Libreng serbisyo ng PAO

Dear Atty. Acosta,

GOOD DAY PO. Nais ko pong malaman kung mayroon po bang libreng serbisyo ang PAO para maipa-annul ko ang aking kasal. –Patricia

 

Dear Patricia,

ANG SERBISYONG IPINAGKAKALOOB ng Public Attorney’s Office (PAO) sa publiko ay walang bayad. Ito ang mandato sa aming tanggapan, kung saan ang aming serbisyo ay libreng ibinibigay sa mga kuwalipikadong kliyente sa kahit na anong kaso, ka-tulad ng kasong kriminal, sibil, labor, administratibo at iba pa.

Subalit bago pagkalooban ng legal na serbisyo ng PAO ang isang kliyente, inaalam po muna ang merito ng kanyang kaso, kung ito ba ay mayroong legal na basehan at maaari ba itong manalo base sa aplikasyon ng batas at sa pagkunsidera sa mga pangyayari na bumabalot sa kaso.

Gayundin, inaalam ang pinansyal na estado ng isang kliyente. Ang serbisyo ng PAO ay limitado lamang sa mga taong walang kakayanang kumuha at magbayad ng isang pribadong abogado. Kaugnay nito, inaalam din kung magkano ang kabuuang kinikita ng pamilya ng isang kliyente sa pamamagitan ng kanyang “Income Tax Return” o “pay slip”.

Kung wala namang trabaho ang kliyente o ang kanyang asawa, kailangan po niyang maipakita na hindi niya ka-yang kumuha ng pribadong abogado. Sa mga ganitong pagkakataon, kailangang ipakita ang sertipikasyon ng kanilang Barangay o ang lokal na tanggapan ng DSWD, na sila ay nabibilang sa mahihirap na pamilya sa kanilang komunidad at walang kakayahang magbayad ng isang pribadong abogado.

Ayon po sa umiiral na regulasyon ng PAO (Section 23, Implementing Rules and Regulation of RA 9406 at MC-18), ang isang indibidwal ay kuwalipikado sa libreng serbisyo ng aming tanggapan kung ang kanyang pamilya ay hindi kumikita ng higit sa P14,000.00 (net individual monthly income) kada buwan, kung sila ay nakatira sa Metro Manila. Dapat namang hindi lumagpas ito sa P13,000.00 (net individual monthly Income) kada buwan, kung sila ay nakatira sa isang siyudad na matatagpuan sa labas ng Metro Manila. Samantalang, dapat hindi lu-magpas ito sa P12,000.00 (net monthly individual) kada buwan, kung sila naman ay nakatira sa kahit saang lugar maliban sa mga nabanggit sa itaas.

Ayon sa Republic Act 9406, ang mga mahihirap na kliyente ng PAO ay libre rin sa mga bayarin sa korte o anumang quasi-judicial body na may kinalaman sa pagsasampa ng kaso, tulad ng “docket fees” at iba pa.

Tungkol naman sa iyong katanungan, kung ikaw ay kuwalipikado na maging kliyente ng aming tanggapan, maaari ka naming bigyan ng libreng serbisyong legal para tulungan kang maghain ng petisyon sa korte upang mapawalang-bisa o ideklarang walang bisa ang iyong kasal. Kaila-ngan mo lamang magpakita ng patunay na ikaw ay walang kakayahang kumuha at magbayad ng isang pribadong abogado sang-ayon sa nabanggit sa itaas.

 

Let us watch Atty. Persida Acosta at “PUBLIC ATORNI”, a reality mediation show every Thursday after Aksyon Journalismo at TV 5.

Atorni First
By Atorni Acosta

loading...

8 thoughts on “Libreng serbisyo ng PAO

  1. gud day po atty. acosta, ako po c jen, married, at may isang anak, nangalunya po ung asawa ko at may anak sila ng kabit nya, hinayaan ko na po sya lumayo samin dahil ayaw ko na din po saknya, ang gsto ko po at nga family ko ay humingi ng sustento para sa bata lalo pa wala po akong trabaho dahil 2 yrs old pa lang po ung bata. humingi po ako sknya ng pambili ng gamot ng bata dahil mdalas magkasakit isang linggo po nya ako pinapabukas bukas at pinaaasa kahit isang daang piso ay di siya nagbigay. masakit po kasi skin kc pati nag iisang anak namin ay tinalikuran na niya. kung ayaw na po nya kc sustentuhan kht konti ang bata gsto ko po sana mawalan na sya ng karapatan sa bata kht sa paglaki ng anak namin. kc di po biro ang hirap ng obligasyon na iniwan nya sakin lalo nanghihingi lang kami ng makakain sa araw araw. pwede ko po ba pagawan ng kasulatan na mawalan ng karapatan ung ama nya sa anak ko, kasi natatandaan ko po dati na palagi palagi sinasabi skin ng dati kong asawa na bata pa dw ang anak namin kaya hndi pa naiintindhan ung sitwasyon namin mag ina na ang mga kpatid ko at nanay ko ang magpakain samin at bumuhay.

