Lalaking Sinungaling at Manloloko

 

Dear Atty. Acosta,

 

NAIS KO po sanang humingi ng legal advice kung ano po ang dapat gawin sa lalaking sinungaling at manloloko na sinabing walang asawa at nagbunga ito at tinalikuran ang responsibilidad sa anak at itinatwa pa ito?

Magkasama kami sa trabaho at nagkarelasyon. Una pa lang ay tinanong ko siya kung may asawa siya at sinabi niyang wala. Naniwala ako kasi kahit sa HR namin ay single ang status na nakalagay sa mga dokumento niya. Nagbunga ang aming relasyon. Two months po ang pinagbubuntis ko nang magtapat siya sa akin na may asawa siya. Pagkatapos noon ay nalaman sa trabaho namin ang nangyari at siya rin ang may kagagawan dahil pinagsasabi niya ang aming naging relasyon. Wala na po akong magawa dahil nangyari at tinanggap ko lahat ng kahihiyan na iniwan niya sa akin sa trabaho namin. Pinag-force resignation siya ng opisina dahil sa mga dokumento niyang single ang nakalagay na status.

Nu’ng nanganak po ako, hindi ko pinangalan sa kanya ang bata dahil wala siya roon para i-acknowledge o pirmahan ang birth certificate ng bata. Dumating iyong time na sobrang gipit ako at humingi ako ng tulong sa kanya kahit pambili ng gatas ng bata. Patunayan ko muna raw na siya ang ama at ipa-DNA raw namin ang bata at doon lamang niya matatanggap ang anak niya.

Masakit po sa akin na habang lumalaki ang anak ko ay wala siyang kinikilalang aman na ang totoo ay mayroon naman pero itinatwa siya. Maaari po ba na humingi ako ng sustento sa ama ng anak ko? Ano po ba ang maisasampa kong kaso laban sa kanya at saan ako lalapit?

 

Maria

 

Dear Maria,

 

NAKALULUNGKOT ISIPIN na pagkatapos mong magmahal at ibigay ang iyong sarili sa iyong mahal ay lolokohin ka lang at ang masaklap pa, pati ang bunga ng inyong pagmamahalan ay itinatatwa. Gayunpaman, wala kaming nakikitang maaari mong ikaso sa iyong dating boyfriend dahil sa panloloko at pagsisinungaling niya sa iyo na siya ay walang asawa para lamang tanggapin mo ang kanyang pagmamahal. Ganoon pa man, maaari mo siyang kasuhan ng paglabag sa Republic Act No. 9262 o ang tinatawag na Anti-Violence Against Women and Their Children Act of 2004 dahil sa pagsasabi niya sa inyong opisina tungkol sa inyong relasyon na nagdulot sa iyo ng lubos na kahihiyan at pasakit. Ito ay masasabing isang psychological abuse. Ang Section 5(i) ng nasabing batas ay nagsasaad na:

“SECTION 5. Acts of Violence Against Women and Their Children.- The crime of violence against women and their children is committed through any of the following acts:

x x x

(i) Causing mental or emotional anguish, public ridicule or humiliation to the woman or her child, including, but not limited to, repeated verbal and emotional abuse, and denial of financial support or custody of minor children of access to the woman’s child/children.”

Kaugnay naman sa iyong katanungan kung maaari kang humingi ng suporta mula sa ama ng iyong anak, kinakailangan mo munang magsampa ng kasong Action for Recognition and Support sapagkat ayon sa iyo ay itinatatwa niya ang bata. Sabi mo pa ay hindi mo ipinangalan ang bata sa kanyang ama dahil wala naman ito upang pirmahan ang birth certificate ng bata. Samakatuwid, kailangan mo munang patunayan sa hukuman na siya nga ang ama ng bata. Dahil dito, maaaring kailanganing sumailalin sa DNA test ang iyong anak upang mapatunayan mo na siya ay anak ng iyong dating boyfriend. Pagkatapos mong patunayan sa hukuman na siya ang ama ng iyong anak ay maaari mong hingin sa hukuman na utusan ang ama ng iyong anak na kilalanin niya ang inyong anak at magbigay ng karampatang suportang pinansyal sa iyong anak bilang kanyang hindi lehitimong anak.

Sa pagsasampa ng mga nasabing kaso, kailangan mo ng serbisyo ng isang abogado. Kung wala kang kakayahang kumuha ng pribadong abogado, maaari kang sumadya sa aming District o Regional Office na malapit sa lugar kung saan ka nakatira upang matulungan ka ng aming tanggapan (Public Attorney’s Office). Kalimitang matatagpuan ang aming mga District Offices sa Hall of Justice ng bawat bayan.

Atorni First
By Atty. Persida Acosta

Related Post

loading...

