Kristine Hermosa, balik sa pagiging pasaway? – Archie de Calma


NGAYON PA LANG, ginagawan na ng kung anu-anong intriga sina Marian Rivera at Rhian Ramos, na kesyo may insidenteng nag-isnaban sila sa isang event. Dinenay naman ni Rhian ito. In fact, she made beso pa raw kay Marian nang magkita sila roon. Mukhang ang pinag-uugatan nito ay ang pagtatambal nina Rhian at Dingdong Dantes sa bagong GMA-7 Koreanovela adaptation na Stairway to Heaven.
Nalalagay si Dingdong sa alanganin dito, pero naniniwala siyang hindi siya dapat mag-take sides dahil wala namang isyu. Para kay Dingdong, both Rhian and Marian are sensible enough not to be affected by these intrigues, lalo na’t magkahiwalay nang nagtatrabaho ngayon sina Dingdong at Marian at ang una’y naitatambal na rin sa iba, gaya nga ni Rhian.
Pero, nasabi nga ni Rhian in an interview na siya ang tipong madaling ma-in love, pero marunong daw siyang mag-control. “Almost” ang nagamit niyang term kaugnay ng pagkakamalapit nila ni Richard Gutierrez dahil ilang ulit na rin silang nagtambal sa ilang palabas ng GMA-7. Naitanong kay Rhian ang posibilidad na mahulog ang loob niya kay Dingdong dahil lahat naman daw ng babae ay madaling mahahaling dito.
Kaya lang, idiniin ni Rhian na hindi niya ugaling mang-agaw o kumuha ng hindi sa kanya. Alam daw niya kung sino ang para talaga sa kanya, at kung sino ang hindi.
Hindi naman direktang masagot ni Dingdong ang posibilidad na mabaling pa sa iba ang atensiyon niya ngayong hayagan ang relasyon nila ni Marian. Basta, ang nararamdaman niya, worth fighting for ang relasyon nila ni Marian at hindi naman ito basta mawiwindang nang ganoon lang.
Well, tingnan na lang natin.

KUMALAT ANG CHIKANG kesyo nagiging pasaway na naman daw si Kristine Hermosa at any moment ay titigbakin sa teleseryeng Dahil May Isang Ikaw ang aktres dahil kinararamdaman na naman ito ng pag-iinarte. Ilang may kinalaman sa produksyon ng nabanggit na teleserye ang magpapatunay na walang isyung ganito.
Smooth sailing ang lahat sa pagtatrabaho ni Tintin. Kaylaki nga raw ng ikina-mature nito at kung hindi raw uubra ang isang bagay, talaga raw sinasabi na kaysa naman makaistorbo o makaapekto ng mga katrabaho niya.
Hindi raw sinimulan ang taping ng Dahil May Isang Ikaw nang hindi sigurado ang management ng ABS-CBN sa kooperasyon ng kanilang mga artista, lalo na si Tintin na siyang pangunahing leading lady nito. Hindi na ito pinansin pa ni Tintin at ng kampo niya dahil mga tao na sa produksiyon ang makapagpapatunay, kahit nga lumalabas na nanggagaling din daw ito sa mismong taga-production.
Walang mairereklamo kay Tintin, at kitang-kita naman na nagbabalik ang init ng tambalan nila ni Jericho Rosales. Nangangahulugan na namahinga lang ito at hindi naman talaga nawala, at ang makapagpapatunay ay ang lakas nito sa ratings.

Calm Ever
Archie de Calma

Previous articleSorry ni Kris Aquino, ayaw tanggapin ng taga-Valenzuela – Cristy Fermin
Next articleDennis Trillo: Pagsasaya na Nauwi sa Trahedya!

No posts to display