Lani Mercado, inapi-api sa teleserye – Chit Ramos

HAYAAN NINYONG BATIIN ko si Sen. Bong Revilla ng isang maligaya at mapayapang kaarawan sa araw na ito. Hindi lang po siya puwedeng isnabin kasi he has been so kind to me all these years, kahit marami nang astig ang nakapaligid sa kanya ngayon. Sadyang hindi siya nakalilimot, tulad din ng mga kapatid ko sa hanap-buhay na kapwa ko September born, sina Jerry Olea, Jun Nardo, Eugene Asis, Bong de Leon, Salve Asis, Butch Roldan, Nap Gutierrez at lalong-lalo na si Donna Villa, (butihing maybahay ng ating National Artist, Carlo J. Caparas) at si Sen. Kiko Pangilinan.

Kasalukuyang nasa entablado si Madam Lani Mercado nang tumawag ang inyong lingkod. Itatanong ko sana kung bakit pa niya tinanggap ang role bilang api-apihang ina ni Iza Calzado sa teleseryeng Kaya Kong Abutin Ang Langit samantalang hindi na siya magkanda-ugaga sa dami ng kanyang responsibilidad.

“Ayaw kasi nila akong tigilan. Tawag sila nang tawag at hindi raw puwedeng tanggihan ko ang role dahil, bagay na bagay raw sa akin. Mahal na mahal nila ako!”

Ang role na tinutukoy ni Lani ay bilang ina ni Iza na sobra-sobra ang paghihirap para lamang mabigyan ng magandang kinabukasan ang mga anak.

Message sender, hindi iboboto si Noynoy at Mar

MAY MENSAHE ANG e-mail sender nating si Bernadette Lugo na nagbigay pa ng kanyang cel. No. (09292339088) para sa magiging bride ni Sen Mar Roxas. Ganoon din sa bunsong kapatid ni Sen Noynoy Aquino:

“Simpleng maybahay po ako sa edad na 19 anyos at napaiyak po ako nang marinig ko ang interview niya kay Ted Failon kung saan nilait-lait niya si Sen. Kiko Pangilinan. Parang tigre po siya sa bangis ng kanyang pangil, samantalang si Sen. Mar ay hindi lamang malumanay kung magsalita at mapagpakumbaba tulad ng kanyang mga magulang. Sabi ng lolo ko ay ganu’n din ang kanunu-nuan ng angkan nito. Hindi po namin malunok ang mga sinabi niya laban kay Kiko at kung wala lang siya sa radyo, siguradong pagmumura ang itatawag sa lahat ng kanyang mga atake. Nawala ang respeto at paghanga namin sa kanya at nangangamba kami na magkaroon ito ng masamang epekto sa kanyang mapapangasawa. Porke po ba makapangyarihan siya, eh, gagamitin na niya ito? Kawawang-kawawa po si Kiko, at nai-imagine na po namin kung ano ang nararamdaman ng misis niyang si Sharon Cuneta. Sana, matuto siya sa Megastar na nanatiling “cool” sa paggamit ng kanyang pinag-aralan. I swear po, ako at ang lahat ng mga kamag-anak ko rito sa Cagayan de Oro ay hindi na boboto kay Mar kahit ang bait-bait niya. Nakatitiyak po kaming magiging “ander de saya” lang siya sa kanyang future  misis. Hindi niya mapipigilan ang bunganga nito. Kadiri rin po ang pag-iyak-iyak niya nang umurong si Mar sa kandidatura niya bilang future president ng bansa. Para siyang mamamatay dahil nawala ang pagkakataong maging future First Lady.

Eto naman pong bunsong kapatid ni Noynoy ay wala ding preno hanggang ngayon kahit sinasabi niyang nakiusap sa kanya ang kuya na i-zipper ang kanyang bibig. Totoo naman pong marami  rin ang mga taong ginagawa niyang miserable ang buhay. Kahit sinasabi niyang suportado niya ang kanyang kapatid, hindi rin po namin nakalilimutan na minsan ay sinabi niyang kakandidato siya sa taong 2016 para sa pinakamataas na posisyon sa bayan. Sinabi din niya na kakandidato din ang BFF niyang si Boy Abunda for senator. Hindi po kaya naiinggit siya kay Noynoy dahil naunahan siya nitong kumandidato? Na mauunsyami ang kanyang pangarap? Kapag nanalo kasi ang kuya niya, matuloy pa kaya ang kanyang inaalagaang ambisyon?

Tulad ni Mar, hinding-hindi na rin po namin iboboto si Noynoy. Kung hindi madisiplina ni Noynoy ang kanyang bunsong kapatid, paano niya madidisiplina ang buong bayan? Ganu’n din po si Mar, kung ngayon pa lang ay nao-overshadow siya ng kanyang future misis, hindi kaya ito ang umastang vice-president kapag nasa posisyon na siya?”

BULL Chit!
by Chit Ramos

loading...

10 thoughts on “Lani Mercado, inapi-api sa teleserye – Chit Ramos

  1. Akina. Ako ang mangaapi. Sarap sampal sampalin nang babaeng ilusyonadang ito. Gustong maging congresswoman? Wala naman alam.

  2. huwag na kayong mag-alala mga kababayan. naka-setup na ang administrasyon at comelec. alam na nila kung cno ang mananalo sa 2010 presidential election. alam din nila kung cno ang nanakawan nila ng boto.

  3. mtaray tlga yang c koring…she dont even know how 2 smile sa mga taong bumabati s kanya….buti n nga lng at hindi n mtu2pad ang pngarap nyang mging 1st lady…baka imbes na c mar ang umupo sa malakanyang sya ang umupo…kaloka…hihihi

  4. Isa pa si Lani. Tatakbo raw na Congresswoman. Ilusyonada.
    Kailangang magtrabaho siya para hindi lang pangungurakot ang inaasahan nang mga Revillas. Kaya gustong gustong maging pulitiko. Kaban nang bayan ang boss nila. Kakahiya. . .

  5. Si Ted Failon, under ni Korina !!! Buti na lang at hindi nag Presidente si mar Roxas…kundi..me pangatlo ng magpapalubog na babae sa Pinas. Buti na lang , hindi natupad ang pangarap.

  6. kasuklam-suklam talaga ang Koring na yan akala mo kung sino umasta!

    mainitin pa ang ulo kaya kawawa ang mga taong nagtratrabaho sa kanya at mga staff niya masasakit na salita at nambabato pa ng kahit anong mahawakan nito pag hindi nasunod ang gusto niya!

  7. I agree wholeheartedly. This Aquino-Roxas campaign is starting to turn into a circus act. Kris and Korina will be these two’s downfall. We hope they read the comments of the readers as an eye opener. Kris has announced her facebook and twitter. I hope she gets bombarded by similar type of comments. Pati manga artista, nagkukumahog na masali sa campaign for publicity’s sake, kaya mga fans, karambola na sa awayan. AGAIN, THIS HAS TURNED INTO A CIRCUS ACT.

Leave a Reply

Your email address will not be published.