Krista Ranillo at Jinkee Pacquiao, magkikita sa laban ni Manny?! – Tita Swarding

OLA CHIKKA! GINULANTANG na naman ang lahat nang biglang bumalik papuntang Amerika ang sexy actress na si Krista Ranillo. As in biglaan ang pagbalik niya sa U.S. dahil sa kapatid daw nitong may sakit.

Kaya hindi maiwasan ng karamihan na mag-isip kung totoo ba na ang kapatid ang pupuntahan ng actress o ang Pambasang Kamao na kasalukuyang nasa Amerika upang paghandaan ang laban nila ng boksingerong si Joshua Clottey.

Hindi na nagbigay ng mahabang paliwanag ang actress, dahil todo-bantay ang mga bodyguard sa kanya at hindi na nga ito nagtagal at pumasok na nang diretso sa loob ng airport.

Noon pa man ay tikom na ang bibig ng sexy actress sa kung ano ang namagitan sa kanila ng Pambansang Kamao. Talaga lang na hindi mamatay-matay ang isyu.

Nakatakda namang pumunta rin sa Amerika ang asawa ni Manny na si Jinkee sa susunod na linggo, upang samahan ang asawa sa training.

Kaya marami ang nagtatanong kung ang kapatid nga bang may sakit ang pupuntahan ni Krista, o ang Pambansang Kamao na si Manny ang sadya nito?

Pero, malalaman natin ang lahat dahil ang aking parazzi girl ay mas nauna pa kay Krista, hahaha! Nakakaloka, ha?!

Kailan nga lang kasi dumating ng bansa si Krista dahil may mga project daw itong tinatapos at ngayon ay ginulantang ang lahat nang biglaang bumalik sa Amerika.

Ano na naman kaya ang bibitawang pahayag ni Jinkee para sa sexy actress?

Ang inaabangan ng lahat ay kung magtatagpo ang dalawa sa mismong laban ng Pambansang Kamao. Hmmm… kalurke nga naman!

Samantalang ang tiyahin ni Krista na si Suzette Ranillo ang sumagot sa mga isyung ipinupukol sa pamangkin. Nagbitiw ng pahayag ang kapatid ni Mat Ranillo III sa direktor na si Gina Alajar at sa kasama ni Krista sa movie na si Bianca King na pinasaringan din ng actress. Pero ang hinihintay ng lahat ay ang paliwanag ng pamangkin nitong si Krista at hindi sa tiyahin. ‘Yun na!

WALANG URUNGAN SA laban ang aking twin sister na si Aiko Melendez sa pagtakbo bilang vice-mayor ng Quezon City. Hindi rin magpapaapekto ang politician-actress sa mga intrigang ibinabato sa kanya.

Dahil malaki naman ang kanyang nagawa at may napatunayan na ito sa kanyang paninilbihan bilang konsehal ng lungsod. At marami itong natutulungan. Pati sa showbiz kung saan nanggaling ang actress, hindi niya ito tinatalikuran.

Kaya ang mga intrigang ibinabato sa kanya ay hindi nakaaapekto sa aking twin sister na si Aiko.

Oo nga naman! Si Mike Defensor ang kanyang mayor, kung saansanib-puwersa ang dalawa at walang urungan sa laban. Naku, ha?!

‘Wag n’yo pong kalimutang pakinggan ang aking programa sa dwbl 1242 khz everyday 8-9 A.M. at sa dzrh 666 khz every Sunday. At makikita n’yo rin ang beauty ko sa inyong telebisyon sa rhtv from 2:30-3:30 P.M. ‘Yun na!

Ooola Chika
E-mail: [email protected]
by Tita Swarding

Previous articleAi-Ai delas Alas, gagawa ng pelikula kasama sina Melai at Jason ng PBB! – Eddie Littlefield
Next articleSipat-eklat: Sikat na young actor, pa-booking lang sa kanilang baryo noon!

No posts to display