Dahil sa desisyon ng Kapuso network na ipares si Aljur Abrenica kay Rhian Ramos sa Ilumina, kapansin-pansin na parang wala pang upcoming project si Kris Bernal. Tinangkilik ng mga fans ang ALKRIS loveteam ng mahigit tatlong taon, at ito ang kauna-unahang pagkakataon na ipapares sila sa ibang taartits.
Ang Brapanese hunk na si Daniel Matsunaga ang naging ka-loveteam ni Kris Bernal sa second installment ng Love Bug, na shot in Singapore. Tapos na rin ang kanilang parte sa show kaya naman bakante na naman ang beauty ng aktres.
Kahit pa iniwan na ito ni Aljur bilang ka-loveteam, bali-balita naman na hindi naman talaga ‘brokenhearted’ si Kris. Ang ‘Are You The Next Superstar?’ graduate na si Jay Perillo raw talaga ang jowa ng Starstruck star. Nabuking nga na ang picture ng baguhang singer ang wallpaper ni Kris sa kanyang phone at si Jay nga lang daw ang fino-follow ni Kris sa official Twitter account nito. Hmmm… kaya naman pala kapansin-pansin ang paglusog at pagganda ng ating prinsesita, huh! ‘Wag lang kalimutan ang showbiz karir, ok?!
By Mica Rodriguez
Photos By Luz Candaba
Parazzi Chikka
Parazzi News Service