5 thoughts on “Lalaking Sinungaling at Manloloko

  1. Gusto ko lng po na humingi ng tulong at tamng advice at nararapat na kabayaran sa pag kakagawa ng kasalanan ng Lalaking sinungaling at manloloko… Sa akin. Sana po mtulungan nyo po ako

  2. hi atty. Acosta,

    pwede po bang kasuhan rin ng republic act 9262 yung babaeng ayaw tumigil sa pagtetext sa kinakasama ko kahit bnlock na sya sa social media? Pwede ko ba silang kasuhang dalawa? may laban po ba ako? may mga ebidensya po ako at pumunta pa ng first bday ng anak namin yung babae.

  3. Dear atty.Acosta

    Good evening po,gusto ko huminge ng payo isang studyante po ako isang working student po nung jan.12 po nagpullout po kmi sa store lahat ng gamit nmin tinanggal pero my binigay sakin yung boss ko na mga cabinet pero my nanghinge po binigyan ko po ito ngunit my isang cabinet po ako na hindi binigay at tunawagan ko yung taong iyon na wag kunin ang glass cabinet dahil my tao akong inutusan na magppullout dahil sa hospital ako araw ng pullout nmin..pero sa oras na yun kinausap niya yung tao na dapat magpullout na wag na tumuloy dahil sarado na yung mall pero bukas pa pala ito sa mga oras na yun inilabas na pala niya lahat ng gamit nmin kasama ang cabinet ko gusto ko nang bawiin pero pinapabayaran niya sakin ng 2000 dahil inuwe na daw po niya ito ..ayaw ko po magbigay dahil wala po akong inutos na ippillout niya pero ayaw niya po ito ibigay ? Tanung ko po atty.pagnanakaw po ba ito? Dahil wala siyang tawag o txt sakin na inilabas niya gamit ko..anu pong ggawin ko nkaapekto na po siya sa pagaaral ko maraming salamat po and godbless

  4. Dear attny. Acosta,

    Gandang Araw po…
    Nais ko lang po sanang humingi ng advice mula sa’yo tungkol sa naging problema ko.

    Ganito po kasi yan, may nakilala akong isang babae sa FB lang, noong september 2014 pero di pa po kami nagkita in personal. Through fbchat lang kami nagkakausap! Nung una medyo ok yung relasyon namin, pero nag iba ang turing ko sa kanya mula nung nalaman kong may asawa’t anak na pala siya kasi siya din mismo nagtapat sa’kin. Simula nun iniwasan ko na siya, pero nangungulit parin siya sa’kin. Minsan nakikiusap siya sa mga kakilala ko rin sa fb na kakilala niya na echat nila ako para iparating ang mga mensahe ng naging gf ko. Dahil sa pangungulit niya nakuha kong replayan ang message niya, pinaliwanag ko sa kanya ang dahilan kung bakit ayaw ko sa kanya kasi nga may asawa po siya. Tinanong ko siya kung legal ba ang pagsasama nila sa kanyang asawa, tapos sabi niya na legal daw pero matagal na silang hiwalay sa asawa niya. Ngayon, sabi ko sa kanya na maniniwala lang ako kapag annul na sila nito. Kaya humiling siya na maging kami ulit, kaya pumayag ako sa kanya kasi maganda ang pinakita niya at nakita kong seryoso naman siya. Ngayon, habang tumagal umabot na ng ilang buwan ay humingi ako sa kanya ng tulong financial dahil sa kailangan ko ng pera. Binigyan naman niya ako, kasi nasa abroad siya. At ako din abroad din kaso nagkataon na di ako pinapasahoran ng amo ko ng dalawang buwan kaya napilitan akong humingi sa kanya ng tulong financial muna para may maipadala sa nanay ko na sa akin lang din umaasa. Ngayon di nagtagal, lumabas ang pagiging selosa niya at kung anu ano nalang pagmumura ang lumabas sa bibig niya. Kahit nasa oras.ng trabaho ako at alam niya, ganun parin ang banat niya sakin na wala daw akong time sa kanya. Pinaliwanag ko sa kanya ang lahat na nasa trabaho ako, pero talagang nagmamakulit siya. Di niya alam ang nature ng trabaho ko na very risky at nakakapagod.. dahil isa akong masahista dito sa saudi. Problema na nga ako kung pano ihandle ang mga bastos na kliyente at salbaheng amo, dumagdag pa siya.. kaya laging uminit ang ulo ko. Kaya di kao nagparamdam sa kanya, hanggang sa ilang araw ang nakalipas ay bati ulit kami. Makalipas ang ilang buwan, nasundan ang paghingi ko sa kanya ng pera kaya sinabi kong uutang lang muna ako kasi nataon na may problema sa pamilya. Dumaan na naman ang ilang buwan ay pinadalhan niya ako ng pera, dahil birthday ko daw pambili ng gusto. Hanggang sa naulit din yung pang aaway niya sa akin, at pinagmumura niya ako. Sabi pa niya na manloloko daw ako mukhang pera at kung anu ano pang masasamang salita. Di ko siya pinatulan, di ko pinagsalitaan ng masasama. Hanggang sa napuno na ako sa pag uugali niya, binalik ko lang kung anong pagmumura ang ginawa niya sakin. Kaya simula nun nagkalaboan na kami. Di ako nagparamdam sa kanya kasi parang nadisappoint ako sa inasal niya na panay selos at panay pagmumura, eh ayaw ko ng ganung kladeng babae. Kaya lumipas na naman ang ilang araw, tumawag siya sa cp ko.. sabi niya na may pinapadala daw siyang pera sakin, basta kausapin nalang daw siya. Kaya nagbukas ako ng fb at chinat ko siya na ayaw ko na. Pero sabi niya, di na daw niya makukuha ulit ang perang pinadala niya kasi pinunit na niya ang resibo pagkatapos niyang ipasa ang control number at amount ng pera. Kaya kinuha ko nalang! Di ko binilang kung magkano ang naipadala niya sakin kasi wala naman sa isipan ko ang pag isipan siya ng masama. Hanggang sa naulit na naman ang pangyayare na lagi niya akong minumura at pinagseselosan at lagi siyang galit sa akin, kaya nakuha ko na siyang sagotin at sabi ko sa kanya na magbreak na muna kami. Kaya mula nun di ako nagparamdam sa kanya sa fb ng dalawang linggo. Ang ikinagulat ko nalang, bigla siyang nagtext sa kasama ko sa trabaho na naglalaman ang text ” manloloko, sinungaling, matapos kitang palamonin ganito pala gawin mo sakin? Bayaran mo na utang mo.. ”
    Syempre nagulat ako dahil bigla akong sinita ng kasama ko kung bakit sa kanya nagtetex ang gf ko at tinanong ako kung sino nagbigay ng number niya. Eh di naman ako nagbigay ng number sa kahit kanino lalo nat hindi sa akin. Kaya simula ng nalaman ng kasamahan ko ang mga text niya at panggugulo, sakin nagalit ang kasama ko dahil nadisturbo ang kanyang tulog at trabaho sa mga panay text at panay miscol ng miscol sa kanya ang gf ko. Kaya naging sanhi ng pag aaway at sagotan namin ng kasama ko dahil sa akoy napagbuntongan ng galit at bintang. Kaya agad akong nagbukas ng fb at minura ko ang gf ko dahil sa ginawa niya at panggugulo sakin at sa kasama ko na naging sanhi ng aming pag aaway. Ang reply ba naman niya ay, ” SA GANUNG PARAAN LANG PALA KITA MAPAPABALIK DITO”.. sa subrang galit at inis ko sa mga oras na iyon ay nakuha ko siyang murahin ng murahin. At pinagpapasa ko ang kanyang pagmmura sa akin (screenshot photo) dun sa mga kaibigan niya sa fb kung anong klaseng ugali meron siya kaya sumuko ako sa pakikipagrelasyon sa kanya dahil sa ugali niyang mapakla at di matanggap na wala na kami.

