MATAGAL PA ANG tatakbuhin nitong eskandalong sex video nina Hayden Kho at Katrina Halili, dahil ang dami nang nasasangkot at naglalabasang isyu.
‘Di ba inilihis nina Hayden ang isyu? Pinagdiinan nila ang isyung droga at talagang idinidiin nila nang husto si Katrina. Kaya pursigido si Katrina na ituloy ang pagsampa ng kasong libel laban sa Nanay ni Hayden na si Irene Kho.
Sabi nga ni Sen. Bong Revilla nang nakausap namin sa Startalk, “Nababoy na si Katrina, huwag naman sanang katayin pa at litsunin.”
Ang nakakaloka pa, may mga nagkakalat pa ng mga text na nagpakamatay raw si Katrina. Nagkausap nga sila minsan ng manager niyang si Rommel Gacho, sabi na lang daw ni Katrina, tatlong araw na siyang nagpapakamatay! Hindi nila alam kung sino ang pasimuno ng pagkakalat ng ganu’ng balita.
Puring-puri ako kay Katrina dahil talagang ipinakita niya ang tapang para harapin ang eskandalong ito na dala-dala niya habambuhay. Marami naman ang sumusuporta at tumutulong kay Katrina kaya ‘yun ang nagpapalakas sa kanya.
Ang nakakaloka pa, napapag-usapan namin minsan kung kalian ito malalagpasan ni Katrina. Natitiyak ko namang malalagpasan niya ito at makababalik siya, dahil nangako naman ang GMA 7 na susuportahan siya at hindi pababayaan.
Isa na nga ngayon sa ibinabang memo sa GMA 7 na walang manonood ng mga sex video ni Hayden, lalo na ang kay Katrina sa loob ng GMA 7. Kapag nahuling nanonood sila ng naturang video, tanggal!
Ngayon, naka-focus lang si Katrina sa kasong ito at hindi pa masasabi kung kailan siya makababalik sa trabaho. May mga natanguan siyang mga project gaya ng pagsagala, mall shows at mga personal appearance sa probinsiya. Pinakansela ito ng manager niya dahil magagawa pa ba iyan ngayon ng dalaga?
Isipin n’yo nga naman, nagsasagala siya, pero ang pinag-uusapan ng mga taong nanood sa sagala, eh, ang sex video niya kay Hayden. Dala na ni Katrina ang stigma na ito at ewan ko kung kailan niya ito malalagpasan.
Kagabi, dapat kasali siya sa fashion show ng Bench sa SMX, hindi siya nakarating dahil hindi pinayagan ng abugado niya.
Mamayang gabi naman ang premiere night ng pelikula niyang Dalaw, hindi rin niya ito madadaluhan dahil na rin sa payo ng abugado niya.
Sabi nga ng isang staff namin, sobrang sikat ngayon si Katrina. Pinag-uusapan sa lahat na sulok ng bansa, wala naman siyang trabaho.
Walang makakasagot kung kailan babalik sa normal ang takbo ng buhay niya. Nakakaawa naman.
Mga Mata ni Lolita
by Lolit Solis
