Magkaroon lang ng blockbuster movie Enchong Dee, willing maghubad!

BILANG ARTISTA, NANGANGARAP rin si Enchong Dee na makagawa ng indie film, kahit alam niyang barya-barya lang ang TF na ibabayad sa kanya pero napag-uukulan ng pansin sa international market.

“Kasi, kakaibang experience ‘yung indie film. Unang-una, marami kang matututunan. Pangalawa, it’s a different environment. Pangatlo, ‘yung mga bagong filmmakers natin na sobrang passionate. Mayroon kasi silang drive na sila lang ang makakagawa so, I want to work with them,” say ni Enchong, ang bagong endorser ng Nutrilite.

Inamin ni Enchong na ready na siya to do sexy role at magpakita ng butt. “Kung magiging box-office naman, ready ako! Pangarap ko rin naman magkaroon ng box-office. ‘Yung ‘No Other Woman’ na-break ang record of ‘You Change My Life’. Kung bibigyan ako ng pagkakataon na alam ko namang ganoon kaganda ‘yung project, game ako! May naisip na nga ako na gusto kong i-suggest sa kanila na kung papaano ako magbe-venture into sexy role, kaya lang siguro bibigyan pa muna nila ako ng pagkakataon. Sana… kasi, hanggang kailan tayo magiging bata, ‘di ba? Hanggang kailan ba tayo puwedeng maghubad nang ganito ?” Diretsong sabi ng aktor na hindi umiinom ng alak at hindi naninigarilyo. Clean living, ‘ika nga.

Pinantasya pala ni Enchong na maka-love scene si Anne Curtis. “Aside kay Anne, someone older para kakaiba naman, parang ‘yung ‘The Rebound’ ‘yung kay Catherine Zeta-Jones. Parang ganoon, maganda ang istorya at the sametime hindi siya super sexy. Wish ko, one day magkaroon ako ng ganu’ng klaseng pelikula with Gretchen Barretto.”

As a person, likas kay Enchong ang pagiging mabait at totoo sa sarili. Willing ba siyang gumawa ng indie film na opposite sa image na pino-portray niya sa telebisyon at pelikula? Malaking challenge ‘yun para sa kanya as an actor. Tinanong din namin ang binata kung sino ngayon ang sinasabi niyang inspiration. “Huwag muna ngayon, basta ang masasabi ko masaya ako ngayon, not necessarily you have your girl and having a relationship. Basta ‘yung inspirasyon na uuwi kang masaya ka. ‘Yung mga ganu’n,” turan niya.

Si Julia Montes kaya ang tinutukoy niyang nagpapasaya ngayon sa Tsinitong aktor? “Hindi ko masasabi kung siya, eh. Close kami, we’re happy, hindi lang kami nagkikita for awhile. Siguro kapag eighteen na siya… sinabi ko naman sa kanya, crush ko siya.”

Kung sakaling dumating ang time na maging sila ni Julia, first girlfriend ni Enchong ang dalaga sa showbiz . Ikinuwento rin ng aktor na naka-dalawang girlfriend na siya. “One sa swimming, one nu’ng college. Siguro kung dati natuloy (Julia), mahaba-haba na ngayon, bata pa siya. Wala pa naman, kapag mayroon na, we’re open naman,” pahayag niya.

Minsan nasabi ni Enchong na gusto muna niyang magdalaga si Julia bago nito ligawan. “Crush, there’s admiration hindi mo naman maaano ‘yun, ‘di ba?”

Kinamusta din namin siya kung anong relationship mayroon sila ni Erich Gonzales? “Kaibigan lang talaga ‘yung kay Erich. Noong start, mayroon naman siyempre, hindi mo maiaalis ‘yun. Pero along the way, kailangan mong iangat ‘yung professionalism. Hindi naman sa nawala, mas gusto lang naming magtrabaho.”

Hindi kaya maraming na-discover si Enchong kay Erich kaya nawala ang feeling nito sa dalaga? “Hindi naman siguro ideal, pero mas na-build-up ‘yung magkapatid or pagiging magkaibigan. Someone you can trust, someone you can lean on.”

Birthday pala ni Enchong Dee this coming November 5, anong wish niya? “Wish ko talaga mag-skydive pero hindi ko alam kung matutuloy. Kasi, once in a lifetime experience ‘yun. Kapag hindi ako pinayagan ng mga tao sa paligid ko, siguro ‘yung sa Subic, langoy with the dolphin,” aniya.

AYAW Paawat!
by Eddie Littlefield

Previous articleSey ni Annabelle Rama kay Nadia Montenegro: May You Rest in Peace!
Next articleNagwawala sa Twitter: Mga fans ni Sarah Geronimo,ayaw magpatalo kay Cristine Reyes!

No posts to display