  2. Hello Attorney, tungkol po ito sa kaibigan ko na nakulong ngayun sa antipolo dahil inakusan siya sa salang hindi naman niya ginawa. ang charge sa kanya ay child abuse. wala naman daw po silang pinakitang midical certificate yung nagpakulong sa kanya at dinampot lang po siya na walang ibinigay o ipinakitang warrant of arrest. ano po pwedeng gawin para makalaya siya sa kulongan? tapos daw ang hinihinging bail sa kanya ay 200,000 piso. salamat po in advance, sana po makatulong kayo Attorney.

  3. Good morning po attorney acosta ako po si Maribeth taga taytay Rizal po….hinihnge po akong ng advice Yung bilas ko po kasi minumura na niya ako sa Facebook katulad ng bobo gago at putang Ina….pasensya na po sa mga salitang iyan…at nilalait na rin niya ako….nag umpisa po iyan sa mga maling Akala niya sa mga post ko sa fb na Akala niya patungkol sa kanya tinix ko po sya para pag usapn Namin ang problema ang sagod niya sakin pag handa na siya pero nag post ulit siya ngayong araw na wala na siyang balak makipag usap at patuloy niya pa rin akong minumura….ano po bang gagawin ko kasi sobrang pinapahiya niya ako..

  4. Magandang umaga po Attorney.Tungkol.pa ito.sa lupang pamana ng lolo ko at lola Ireneo Lira at Matea Pagsinohin Lira.malaki.po ang problema namin may mga nagpunta po sa amin sa tabangao puti Batangas City sabi nila hindi amin ang lupang tinitirikan namin.ang sabi.nila bibigyan lamang kami bawat bahay ng halagang sampung libo.may bumibili yata.ng chinese.sa lupang mana ng aming mga magulang.dito.po kami lumaki kahit mga magulang ko Liwanag Atienza Lira at Juan Arcega Atienza at.tiyahin namin Josefina Lira Abila marami po.kami sa tabangao aplaya puti.sana po.matulungan nyo kami.wala.po kaming pambayad sa abogado.Bka maaring paimbistagahan kung paano ma solve ang priblemang ito na ang sabi ang kapatid lang ng lolo namin.na Andy Lira lamang ang may ari.sa lupa.at inilagay nya.lahat sa.panngalan nya ang lahat ng lupa na mahigit 6tawsan hectares.pede po nyo.makontak.ang kapatid.ko c jennylyn Lira basit ang number nya ay 9309499823 at 9194260176.maraming salamat po.nangamngamba po kc kami baka may mangyaring d maganda takot kami baka pagulungan kami ng bato.o kaya sunugin mga bahay para kami ay paalisin sa sariling lupa.ang sakit po nito.nadadamay po.kinabukasan ng.mga bata

  5. Magandang araw po. Ako po si Anna May G.Bayag, taga san jose del monte bulacan. May property po ang magulang ko na nakasanla sa isang banko. Nawalan ng trabaho ang papa ko kaya napilitang ibenta ang property nila kahit nakasanla ang titulo. Nagkaron po sila ng kasunduan ng buyer na babayaran sila ng certain amount at huhulugan sila ng 20k monthly sa loob ng 5years. Pumayag ang magulang ko dahil sa kagipitan po. Ngayon po hindi nakatupad ang buyer sa mga pangako po nya at nagagalit pa sa magulang ko. Ano po ba ang dapat namin gawin? Sana po matulangan nyo kami, maraming salamat po

  6. Pewede po bang mag kaso ng nagpipicture ng wlng pahintulot .. At isa pa siyang Attorney … Maraming salamat sa kasagutan

  7. hello po atty. acosta .. gusto po namin humingi ng tulong sa inyo dahil wala po kming pambayad sa attorney, yung mga mama ko po at tatlo po niyang kapatid po namin ay tinanggalan ng karapatan sa titulo ng mga pamangkin nila na anak ng panganay nilang kapatid .. ngayon po nagkaroon po ng mga peke peke at meron silang mga documento daw kuno .. at gusto po nila kaming paalisin sa aming tinitirahan :( sana po ay matugunan niyo po ang problemang ito .. mayayaman po kasi sila at mapepera ..

  8. Gusto ko po sana humingi ng tulong sa aking ama na pinagbintangan ng rape.nag punta kmi sa Pao sa Bacoor Cavite at ang sabi ng lawyer ay 30k ang bayad at kada hearing my bayad din..ganun po ba talaga? Kc dyipney driver lng tatay ko at nsnay ko nmn ay walang trabaho..sana po ay mtulungan nyo kmi

Leave a Reply

Your email address will not be published.