Magkapatid na celebrity, nag-aaway dahil sa pera!

ALAM NAMAN natin na ‘pag magkapatid na ang nag-away, ‘wag kang kumampi kahit kanino sa kanila, dahil magkapatid nga ‘yan, magkakaayos din ang mga ‘yan.

‘Pag me kinampihan ka, sigurado, ‘pag nagkabati ang mga ‘yan, galit naman sa ‘yo ‘yung isa.

Kaya hangad namin na sana ay magkaayos na ang magkapatid na ito na parehong aktibo sa showbiz.

Nabubuwisit kasi itong si Bunso ke Panganay, dahil hanggang ngayon, ‘yung P1.8M na utang sa kanya ni Panganay ay hanggang ngayon, hindi pa siya nababayaran.

Ang masaklap pa du’n, nagmamalaki pa raw si Panganay, kaya sa buwisit ni Bunso, kung anu-ano na ang itinatawag sa Panganay. At sasabihin naman ni Panganay sa kanya, “Bahala na ang Diyos sa ‘yo.”

Eh, nabubuwisit lalo si Bunso, dahil kung me Diyos sa puso ni Panganay, ba’t kailangang gumawa nito ng mga bagay na labag sa mata ng Diyos?

Gaya ng ano?

Una, hinding-hindi makalimutan ni Bunso na “ineksenahan” ni Panganay ang kanyang syota eh, alam naman nitong syota niya ‘yon.

Pero kapatid eh. Anuman ang mangyari, magkakapatawaran ‘yan. Ang kaso mo, ‘yung hiniram sa kanya nitong P1.8M, hindi pa ibinabalik ni Panganay.

Hindi naman sa nangangailangan si Bunso, ang punto lang nito, “Utang ‘yon, dapat, bayaran niya!”

Eh, ‘pag tinopak pa naman si Bunso, nagwawala ito at kung anu-anong masasakit na salita na ang ibinubuka ng bibig nito, kaya sa sobrang galit, tineks nito ang current syota ni Panganay.

Something like, iwasan na si Panganay at baka bigyan siya nito ng sakit, dahil kung kani-kanino nali-link si Panganay.

Banta pa ni Bunso, “’Pag hindi pa niya tinigilan ang kaplastikan niya at hindi pa niya ‘ko binayaran, makakatikim siya sa akin at wala akong pakialam kung mas matanda pa siya sa ‘kin!”

Hay, nako… ammm… makapagbanyo nga muna’t bigla kaming naihi!

(By Ogie Diaz)

Previous article100 Minimum na Kotong!
Next articleWinner ng reality show, suplado!

No posts to display