Lovi Poe, dumadaan sa condo unit ni Jake Cuenca!

NAKAUSAP NG ILANG TV crew si Lovi Poe noong Sabado para sa kanyang FHM autograph signing at dito nilinaw niya ang tungkol sa isyung natulala at nagulat daw ang mama niya sa sobrang pa-laban niyang eksena kasama si Jake Cuenca sa My Neighbor’s Wife.

“Noong nagsigawan na ang mga tao dahil nga sa maselang eksena namin ni Jake, lumi-ngon ako sa kanya at nag-smile sabay sabing sorry po,” naka-ngiting paliwanag ni Lovi.

Pero hindi naman daw siya sinita nito na ganu’n siya ka-daring sa kanyang mga eksena. Dagdag pa ni Lovi, hindi naman daw porke’t nagpaka-daring na siya, tuluy-tuloy na ang pagtanggap niya ng mga sexy roles.

Nilinaw naman namin kay Lovi ang isyung may nakakita raw sa kanyang inuumaga sa condo ni Jake. Medyo nagulat ngunit mahinahon naman niyang ipinaliwanag na, “’Yun nga, may lumabas daw na ganu’ng isyu. Pero ang totoo po niyan, medyo magkalapit ang condo namin ni Jake, kaya siguro napaghinalaan nila akong galing sa condo niya. Hindi po ako natutulog sa condo niya, baka namataan lang nila ako sa vicinity kaya ganu’n na siguro ang iniisip nila.”

Hayun naman pala eh, napadaan lang siya at magkalapit lang ang kanilang condominium. By the way, congrats kay Lovi sa magandang review ng kanyang performance sa My Neighbor’s Wife. Congrats na din kina Direk Jun Lana na siya ring nagsulat ng pelikula at sa Executive Producer namin sa Juicy Express na na si Omar Sortijas na siyang Assistant Director ng movie.

BLIND ITEM: KINSA siya? May lumapit sa amin na isang staff ng isang malaking network na nanggagalaiti dahil hindi raw matanggap ng produksyon ng kanyang istasyon ang asta ng isang beteranang brodkaster.

“Ateh ba naman, mantakin mo, nag-shopping siya sa ibang bansa, an’daming mga damit, dolyares ang payment nito, ha? Tapos noong umuwi na siya, tuwing gagamitin niya ang mga damit na binili niya, pinababayaran niya ito sa Production Manager (PM). Hindi pa niya tinatanggal ang mga tag price nito.”

Naloka raw talaga ang PM ng kanilang show dahil ang mamahal daw ng mga ito. Out of budget na nga ang kanilang show, dagdagan mo pa ng expenses na sky is the limit. Hala, puwede pala ‘yun? Ay naku, basta beterana na siya.

NAKAKATUWA NA KAHAPON ng madaling-araw, may lumapit sa amin sa may rooftop ng TV5, kung saan ito na rin ang nagsisilbing editing suites ng istasyon. Nakangiti ito at bati sa amin ay ‘Good morning sir’.

Medyo hindi namin siya namukhaan dahil siguro sa puyat at pagod mula sa shoot at editing ng segments ng Paparazzi Showbiz Exposed, at nang malapitan na, si Kirby Cristobal pala! Naalala ko nang siya ang isa sa mga news reader ng Radyo Singko, 92.3 News FM during station breaks.

“Roving reporter na po ako ngayon sir, pero gabi ang shift ko. QC east ang beat ko kaya umiikot kami tuwing gabi para maghanap ng balita.”

Napapansin naming napakasaya ni Kirby sa kanyang bagong trabaho. Si Kirby ay anak ng dating stuntman sa pelikula to which his father’s name escapes my memory (sorry naman po, tao lang.)

Congratulations Kirby at wish niya na mabasa ang pangalan niya rito sa maliit naming kolum.

Twitter: @arnielcserato; Faceboo: [email protected]; E-mail your blind items and hottest showbiz scoops sa [email protected]
Sure na ‘to
By Arniel Serato

Previous articleShamcey Supsup, walang balak pasukin ang showbiz?!
Next articlePinoy Parazzi Vol 4 Issue 119 September 19 – 20, 2011 Out Now!

No posts to display