    Ngayon attny, maitanong ko lang po..
    Yung perang pinadala niya sa’kin na tinulong niya at yung iba inutang ko at yung iba regalo niya na sabi niya umabot daw yata ng higit kukulang 100K pesos ay babayaran ko. Eh di naman lahat ng pinadala niya inutang ko. At saka sabi ko sa kanya na babayaran ko siya pero di lahat ng naipadala niya kasi di naman utang yung iba, kusa niya yun pinadala para lang magbati kami. Sinisilaw pa nga nya ako sa pera para lang sumunod ako sa gusto niya. Ginawa ko naman lahat at wala naman akong intention na lokohin siya. Nagkataon lang talaga na ayaw ko na sa kanya. Pwerket hiniwalayan ko siya, akala niya nanloloko lang ako. Ano po ba dapat kong gawin? Makukulong po ba ako? Kasi sabi niya na magpapatiwakal daw siya dahil sa’kin, kasi daw niloko ko siya. Naglaslas na kasi siya dati ng isang beses tapos ngayon yung banta niyang ipakulong ako dahil sa utang at pagpapakamatay niya..ako daw po kasi yung sisihin niya dahil niloko ko nga daw po siya at sinaktan. Makukulong ba talaga ako kapag nagpakamatay siya dahil sa akala niyang niloko ko siya. Eh nakipaghiwalay naman ako ng maayos sa kanya.at yung utang babayaran ko naman yun sa abot ng aking makakaya pero di naman ako makakabayad sa gusto niya na buo agad. Kasi wala naman talaga akong ganun kalaking pera pambayad. Di ko naman sukat akalain na ganun pala ugali niya. Mali pala ang makipaghiwalay kung ayaw ko na talaga sa kanya tapos panloloko ba agad yun. Hahay buhay nga naman!!

    Please po attny. Pakiadvice niyo naman po ako. Di ko pa kasi alm kung ano ang tamang gawin.

  5. Hi.. Good day.

    Nais ko sana manghingi ng payo to Atty. Acosta.. How can i send her my letter or in your Atorni First? Thank you

Leave a Reply

Your email address will not be published.