Labag sa Batas ang Pakikiapid

 

Dear Atty. Acosta,

MAYROON AKONG nob-yo na isang Amerikano. Siya ay ikinasal sa kanyang asawang Pilipina noong taong 2008. Subalit naging magulo ang kanilang pagsasama dalawang buwan matapos silang ikasal, dahil nalaman ng aking nobyo na mayroon nang ibang karelasyon ang kanyang asawa sa isa ring banyaga. Naghain ng divorce ang aking nobyo sa Amerika ngunit hindi pa ito tapos. Maaari ba niyang magamit iyon dito sa Pilipinas kung sakaling ipagkaloob ang kanilang diborsyo sa Amerika? Mayroon na rin po kasi kaming plano na magpakasal.

Gumagalang,

Jacklyn

 

Dear Jacklyn,

MADALAS KAMING nakakatanggap ng liham na tumatalakay sa pagkakaroon ng relasyon ng isang lalaki o babaeng mayroon nang asawa. Nais po naming bigyang-diin na ito ay labag sa ating batas at hindi maaaring gawin ng sinuman.

Katulad ng iyong hinaharap na sitwasyon, ikaw ay mayroong nobyo na kasal pa sa kanyang asawang Pilipino. Marahil ikaw ay mayroong tamang kaalaman na mali ang pinasok mong sitwasyon. Maka-kabuti kung inyong wawakasan ang inyong relasyon sapagkat kailangan ninyong pahalagahan ang sakramento ng kasal sa pagitan ng iyong nobyo at ng kanyang asawa. Kung kayo ay totoong para sa isa’t isa, maiging ayusin muna ng iyong nobyo ang kanyang pakikipag-hiwalay sa kanyang asawa bago kayo sumuong sa pagkakaroon ng relasyon. Kinikilala ng ating batas ang karapatan ng isang banyaga na makipaghiwalay sa kanyang asawang Pilipino sa pamamagitan ng divorce, at kaakibat nito ang pagkilala sa kanilang karapatan na makapag-pakasal muli kung ipagkakaloob ito sa kanya ng hukuman kung saan inihain ang petisyon ng pakikipagdiborsyo. Ayon sa Artikulo 26 ng Family Code of the Philippines, “x x x (2) Where a marriage between a Filipino citizen and a foreigner is validly celebrated and a divorce is thereafter validly obtained abroad by the alien spouse capacitating him or her to remarry, the Filipino spouse shall have capacity to remarry under Philippine law.” Dahil nakapaghain na ng petisyon ng pakikipagdeborsyo ang iyong nobyo, kailangan na lamang niyang hintayin ang magiging kautusan ng hukuman sa Amerika. Hanggang wala pang ipinapalabas na kautusan ukol dito ay hindi kayo maaaring magkaroon ng relasyon o magpakasal.

Tandaan na ang divorce decree na dapat ipagkaloob sa kanya ay legal at balido bago ito tanggapin at kilalanin dito sa Pilipinas, subalit hindi natatapos ang proseso sa pagkuha lamang ng divorce decree. Upang makapagpakasal ang isang banyaga rito sa Pilipinas, katulad ng iyong nobyo, ay kailangan niyang kumuha ng certificate of legal capacity mula sa embahada ng kanyang bansa rito sa Pilipinas. Ito ang kanyang ipipresenta sa local civil registrar ng lugar kung saan ka o siya nakatira upang makakuha kayo ng marriage license na inyong gagamitin sa inyong pagpapakasal. Karagdagan dito ay kailangan niya ring magsumite sa nasabing local civil registrar ng judicial decree of the absolute divorce kaugnay ng pagpapawalang-bisa ng kanyang naunang kasal. (Artikulo 13, id)

Sana ay nabigyan namin ng linaw ang iyong katanungan. Ang payong aming ibi-nigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

 

Malugod namin kayong inaanyayahan na manuod ng mediation on air “Public Atorni:Asunto o Areglo” sa TV 5 mula Lunes hanggang Biyernes sa ganap na alas-2:00 ng hapon.

Atorni First
By Atty. Persida Acosta

Related Post

loading...

2 thoughts on “Labag sa Batas ang Pakikiapid

  1. Gandang gabi po madam atorni, ako po si Lorena G.Aquino ng Mariveles Bataan. Ako po ay isang guro sa Antonio G. llamas Elementary School d2 sa bayan ng Mariveles ako po ay may asawa at isang anak na babae. Nais ko lamang pong mag tanong ano po ang legal grounds kung ang asawa ko ay may ibang babae may mga sulat ung babae sa asawa ko at 10 yrs na ata sila ayon sa sulat na nakita ko. Medyo magulo po at komplikado pero noong oct 4 2017 ay nag pang abot po kami dati po sa Marikina po ung girl nakatira pero nahuli ko na d2 na pala sya nakatira sa batangas dos at after po ng confrontation namin ay lumipat na sya ng lamao sa amin pa rin po umuuwi ang asawa ko pero para lang po matulog. Buong araw po ay doon na sya sa babae nya naglalagi. Ung asawa ko po ay ayaw umami. Pero ung babae sa facebook ay umamin na at pati anak ko apeltado na kc po ung number po ng asawa ko ay ikinonect nya sa messemger po nya at lumabas po na ung profile nong girl ang lumalabas sa number ng asawa ko. Kanina po ay tinanong ako ng hipag kong kapit bahay namin sabi nya nag c.i. daw po an k serviko d2 e wala ako at ung asawa ko kaya sya ang nakausap nangungutang daw ng ref tapos sabi noong nag c.i. pag wala daw po sya d2 sa adress daw sa lamao pupunta e bagong bili ko po ung ref namin. Ano po ung pati name ko malamang ay ginamit para sa pangungutang ng ref ng kabit nya ano po pd ko gawin d2. Guato ko po sana sila kasuhan ng babae kc mas matapang pa sa akin ung babae kasalanan ko daw po ang lahat ng ito. At ilinopost pa sa facebook di ko po sya pi apatulan pero sobra na po tulungan nyo po sana ako. Tulungan nyo po ako naawa na rin po ako sa anak ko. God bless u po

Leave a Reply

Your email address will not be published.