? Toni deserves a better man. Toni should wake up now. 

  3. maja c a gud actress no doubt about it ,bkit dp ny amin ang tungkol s knila ni matteo s gingawa ny iwas sgot kung cl nga eh tlgng puro nega ang mgging dting ny,,,,hay nku maja kung ako syo c coco martin n lng mging bf mo……

  4. SI MAJA A.K.A. “WALANJO” —-AS IN WALANG JOGA……….HAHAHA………..ANO BA ANG ISYU? NAGPALAGLAG BA? SINO AMA? GRABE NAMAN

  5. Bakit ba pilit na nilalaglag si Maja? sabagay ganyan kapag sikat, ginagwan talaga ng kahit na anong isyu… mga insekyora talaga kau!!!

  6. sya pala ang certified maldita na lagi na ba blind item ng jiucy na pinangungunahan nila tta fr lucy fermin@ shalala,mo twister,alex gonzaga!Ic mendoza mas maldita pa pla tong batang to eh si marian hindi totoong maldu=ita sinisiraanlang sya!

  7. i love maja..alam ko natural lang talaga sa kanya ang pagiging makulet at friendly kaya minsan misunderstood siya lalo na ang pagiging malapit niya s mga lalaki….down to earth kasi siya at madaling pakisamahan kaya mabilis sa kanya mapalapit ang mga nakakasama niya sa trabaho yun nga lang may mga pilit na umiintriga sa kanya at binibigyan minsan ng malisya….

  8. sana tularan ng mga pulitiko natin ang batang ito, baka kc pag sa pulitiko ito nangyari sigurado akong unang bitbitin nila ay ang kayaman nila, kagaya ngayon sila sila muna ang nauuna sa pagkuha sa pera ng bansa bago ito ipamahagi sa proyekto nila

Leave a Reply

Your email address will not be published.