Maja Salvador, break na sa ‘di inaming BF!

BREAK NA PALA si Maja Salvador sa kanyang non-showbiz boyfriend na si Rambo Nuñez.

Hindi rin daw nagtagal ang relasyon ng dalawa at nauwi rin sa hiwalayan. Hindi naman sinabi ng aming source kung sino ang nakipaghiwalay at kung ano ang naging dahilan ng kanilang paghihiwalay. Ang kumpirmasyon lang niya, wala na talaga ang magdyowa.

Anyway, baka ang busy schedule ni Maja ang dahilan. Baka nawalan ng time ang dalaga sa kanyang boyfriend lalo pa’t wala nang pahinga ang dalaga dahil sa kanyang sunud-sunod na proyekto sa Dos.

Teka, hindi pa umaamin si Maja na naging dyowa niya si Rambo, kaya malamang ay hindi rin niya aaminin na naghiwalay na sila.

Bago?

Anyway, kami ang unang nagbalita na may non-showbiz boyfriend si Maja na si Rambo nga.

BLIND ITEM: NAKAKATAWA ang isang sikat na young and sexy actress na ito.

May despedida party kasi ang hitad dahil isang buwan siyang mawawala. Non-showbiz friends ang kasama ng aktres sa kanyang despedida party sa isang sosyal na resto sa Makati. Wala ang hunk boyfriend ng aktres at merong ilang celebrity friends na dumalo.

Anyway, matapos sa isang resto ay nagpalit ang grupo ng aktres ng venue. Pumunta sila sa isa pang resto na malapit din sa kanilang pinanggalingan. Siyempre, sosyal din ang resto.

‘Eto na ang tsika. Nang umalis sila sa unang resto ay hindi nagalaw ng aktres ang isang bote ng alak. Ang ginawa ng aktres ay sinabihan ang kasama niya na ilagay ito sa bag niya at saka binitbit sa next restaurant na kanilang pinuntahan.

Nang nasa second resto na sila, nagulat ang waiter dahil nanghingi ng isang ice bucket ang kasama ng aktres. Siyempre, nag-namedrop ang friend ng aktres at sinabing request ito ng sexy celebrity na kasama nila.

Ayun pala, na-discover na lang ng waiter na ang ice bucket pala ay para sa alak na dala ng grupo ng aktres na umiiwas yatang bayaran ang corkage.

Wala nang clue kasi madali lang namang hulaan kung sino ang aktres na nagbabakasyon ngayon kasama ang kanyang boyfriend. Kung hindi n’yo mahulaan, tiyak na tatarayan kayo ng kaaway ng aktres na mala-Greta Garbo ang dating ng beauty.

BONGGA ANG EURASIA, ang bagong all-female group ng Viva Artists Agency na nag-launch recently ng kanilang self-titled album.

Sosyalerang sexy beauties na may dugong banyaga ang bumubuo sa Eurasia tulad ng Fil-Japanese na si Kristine Nieto (first runner-up sa Be Bench search); Fil-German na si Lana Roi (na pageant winner sa pakontes ng Century Tuna); Fil-Italian na si Sara Polverino (na kasama dati sa Ang TV); Fil-British na si Kelly Anne Gamboa; at ang tanging Pinay na Pinay na si Gail Nicolas (2007 Mosimmo Bikini Summit grand champion).

Ang mind you, class talaga ang booking ng Eurasia. May series of shows sila sa Europe this month at next month naman ay sa Asia sila hahataw ng performance. Regular sila every Tuesday, Friday at Saturday sa sosyal na Resorts World Manila.

Lex Chika
by Alex Valentine Brosas

Previous articleClaudine Barretto, bad trip pa rin kay Gretchen
Next articleLuke, who’s cool?! (Luke Mijares)

No posts to display