TATLONG GOWNS ng mga sikat na designers tulad nina Francis Libiran, Jun Escario at Michael Leyva ang pinagpipilian ni Kris Aquino para isuot niya sa Crazy Rich Asians red carpet premiere sa Hollywood ngayong Aug. 7.
Exciting kung aling gown ang irarampa ni Kris at tiyak naman na ipo-post niya yon sa kanyang Instagram account.
Samantala, sa latest post ni Kris ay nilinaw niya ang lumabas sa Preview na interview kay Chris Pang, kasama sa cast ng Crazy Rich Asians, na sa shooting ni Kris sa Singapore, 18 assistants daw ang kasama ni Kris.
“Exagg” ang reaction ni Kris tungkol dito dahil eight lang ang kasama niya. Inakala raw siguro ni Chris Pang na kasama ni Kris ang P&G team na based in Singapore na nagdala sa kanya ng flowers.
Lalo namang na-excite ang supporters ni Kris sa interview ni Curtis S. Chin sa author ng Crazy Rich Asians na si Kevin Kwan nang sabihin nito na “she’s a highlight of the movie, for me, she’s a highlight.” Nagpasalamat naman si Kris sa tinuran ng author.
La Boka
by Leo Bukas
