Kris Aquino, matapos ‘mauntog’ natauhan na kailangang magpahinga!

KUMPIRMADONG DALAWANG BUWANG mamamahinga si Kris Aquino sa programang SNN dahil mas bibigyan nito ng atensiyon ang eleksiyon.

At dahil mababakante ang puwesto ni Kris sa dalawang programa sa channel 2 kung kaya’t magkakaroon ng pagkakataon ang ilan pang ABS-CBN talent na makapag-host ng nasabing number one showbiz talk show.

Samantala, naloka si Angelica Panganiban nang malaman niyang “mamahinga” si Kris sa SNN. Kasi, ginagaya ni Angelica si Kris sa NNNN bilang Kris. At dahil pansamantalang mamahinga si Tetay, kaya kailangan din niyang magpahinga sa pag-i-spoof.

MAGIGING REYNA NA at long last si Ruffa Gutierrez sa isang programa na ibibigay sa kanya ng channel 5 matapos na siya ay lumipat sa TV5. “Kung sa The Buzz ay parang isa lang siya sa mga host, dito siya talaga ang host,” pahayag ng aming source na nagsabi rin na bukod kay Ruffa ay maraming GMA artist din ang lilipat na sa kanilang kuwadra.

Samantala nakausap namin si Mang Dolphy kamakailan sa Greenhills at ang isa sa mga itinanong namin sa kanya ay kung ano ang dahilan kung bakit siya lumipat sa TV 5, isa lang ang kanyang naging sagot: “Mahal ko pa rin ang channel 2, pero wala naman silang ibinibigay na work sa akin? Paano?”

Ayon kay Mang Dolphy, hindi naman porke may edad na siya ay titigil na siya sa trabaho. “Ang ganitong gawain ay hindi natin basta matatalikuran na lang. Nasa dugo na natin ang ating trabaho, rito na tayo tumanda.”

Sinabi pa rin ni Dolphy na maganda raw ang project na ibinigay sa kanya ng channel 5 na tiyak umanong magugustuhan ng mga tao. “Basta ang masasabi ko lang diyan, masaya at wala akong pinagsisihan sa aking naging desisyon,” pagwawakas ni Mang Pidol.
HINDI PA RIN mapigilan ang pag-iyak ni Francine Prieto matapos na ilabas sa hospital ang kanyang ina dahil sa sakit nitong cancer. Ayon kay Francine, sobra raw ang pasasalamat niya sa mga taong tumulong sa kanya financially.”Gusto kong magpasalamat kina Diana Zubiri, Alfred Vargas at sa marami pa nating kasamahan sa showbiz na tumutulong sa akin para mapagamot ko ang aking mother.”

Ayon pa kay Francine, hindi raw ganu’n kalaki ang kanyang kinita sa showbiz at sa sobrang haba ng gamutan sa kanyang ina. Kinakapos na rin daw siya financially kaya ang laki ng kanyang pasasalamat nang mag-volunteer ang maraming kaibigan niya sa showbiz na tutulong financially.
Ang ilan sa mga tumulong na kay Francine bukod kina Diana at Alfred ay si Kris Aquino.

More Luck
by Morly Alinio

Previous articleParazzi Chikka: Ang Espada sa Bibig ni Jackie Rice
Next articleClickadora: Na-Starstruck sa Dos, Nag-Quest sa Siyete!

No posts to display